Heydər Əliyev
yeni azerbaycan logo

Ana səhifə / Sosial / "Qarabağın Səsi" adlı layihə çərçivəsində seçim turları davam edir

"Qarabağın Səsi" adlı layihə çərçivəsində seçim turları davam edir

16.05.2017 [18:02]

Türkiyə Respublikasının Azərbaycandakı Səfirliyi, Bakı Yunus Emre İnstitutu və Təkamül Beynəlxalq İnteqrasiya İctimai Birliyinin əməkdaşlığı ilə təşkil olunan "Qarabağın Səsi" adlı layihə çərçivəsində istedadlı uşaqların seçimi davam edir. Bu barədə "Yeni Azərbaycan"a Bakı Yunus Emre İnstitutundan məlumat verilib.
Məlumatda deyilir ki, "Qarabağın Səsi" layihəsini həyata keçirməkdə məqsəd musiqi istedadı olan məcburi köçkün uşaqlarının üzə çıxarılması və gələcək karyeralarında onlara dəstək olmaqdır. Layihə bütün Qarabağ bölgəsindən olan məcburi köçkün həyatı sürən 10-17 yaş arası uşaqlar arasında keçirilir. Müsabiqənin bölgələr üzrə seçim turları 4 may tarixindən etibarən Ağdamdan başlanıb.
Münsiflər heyəti tərəfindən Ağdamda yaşayan laçınlı və ağdamlı uşaqlar arasında istedadlı muğam ifaçıları seçilib və Bakı Yunus Emre İnstitutu tərəfindən bütün iştirakçılara hədiyyələr verilib.
Daha sonra Gəncədə, Kürdəmirdə və Biləsuvarda seçim turları keçirilib. Bölgələr üzrə seçim turlarına mayın 26-da Sumqayıtda yekun vurulacaq. Münsiflər heyəti tərəfindən bu bölgələrdən seçilən istedadlı uşaqlar iyunun 8-də Bakı şəhərində keçiriləcək "Qarabağın Səsi" qala konsertində çıxış edərək öz istedadlarını böyük səhnədə nümayiş etdirəcəklər.

Paylaş:
Baxılıb: 588 dəfə

Xəbər lenti

Hamısına bax

YAP xəbərləri

İqtisadiyyat

Analitik

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31