20 nömrəli tam orta məktəb-liseydə “Mən öz gələcəyimi seçirəm” mövzusunda seminar təşkil edilib

Bakı:

20 °C

83 %

8 m/s

Əlaqə

AZ RU EN

Ana səhifə / Sosial / 20 nömrəli tam orta məktəb-liseydə “Mən öz gələcəyimi seçirəm” mövzusunda seminar təşkil edilib

20 nömrəli tam orta məktəb-liseydə “Mən öz gələcəyimi seçirəm” mövzusunda seminar təşkil edilib

17.04.2019 [09:47]

Bakıda keçirilən Narkotiklərlə Mübarizə üzrə XXXVI Beynəlxalq Konfrans (IDEC) çərçivəsində aprelin 16-da Arif Hüseynzadə adına 20 nömrəli tam orta məktəb-liseydə “Mən öz gələcəyimi seçirəm” mövzusunda seminar təşkil edilib.
AZƏRTAC xəbər verir ki, məktəb-liseyin müəllimlərinin və şagirdlərinin iştirak etdikləri tədbirdə əvvəlcə narkotik vasitələrin zərərləri barədə videoçarx nümayiş olunub.
Tədbirdə XXXVI beynəlxalq konfransın keçirilməsi ilə əlaqədar Prezident İlham Əliyevin 2018-ci il 15 noyabr tarixli Sərəncamından bəhs edilib, müvafiq qurumlarla birgə tədbirlər planının hazırlanıb təsdiq olunduğu barədə məlumat verilib. Konfrans çərçivəsində problemin həllinə xidmət edən mühüm addımlardan biri kimi müxtəlif tədbirlərin keçirilməsinin yeniyetmələrin və gənclərin maarifləndirilməsi istiqamətində böyük əhəmiyyətə malik olduğu diqqətə çatdırılıb. Bu məqsədlə xarici ölkələrdən ekspertlər seminarlar təşkil etmək üçün Azərbaycana dəvət edilib. Belə maarifləndirici tədbirlərin keçirilməsinin narkomanlığın yayılması ilə mübarizənin gücləndirilməsi, onun qarşısının alınması baxımından önəmi qeyd edilib.
Seminarda Amerika Birləşmiş Ştatlarının Narkotiklərlə Mübarizə İdarəsinin San-Dieqo şəhərində fəaliyyət göstərən əməkdaşı, IDEC Konfransının “Tələbatın Azaldılması Təhsil Proqramı”nın təşkilatçısı Rokuelle Herron mühazirə oxuyub. Qeyd edib ki, o, dünyada gənclərə narkotikin zərərləri barədə mühazirələr keçir. İndiyədək Azərbaycan daxil olmaqla 10-dan çox ölkədə 500-dən çox təqdimatla çıxış edib.
“Proqramın məqsədi gəncləri reallıqda baş verənlərlə bağlı maarifləndirməkdir. Arzuların məhv olmasının ən asan yolu narkotiklərdən istifadədir. Biz belə tədbirlərdə tələbələrə, şagirdlərə, ümumiyyətlə, gənclərə məlumat veririk ki, narkotik vasitə insanların həyatına mənfi təsir göstərir. Biz bu barədə danışırıq və sonda gənclərdən onların seçimini soruşuruq”, - deyə Narkotiklərlə Mübarizə İdarəsinin əməkdaşı vurğulayıb.
Rokuelle Herron müasir dövrün sosial bəlalarından olan narkomaniya və onun fəsadları barədə danışıb. Narkotiklərin qanunsuz dövriyyəsi və narkomanlığın yayılmasının qarşısının alınması, narkomanlığa düçar olanların müalicə edilməklə sağlam həyata qaytarılmasının önəmi qeyd edilib. Mühazirədə ABŞ-da narkomaniya ilə bağlı vəziyyətin ağırlığından, narkotiklərdən istifadənin fəsadlarından, onun qurbanlarının ilbəil artmasından bəhs olunub. Bildirilib ki, əgər 2018-ci ildə ABŞ-da 72 min gənc bu bəladan əziyyət çəkirdisə, 2019-cu ildə bu göstəricinin 80 min olacağı gözlənilir.
“İnanırıq ki, narkotik vasitələrin zərərləri barədə məlumat sayəsində gənclər həyatlarında doğru seçim edəcəklər. Çünki gənclərin bugünkü seçimləri gələcəkdəki həyatlarını müəyyənləşdirəcək. Narkotik istifadəçiləri dünyada zorakılığın yayılmasına təkan verir. Ümid edirik ki, bu problemlər Azərbaycana gəlməyəcək və gənclər öz gələcəklərini doğru istiqamətdə seçəcəklər”, - deyə Rokuelle Herron əlavə edib.
Tədbirdə Kolumbiyanın Narkotiklərlə Mübarizə İdarəsinin Boqotada fəaliyyət göstərən əməkdaşı Bobi Lukas narkomaniyanın qarşısının alınması yolları barədə məlumat verib.
Seminar tələbələrin, müəllimlərin suallarının cavablandırılması ilə başa çatıb.

Paylaş:

Baxılıb: 756 dəfə