Ümummilli lider Heydər Əliyevin anadan olmasının 93-cü ildönümü münasibətilə “Nəsillərə nümunə olan şərəfli ömür yolu” adlı konfrans keçirilib

Bakı:

24 °C

65 %

3 m/s

AZ RU EN

Ana səhifə / Sosial / Ümummilli lider Heydər Əliyevin anadan olmasının 93-cü ildönümü münasibətilə “Nəsillərə nümunə olan şərəfli ömür yolu” adlı konfrans keçirilib

Ümummilli lider Heydər Əliyevin anadan olmasının 93-cü ildönümü münasibətilə “Nəsillərə nümunə olan şərəfli ömür yolu” adlı konfrans keçirilib

07.05.2016 [09:23]

Dünən Ulu öndərimiz Heydər Əliyevin anadan olmasının 93-cü ildönümü münasibətilə “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi Şuşa rayon İcra Hakimiyyəti və Yeni Azərbaycan Partiyası (YAP) Şuşa rayon təşkilatı ilə birlikdə “Nəsillərə nümunə olan şərəfli ömür yolu” adlı konfrans keçirib. Əvvəlcə, konfrans iştirakçıları Ulu öndər Heydər Əliyevin büstü önünə tər çiçəklər düzərək xatirəsini yad ediblər.
Konfrans iştirakçıları Ulu öndərin həyat və fəaliyyətinə həsr olunmuş filmə baxıblar. Daha sonra bəstəkar Sevinc Tofiqqızının Ümummilli lider Heydər Əliyevə həsr olunmuş “Xatirələr” kompozisiyası təqdim olunub.
Tədbirdə Şuşa rayon İcra Hakimiyyətinin başçısı, “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin rəhbəri Bayram Səfərov “Heydər Əliyev və milli xilaskarlıq missiyası” mövzusunda çıxış edərək bildirib ki, görkəmli dövlət xadimi, dünya miqyaslı siyasətçi Heydər Əliyevin həyat və fəaliyyəti müasir tariximizin ən mühüm və şərəfli mərhələsini təşkil edir. “Müstəqil Azərbaycanın mövcudluğu, qüdrətli bir ölkə kimi təşəkkülü Heydər Əliyev siyasətinin bəhrəsidir və biz hamımız bunun üçün dahi insana borcluyuq. Müstəqil Azərbaycan Heydər Əliyevin şah əsəridir, Onun Öz xalqı qarşısında tarixi xidmətidir”, - deyə B.Səfərov vurğulayıb.
Daha sonra YAP Şuşa rayon təşkilatının sədri Təvəkkül Əliyev “Müasir Azərbaycan Ulu öndər Heydər Əliyevin ideyaları işığında”, YAP Şuşa rayon təşkilatı Qadınlar Şurasının sədri Vüsalə Fətəliyeva “Ulu öndər Heydər Əliyev irsində multikultural və tolerant dəyərlər”, təşkilatın Gənclər Birliyinin sədri Yapon Hacıyev “Ulu öndərin gənclər siyasəti” mövzularında məruzə ilə çıxış ediblər.
Məruzələr ətrafında millət vəkili Elman Məmmədov, Şuşa RİH başçısının müavini Əkbər Hacıyev, Azərbaycan Prezidenti yanında Dövlət İdarəçilik Akademiyasının professoru, “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin Əlaqələndirmə Şurasının sədri Elçin Əhmədov, YAP Şuşa rayon təşkilatı İdarə Heyətinin üzvü Ramiq Məhərrəmov çıxış ediblər.
Ümummilli lider Heydər Əliyevin anadan olmasının 93-cü ildönümü münasibətilə keçirilən “Ən yaxşı təqdimat” müsabiqəsinin respublika mərhələsinin qalibi, 12 saylı orta məktəbin IX sinif şagirdi Aytac Cavadbəyli Ulu öndərimizə həsr olunmuş şeir söyləyib.
Tədbirdə YAP sıralarına yeni qəbul olunmuş bir qrup gəncə üzvlük vəsiqələri təqdim olunub, Ulu öndərin doğum günü münasibətilə keçirilmiş futbol, şahmat yarışlarının qalibləri, eyni zamanda “Ən yaxşı təqdimat” müsabiqəsinin respublika mərhələsinin qalibi qiymətli hədiyyələrlə mükafatlandırılıblar.
Nardar BAYRAMLI

Paylaş:

Baxılıb: 763 dəfə