Əhməd Yasəvi Universiteti Himayəçilik Şurasının sədri Musa Yıldız TUDİFAK-da olub

Bakı:

20 °C

88 %

4 m/s

Əlaqə

AZ RU EN

Ana səhifə / Sosial / Əhməd Yasəvi Universiteti Himayəçilik Şurasının sədri Musa Yıldız TUDİFAK-da olub

Əhməd Yasəvi Universiteti Himayəçilik Şurasının sədri Musa Yıldız TUDİFAK-da olub

22.02.2019 [17:43]

Ölkəmizə səfərə gələn Əhməd Yasəvi Universiteti Himayəçilik Şurasının sədri prof. dr. Musa Yıldız dünən Azərbaycan Dövlət İqtisad Universitetinin (UNEC) Türk Dünyası İqtisad Fakültəsində (TUDİFAK) olub. Fakültə ilə tanışlıqdan sonra TUDİFAK-ın dekanı, prof.dr. Hayati Beşirli ilə görüşən qonağa fakültənin yaranma tarixi və fəaliyyəti ilə bağlı ətraflı məlumat verilib.
Öz növbəsində prof. dr. Musa Yıldız Türk Dünyası Araşdırmaları Vəqfinin qurucu başqanı rəhmətlik Turan Yazqan tərəfindən əsası qoyulan bu fakültə ilə tanışlıqdan məmnun olduğunu deyib. Sonra o, prof.dr. Hayati Beşirliyə və fakültənin digər rəhbər şəxslərinə Xoca Əhməd Yasəvinin həyatından, həmçinin türk dünyasından bəhs edən kitablar hədiyyə edib.
Görüşdən sonra fakültənin iclas zalında "Əhməd Yasəvi və Türk dünyası" mövzusunda konfrans keçirilib. Azərbaycanın və Türkiyənin dövlət himnlərinin səsləndirilməsindən sonra çıxış edən TUDİFAK-ın dekanı, prof.dr. Hayati Beşirli qonaq barədə müəllim və tələbələrə ətraflı məlumat verib.
Çıxışında bu konfransın Xocalı soyqırımının 27-ci ildönümü ərəfəsinə təsadüf etdiyini də bildirən dekan Xocalı faciəsinin təkcə Azərbaycan xalqına deyil, bütün insanlığa, bəşəriyyətə qarşı yönəldilmiş ən ağır soyqırımı cinayətlərindən biri olduğunu vurğulayıb. O, 1992-ci il fevralın 25-dən 26-na keçən gecə Dağlıq Qarabağda erməni quldur birləşmələrinin keçmiş sovet ordusuna məxsus 366-cı motoatıcı alayın hərbçiləri ilə birlikdə Azərbaycanın Xocalı şəhərini yerlə yeksan etdiklərini, 63-ü uşaq, 106-sı qadın, 70-i yaşlı insan olmaqla, 613 Xocalı sakinini vəhşicəsinə qətlə yetirdiklərini deyib.
Fakültənin müəllim və tələbə heyəti qarşısında çıxış edən prof. dr. Musa Yıldız Əhməd Yasəvinin həyatı, dünyaya baxışı və ardıcılları barədə ətraflı məlumat verib. Bildirilib ki, Türk mədəniyyət tariximizin ən mühüm şəxsiyyətlərindən biri olan Əhməd Yasəvi dövrünün din və mədəniyyət dili olan ərəb və fars dili əvəzinə, ana dili olan türk dilindən istifadə etmiş, türk dilini elm, eşq və ürfan dilinə çevirmişdir. Söhbətlərində və nitq yolu ilə ifadə etdiyi hikmətlərində ana dili olan türk dilindən istifadə edərək geniş kütlələrə təsir göstərən ilk türk mütəsəvvüfü olmuşdur. Bu gün geniş bir coğrafiyada danışılan və yazılan türk dilindən bəhs ediriksə, bunu təmin edən məhz Əhməd Yasəvidir.

Paylaş:

Baxılıb: 1127 dəfə