Mərdəkan qəsəbəsində 183 saylı tam orta məktəbin 80 illik yubileyi münasibətilə tədbir keçirilib

Bakı:

17 °C

72 %

3 m/s

Əlaqə

AZ RU EN

Ana səhifə / Sosial / Mərdəkan qəsəbəsində 183 saylı tam orta məktəbin 80 illik yubileyi münasibətilə tədbir keçirilib

Mərdəkan qəsəbəsində 183 saylı tam orta məktəbin 80 illik yubileyi münasibətilə tədbir keçirilib

18.04.2017 [09:17]

Aprelin 15-də Xəzər rayonunun Mərdəkan qəsəbəsində 183 saylı tam orta məktəbin 80 illik yubileyi münasibətilə tədbir keçirilib. Tədbirdə Milli Məclisin deputatı Rauf Əliyev, Yeni Azərbaycan Partiyası (YAP) Xəzər rayon təşkilatının sədri Namiq Əhmədov, Bakı Şəhər Təhsil İdarəsinin müdiri Məhəbbət Vəliyeva, ümumi təhsil müəssisələrinin rəhbərləri, müəllimlər, valideynlər, şagirdlər, məktəbin keçmiş məzunları, KİV təmsilçiləri və digər qonaqlar iştirak ediblər. Tədbirdə öncə məktəbin uğurlarından bəhs edən videoçarx nümayiş etdirilib.
Tədbirdə çıxış edən məktəbin direktoru Rəhilə Abbasova qonaqları salamlayaraq təhsil müəssisəsinin tarixindən söz açıb. Bildirib ki, 183 nömrəli tam orta məktəbin təməli 1937-ci ildə qoyulub. Sonralar məktəb əsaslı şəkildə yenilənib və zamanın tələbinə uyğunlaşdırılıb. Belə ki, 2011-ci ildə məktəb Təhsil Nazirliyi tərəfindən əsaslı təmir edilib. Direktor tədris ocağında hazırda 1114 şagirdin təlim-tərbiyəsi ilə 62 müəllimin məşğul olduğunu qeyd edib.
Tədbirdə çıxış edən millət vəkili Rauf Əliyev bildirib ki, 183 saylı məktəb Xəzər rayonunun qabaqcıl məktəblərindən biridir: “Məktəbdə şagirdlərin yüksək səviyyədə təhsil almaları üçün hər bir şərait yaradılıb. Əlbəttə, əvvəllər belə olmayb. Məktəbdə şagird yerləri ilə bağlı sıxlıq, maddi-texniki bazası ilə bağlı ciddi problemlər mövcud olub. Rayonun digər məktəbləri kimi, 183 saylı məktəb də müvafiq Dövlət Proqramına uyğun olaraq yenidən qurulub və ən müasir avadanlıqlarla təmin olunub. 2006-cı ildə Heydər Əliyev Fondu tərəfindən məktəb üçün yeni korpus tikilib istifadəyə verilib. Məktəbdə geniş idman zalı, kitabxana, akt zalı müəllim və şagirdlərə xidmət göstərir. Məktəbdə tədris şəraitinin yaxşılaşdırılması təhsilin keyfiyyətinə və nəticələrə müsbət təsir göstərir. Ali məktəblərə qəbul olanların sayı ildən-ilə artır”.
R.Əliyev bildirib ki, müasir vətənpərvər, xalqını və dövlətini sevən gəncliyin yetişdirilməsində məktəblər böyük rol oynayır.
Tədbirdə çıxış edən digər qonaqlar son illər ölkəmizdə aparılan təhsil islahatlarından söz açaraq, bildiriblər ki, Ulu öndər Heydər Əliyevin siyasi kursunu uğurla davam etdirən ölkə Prezidenti İlham Əliyev hər zaman təhsilə böyük diqqət və qayğı göstərir.
Tədbir şagirdlərin hazırladıqları ədəbi-bədii kompozisiyalarla davam etdirilib.
Sonda məktəbin səmərəli fəaliyyətinə görə fərqlənən müəllimlər Fəxri fərmanla təltif ediliblər.

Paylaş:

Baxılıb: 565 dəfə