Heydər Əliyev
yeni azerbaycan logo

Ana səhifə / Sosial / Türkiyənin Atılım Universitetinin nümayəndə heyəti Memarlıq və İnşaat Universitetində olub

Türkiyənin Atılım Universitetinin nümayəndə heyəti Memarlıq və İnşaat Universitetində olub

04.05.2019 [10:16]

Mayın 3-də Azərbaycan Memarlıq və İnşaat Universitetində (AZMİU) Türkiyənin Atılım Universitetinin nümayəndələri ilə görüş keçirilib. Görüşdə AZMİU-nun Beynəlxalq əlaqələr üzrə prorektoru, professor Nərgiz Abdullayeva, elm və texnika üzrə prorektor, professor Arif Şərifov, xarici əlaqələr şöbəsinin müdiri Fərhad Əliyev, müdir müavini Könül Şirinova və digərləri iştirak ediblər.
Tədbirdə tərəflər təmsil etdikləri ali təhsil müəssisəsinin tarixi, fəaliyyəti, maddi-texniki bazası, tədris olunan ixtisaslar, bakalavr təhsil səviyyəsi və ikili diplom proqramları, magistr və doktorantura təhsil səviyyələrində tələbə-müəllim mübadiləsi imkanları haqqında məlumat veriblər.
Dövlətlərimiz arasında qardaşlıq münasibətlərinin dinamik inkişafını vurğulayan Beynəlxalq əlaqələr üzrə prorektor, professor Nərgiz Abdullayevanın sözlərinə görə, AZMİU-da xarici tələbələrin 80%-ni türkiyəli tələbələr təşkil edir.
Görüşdən məmnun olduqlarını bildirən Atılım Universitetinin prorektoru, professor Sərkan Əryılmaz təmsil etdiyi ali təhsil müəssisəsi haqqında geniş təqdimatla çıxış edib. Bildirib ki, 1996-cı ildə yaradılan, Türkiyənin paytaxtı Ankara şəhərində yerləşən universitet fəaliyyət göstərdiyi qısa zaman ərzində “QS İnkişaf Etməkdə olan Avropa və Mərkəzi Asiya” regionu üzrə reytinq cədvəlində, “Times Higher Education World University Ranking”lərdə əhəmiyyətli mövqelər tutub: “Hədəfimiz Türkiyədə ilk 10, dünyanın isə 500 universiteti arasında yer almaqdır. Universitetimizdə 9 mindən çox tələbə təhsil alır. Burada 8 fakültə var. Tələbələrin 40%-i mühəndislik fakültəsində oxuyur. Universitetimizdə tədris türk və ingilis dillərində aparılır”.
Görüşdə həmçinin qarşılıqlı təcrübə, simpozium, seminarların təşkil edilməsi, əməkdaşlığın perspektivləri və digər məsələlər ətrafında da fikir mübadiləsi aparılıb.
Müşfiqə BAYRAMLI

Paylaş:
Baxılıb: 502 dəfə

Xəbər lenti

Hamısına bax

Analitik

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31