Prezident İlham Əliyevin Şamaxıya səfəri ilə əlaqədar rayon fəallarının yığıncağı keçirilib

Bakı:

22 °C

60 %

4 m/s

Əlaqə

AZ RU EN

Ana səhifə / Sosial / Prezident İlham Əliyevin Şamaxıya səfəri ilə əlaqədar rayon fəallarının yığıncağı keçirilib

Prezident İlham Əliyevin Şamaxıya səfəri ilə əlaqədar rayon fəallarının yığıncağı keçirilib

04.09.2018 [08:48]

Prezident İlham Əliyevin Şamaxıya tarixi səfəri zamanı rayonun sosial-iqtisadi həyatı üçün mühüm əhəmiyyətə malik olan istehsal və xidmət obyektlərinin açılışı, səfərdən sonra imzaladığı sərəncamlar rayon ictimaiyyəti tərəfindən böyük minnətdarlıqla qarşılanıb.
AZƏRTAC-ın bölgə müxbiri xəbər verir ki, bu fikirlər Prezident İlham Əliyevin Şamaxıya son səfəri zamanı verdiyi tövsiyə və tapşırıqlardan irəli gələn vəzifələrə həsr edilən fəallar yığıncağında səsləndirilib.
Yığıncaqda çıxış edən rayon icra hakimiyyətinin başçısı Asif Ağayev Prezident İlham Əliyevin Şamaxıya tarixi səfərinin yekunları barədə danışıb, bu səfərin rayonun sosial-iqtisadi, ictimai-mədəni həyatında mühüm hadisə olduğunu vurğulayıb. İcra hakimiyyətinin başçısı Prezidentin səfər zamanı verdiyi tapşırıq və tövsiyələri, imzaladığı sərəncamları diqqətə çatdıraraq, bununla əlaqədar qısa müddətdə müxtəlif istiqamətlər üzrə hazırlanan fəaliyyət proqramlarından və planlardan söz açıb. Qeyd edib ki, artıq bir sıra kəndlərə qaz xəttinin çəkilişi, istehsal, sosial və təhsil obyektlərinin, yolların tikintisi ilə bağlı ilkin layihə işlərinə başlanılıb.
Fəallar yığıncağında qeyd olunub ki, avqustun 25-26-da Şamaxıya səfəri zamanı Prezident İlham Əliyev və birinci xanım Mehriban Əliyeva bir sıra obyektlərin, o cümlədən Meysəri kəndində tam orta məktəb üçün yeni binanın, “Şirvan şərabları” MMC-nin üzümçülük və şərabçılıq kompleksinin, Dəmirçi kəndində arxeologiya muzeyinin və yeni Dəmirçi-Lahıc avtomobil yolunun açılışlarında iştirak edib, “Şirvan şərabları” MMC-nin kollektivi ilə görüşüb.
Bildirilib ki, dövlətimizin başçısının Şamaxı şəhərində əhalinin mənzil-məişət şəraitinin yaxşılaşdırılması, “ASAN xidmət” mərkəzinin və rayonun Çuxuryurd-Sis-Qaleybuğurd-Keçmədin-Qaladərəsi avtomobil yolunun tikintisi ilə bağlı avqustun 27-də imzaladığı sərəncamlar Şamaxıda sosial-iqtisadi infrastrukturun möhkəmləndirilməsinə güclü təkan verəcək.
Rayon Gənclər və İdman İdarəsinin rəisi Şahmar Hüseynov, rayonun Dəmirçi bələdiyyəsinin sədri Kərəm Şükürov, Meysəri kənd tam orta məktəbinin direktoru Emil Sayılov, Qaleybuğurd bələdiyyəsinin sədri Qahir Sadıqov və rayon icra hakimiyyəti başçısının Mərzəndiyə kənd inzibati ərazi dairəsi üzrə nümayəndəsi Səfa Səmədov fəallar yığıncağında çıxış edərək, Prezident İlham Əliyevin səfərinin rayon həyatı üçün əlamətdar olduğunu, dövlətimizin başçısının Şamaxı ilə bağlı imzaladığı sərəncamların, tapşırıq və tövsiyələrinin bölgənin inkişafına güclü təkan verəcəyini söyləyiblər.
Yığıncaqda müzakirə olunan məsələ ilə əlaqədar hazırlanan fəaliyyət istiqamətləri geniş müzakirə olunub, bununla əlaqədar hazırlanan proqram və tədbirlər planı təsdiqlənib.
Fəallar yığıncağının iştirakçıları Azərbaycan Respublikasının Prezidenti İlham Əliyevə müraciət qəbul ediblər.

Paylaş:

Baxılıb: 835 dəfə