Astarada akademik Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib

Bakı:

24 °C

46 %

1 m/s

AZ RU EN

Ana səhifə / Sosial / Astarada akademik Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib

Astarada akademik Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib

27.04.2019 [09:58]

Dünən Astara rayon Heydər Əliyev Mərkəzində görkəmli oftalmoloq-alim, akademik Zərifə xanım Əliyevanın anadan olmasının 96-cı ildönümünə həsr olunmuş tədbir keçirilib. Əvvəlcə akademik Zərifə xanım Əliyevanın xatirəsi bir dəqiqəlik sükutla yad edilib və “Sadəlik və xeyirxahlıq təcəssümü” adlı film nümayiş olunub.
“Gözlərə nur, qəlblərə mərhəmət bəxş edən böyük insan akademik Zərifə Əliyevanın ömür yolu hər bir insan üçün həyat və mənəviyyat dərsidir” mövzusunda keçirilən tədbiri giriş sözü ilə açan Yeni Azərbaycan Partiyası (YAP) Astara rayon təşkilatının sədri Firudin Əhmədov akademik Zərifə xanım Əliyevanın Azərbaycanda oftalmologiya elminin inkişafında müstəsna xidmətləri olduğunu deyib. O, ömrünü insanların sağlamlığının qorunmasına həsr etmiş Zərifə xanımın xatirəsinin xalqımızın qəlbində əbədi yaşayacağını qeyd edib.
Sonra “Gözlərə nur, qəlblərə mərhəmət bəxş edən böyük insan akademik Zərifə Əliyevanın ömür yolu hər bir insan üçün həyat və mənəviyyat dərsidir” mövzusunda məruzə ilə çıxış edən YAP Astara rayon təşkilatının Qadınlar Şurasının sədri Yasəmən Rəsulova akademik Zərifə xanım Əliyevanın oftalmologiya elmi sahəsində fəaliyyətindən danışıb. Qeyd edib ki, Zərifə xanım Əliyeva respublikamızda tibb elminin inkişafına mühüm töhfələr verib. O, oftalmologiyanın aktual problemlərinə dair sanballı tədqiqatları ilə nəinki keçmiş SSRİ məkanında, həmçinin dünya miqyasında şöhrət qazanıb. Onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərib. Bildirib ki, oftalmologiya sahəsində ilk azərbaycanlı akademik Zərifə xanım Əliyeva Sovet Sülhü Müdafiə Komitəsinin, Azərbaycan “Bilik” Cəmiyyətinin və Ümumittifaq Oftalmoloqlar Elmi Cəmiyyəti Rəyasət Heyətinin üzvü olub.
Tədbirdə həmçinin Astara rayon İcra Hakimiyyətinin məsul işçisi Firəngiz Sadıxova, Astara şəhər 1 saylı tam orta məktəbin direktoru Xədicə Əliyeva və Astara rayon Mərkəzi Xəstəxanasının Poliklinika şöbəsinin müdiri Gülnar Muxtarova çıxış edərək gözəl ana, vəfalı ömür-gün yoldaşı, intellektual keyfiyyətləri özündə birləşdirən ziyalı, tibb elminə əvəzolunmaz töhfələr vermiş böyük oftalmoloq-alim Zərifə xanım Əliyevanın həyatı, elmi və yaradıcılıq fəaliyyəti haqqında danışıblar. Çıxışlarda akademik Zərifə xanım Əliyevanın xatirəsinin xalqımızın yaddaşından heç vaxt silinməyəcəyi vurğulanıb.

Paylaş:

Baxılıb: 533 dəfə