Səbail rayonunda “Heydər Əliyev və Azərbaycan tarixi” adlı kitabın təqdimat mərasimi keçirilib

Bakı:

25 °C

64 %

4 m/s

Əlaqə

AZ RU EN

Ana səhifə / Sosial / Səbail rayonunda “Heydər Əliyev və Azərbaycan tarixi” adlı kitabın təqdimat mərasimi keçirilib

Səbail rayonunda “Heydər Əliyev və Azərbaycan tarixi” adlı kitabın təqdimat mərasimi keçirilib

21.12.2016 [09:50]

Dünən Səbail rayon İcra Hakimiyyətinin dəstəyi ilə Milli Azərbaycan Tarixi Muzeyində “Heydər Əliyev və Azərbaycan tarixi” adlı kitabın təqdimat mərasimi keçirilib.
Tədbirdə rayon rəhbərliyi, ziyalılar, gənclər, ağsaqqallar, veteranlar və ictimaiyyət nümayəndələri, pedaqoji kollektivlərin təmsilçiləri və həmçinin kitabda məqalələri toplanmış şagirdlər iştirak ediblər.
Əvvəlcə muzeyin foyesində qonaqlar və tədbir iştirakçılarına 7 nömrəli orta məktəb şagirdləri tərəfindən hazırlanmış Azərbaycan tarixinin müxtəlif dövrlərini təmsil edən hökmdarların obrazları nümayiş olunub və həmin tarixi şəxsiyyətlərin gördüyü işlər və qazandığı uğurlar barədə məlumat verilib.
Təqdimat mərasimdə çıxış edən Səbail rayon İcra Hakimiyyətinin başçısı Eldar Əzizov qeyd edib ki, Ulu öndər Heydər Əliyevin zəngin irsinin və Azərbaycan tarixinin dərindən öyrənilməsi, məktəblilər arasında tarixə olan marağın artırılması məqsədi daşıyan və Səbail rayonunun orta məktəblərinin 33 şagirdinin hazırladıqları monoqrafiyaların toplandığı, nəfis tərtibatlı kitab daş dövründən başlayaraq müasir dövrə kimi olan bir zamanı əhatə edir. Kitabın nəşri həm də şagirdlərimizin gələcəkdə tariximizi daha dərindən öyrənmələrinə, onun ayrı-ayrı dövrlərinin araşdırmalarına marağı artıracaqdır. O, məktəbliləri və onların müəllimlərini belə bir maraqlı kitabın işıq üzü görməsi ilə bağlı təbrik edib.
Təqdimat mərasimində çıxış edən 6 nömrəli məktəb-liseyin direktoru Gülşən Orucova, kitabın redaktoru Elmin İmanov, məqalələri kitaba daxil edilmiş 2 nömrəli Texniki-humanitar elmlər liseyinin şagirdi Murad Kərimov, 7 nömrəli məktəbin şagirdi Firavan Əlizadə, 6 nömrəli məktəb-liseyin şagirdi Əsmər Səfərli və başqaları Ulu öndər Heydər Əliyevin Azərbaycan tarixində özünəməxsus yer tutduğunu, Onun tariximizin dərindən öyrənilməsi və təbliği ilə bağlı gördüyü işlərdən, bu kitabın gələcək nəslin tərbiyəsi və maarifləndirilməsi istiqamətindəki rolundan danışıb, kitabın ərsəyə gəlməsində əməyi olanlara minnətdarlıqlarını bildiriblər.
Çıxışlarda gələcəkdə də bu seriyadan olan digər kitabların çap olunacağı qeyd olunub.
Sonda tədbir iştirakçıları və məktəblilər muzeyin yeni eksponatları ilə tanış olublar.
Qeyd edək ki, bu ilin əvvəlində Səbail rayon İcra Hakimiyyətinin təşkilatçılığı ilə rayonun bütün orta ümumtəhsil məktəblərində Ümummilli lider Heydər Əliyevin əziz xatirəsinə həsr olunmuş “Heydər Əliyev və Azərbaycan tarixi” mövzusunda elmi-praktiki konfranslar keçirilib, bu konfranslarda şagirdlər Azərbaycan tarixinin müxtəlif dövrləri, o cümlədən Ulu öndər Heydər Əliyev və Azərbaycan Respublikasının Prezidenti İlham Əliyevin Azərbaycan tarixindəki rolu barədə məqalələr yazıblar. Sonradan RİH-də keçirilən yekun konfransında bu işlərin ən yaxşılarının seçilərək kitab şəklində çap olunması qərara alınıb.

Paylaş:

Baxılıb: 619 dəfə