İsmayıllı rayonunda Ümummilli lider Heydər Əliyevin anadan olmasının 95-ci ildönümü münasibətilə elmi konfrans keçirilib

Bakı:

29 °C

42 %

5 m/s

AZ RU EN

Ana səhifə / Sosial / İsmayıllı rayonunda Ümummilli lider Heydər Əliyevin anadan olmasının 95-ci ildönümü münasibətilə elmi konfrans keçirilib

İsmayıllı rayonunda Ümummilli lider Heydər Əliyevin anadan olmasının 95-ci ildönümü münasibətilə elmi konfrans keçirilib

09.05.2018 [16:50]

İsmayıllı rayonunda Ümummilli lider Heydər Əliyevin anadan olmasının 95-ci ildönümü münasibətilə silsilə tədbirlər keçirilir. İsmayıllı rayon İcra Hakimiyyəti Yeni Azərbaycan Partiyası (YAP) İsmayıllı rayon təşkilatı və Azərbaycan Dövlət İqtisad Universiteti ilə birgə “İqtisadiyyatı güclü olan dövlət hər şeyə qadirdir” mövzusunda birgə elmi konfrans keçirib.
İsmayıllı şəhər Mədəniyyət Mərkəzində keçirilən elmi konfransda əvvəlcə Ümummilli lider Heydər Əliyevə həsr olunmuş film nümayiş etdirilib. Tədbiri giriş nitqi ilə açan İsmayıllı rayon İcra Hakimiyyətinin başçısı Mirdaməd Sadıqov geniş məruzə ilə çıxış edib. Bildirilib ki, 1993-cü ildə xalqın təkidli tələbi ilə yenidən hakimiyyətə qayıdan Ulu öndər Heydər Əliyevin apardığı ardıcıl və məqsədyönlü siyasət nəticəsində ictimai-siyasi sabitlik təmin olundu, istehsalda yaranmış geriləmə proseslərinin qarşısı alındı. Məhz bu tədbirlər iqtisadiyyatda tənəzzülü tədricən aradan qaldırdı və bununla da Azərbaycanın iqtisadi inkişafının mahiyyətcə yeni mərhələsinin təməli qoyuldu: “Heydər Əliyevin uzaqgörən siyasəti və gərgin fəaliyyəti nəticəsində, ağır şərtlərə baxmayaraq, ölkəmizin sosial-iqtisadi inkişafı və dünya təsərrüfatı sisteminə inteqrasiyası sahəsində çox böyük nailiyyətlər əldə olundu. Ən əsası isə, bu dövrdə ölkəmizdə aparılan müstəqil dövlət quruculuğu prosesində iqtisadi inkişafın mahiyyət etibarilə yeni bir modeli - Azərbaycan modeli yaradıldı”.
Çıxış edən Azərbaycan Dövlət İqtisad Universitetinin professoru, iqtisad elmləri doktoru Arif Şəkərəliyev, universitetin professoru, iqtisad elmləri doktoru Qabil Manafov Ümummilli lider Heydər Əliyevin iqtisadi strategiyasının nəzəri əsaslarından, praktik nəticələrindən, ölkəni 90-cı illərin əvvəllərində daha da dərinləşmiş iqtisadi və maliyyə böhranlarından bacarıqla xilas etməsi yollarından danışıblar.
Çıxış edən Milli Məclisin üzvü Tahir Kərimli Ümummilli liderin SSRİ dövründəki fəaliyyətindən, Ulu öndər 1993-cü ildə xalqın təkidli tələbi ilə yenidən siyasi hakimiyyətə gəldikdən sonra ölkəmizdə həyata keçirilən işlərdən, dahi rəhbər tərəfindən əsası qoyulan iqtisadi strategiyanın Prezident İlham Əliyev tərəfindən davam etdirilməsindən danışıb.
Tədbirin sonunda Ulu öndərə həsr olunmuş şeirlər səsləndirilib.

Paylaş:

Baxılıb: 499 dəfə