Dövlət İdarəçilik Akademiyasında Türkiyənin yüksək vəzifəli dövlət qulluqçuları üçün təlim-seminarlar keçirilir

Bakı:

10 °C

81 %

9 m/s

AZ RU EN

Ana səhifə / Sosial / Dövlət İdarəçilik Akademiyasında Türkiyənin yüksək vəzifəli dövlət qulluqçuları üçün təlim-seminarlar keçirilir

Dövlət İdarəçilik Akademiyasında Türkiyənin yüksək vəzifəli dövlət qulluqçuları üçün təlim-seminarlar keçirilir

12.05.2016 [09:42]

Azərbaycan Respublikasının Prezidenti yanında Dövlət İdarəçilik Akademiyası (DİA) ilə Türkiyə və Orta Şərq Dövlət İdarəetmə İnstitutu arasında imzalanmış anlaşma protokolu çərçivəsində birgə yaradılan “Qafqaz Dövlət İdarəçiliyi Araşdırma və Tədris Mərkəzi”ndə Türkiyənin yüksək vəzifəli dövlət qulluqçuları üçün təlim-seminarlar keçirilir.
DİA-dan AZƏRTAC-a bildiriblər ki, təlim-seminarlarda Türkiyənin Təhsil, Ədliyyə, Daxili İşlər, Maliyyə, Səhiyyə, Müdafiə, Nəqliyyat Dənizçilik və İnformasiya, Sosial Müdafiə, Kənd Təsərrüfatı nazirliklərinin, Mərkəz Bankı, Ətraf Mühit və Şəhərsalma, Radio və Televiziya Üst Qurumu və digər mərkəzi qurumların yüksək vəzifəli dövlət qulluqçularından ibarət heyət iştirak edir.
DİA-nın rektoru, akademik Urxan Ələkbərov qonaqları salamlayıb, seminarın işinə uğurlar arzulayıb. Akademik Ümummilli lider Heydər Əliyevin dövlət idarəçiliyi irsindən, bu sahədə uğurlu fəaliyyətindən, hazırda Prezident İlham Əliyev tərəfindən uğurla həyata keçirilən, elmə əsaslanan innovativ dövlət idarəçiliyi strategiyasından danışıb.
Türkiyə və Orta Şərq Dövlət İdarəetmə İnstitutunun professoru Seriye Sezen Azərbaycan və Türkiyənin regionun güc mərkəzləri olmaqla yanaşı, eyni zamanda, elm, bilik mərkəzi kimi formalaşması baxımından əhəmiyyətini qeyd edib, hər iki ölkənin dövlət qulluqçularının təcrübə mübadiləsinin aparılmasının, kadr potensialının təkmilləşdirilməsi sahəsində həyata keçirilən təşəbbüslərin əhəmiyyətini diqqətə çatdırıb.
Türkiyənin Azərbaycandakı səfiri İsmayıl Alper Coşqun “Azərbaycan-Türkiyə münasibətləri” mövzusunda məruzəsində iki ölkə arasındakı strateji əməkdaşlığın gücləndirilməsinə verilən töhfələr, bu əməkdaşlığın perspektivlərı və digər məsələlər barədə fikirlərini bölüşüb. Səfir qeyd edib ki, Türkiyə-Azərbaycan əlaqələri həqiqətən mükəmməl səviyyədədir. Azərbaycan və Türkiyənin qarşıya qoyduğu böyük hədəflərə çatmaq üçün daha çox iş görülməlidir və belə bir imkan da var. Səfir Azərbaycanın beynəlxalq aləmdə yüksələn, inkişaf edən, vacib enerji resurslarına malik, iddialı, gələcəyi parlaq bir ölkə olduğunu diqqətə çatdırıb.
Sonra təlim-seminar iştirakçılarının sualları cavablandırılıb.

Paylaş:

Baxılıb: 755 dəfə