Nərgiz Eyvazova: Xalqımız əmindir ki, Azərbaycan Ordusu işğal altında olan torpaqlarımızı tezliklə azad edəcək

Bakı:

23 °C

78 %

7 m/s

AZ RU EN

Ana səhifə / Sosial / Nərgiz Eyvazova: Xalqımız əmindir ki, Azərbaycan Ordusu işğal altında olan torpaqlarımızı tezliklə azad edəcək

Nərgiz Eyvazova: Xalqımız əmindir ki, Azərbaycan Ordusu işğal altında olan torpaqlarımızı tezliklə azad edəcək

07.10.2020 [08:45]

“Bu gün xalqımız torpaqlarımızın işğaldan azad olunması sevincini yaşayır. Azərbaycan Ordusu uğurlu əks-hücum əməliyyatları keçirərək düşməni torpaqlarımızdan qovur”. Bu fikirləri Azərbaycan Gənclərinin Avropaya İnteqrasiyası Təşkilatının sədri Nərgiz Eyvazova deyib.
Nərgiz Eyvazova bildirib ki, Azərbaycan Gənclərinin Avropaya İnteqrasiyası Təşkilatının yarandığı vaxtdan əsas fəaliyyət istiqamətlərindən biri Qarabağ həqiqətlərinin dünya ictimaiyyətinə çatdırılması olub. Onun sözlərinə görə, bu məqsədlə xarici ölkələrə dəfələrlə səfərlər edilib, tədbirlər təşkil olunub və layihələr həyata keçirilib: “Koronavirus pandemiyasına görə 2020-ci ili bir çox ölkələr uğursuz il kimi təqdim edir. Məncə, 2020-ci il Azərbaycan tarixinə şərəfli il kimi yazılacaq. Bu uğuru da Azərbaycan Prezidenti İlham Əliyevin sayəsində yaşayırıq. Dağlıq Qarabağ problemi ilə bağlı dövlətimizin başçısı müxtəlif beynəlxalq tribunalardan həqiqətləri deyirdi və bəyan edirdi ki, Azərbaycan torpaqlarının işğalına son qoyulmalıdır. Əks halda, xalqımızın səbri daşacaq və biz torpaqlarımızı öz gücümüzlə azad edəcəyik. Cənab Prezident sözünün üstündə dayandı və xalqın Ona olan etimadını əməldə sübut etdi”.
QHT rəhbərinin sözlərinə görə, xalqımız əmindir ki, Azərbaycan Ordusu işğal altında olan torpaqlarımızı tezliklə azad edəcək: “Biz bunu əyani şəkildə görürük. Xaricdə yaşayan dostlarımız var, onlar Müdafiə Nazirliyinin videolarına baxıb təəccüblərini gizlətmirlər ki, bizim nə qədər güclü modern ordumuz var. Əvvəllər hamının gözündə Qarabağ nisgilini görürdüksə, indi isə əksinə qələbə sevincləri görürük. Biz bunu bacardıq, dünyaya sübut etdik ki, doğma torpaqlarımızı özümüzə qaytara bilirik. Müdafiə Nazirliyi bəyan edib ki, ordumuzun təminatı yüksək səviyyədədir, heç bir yardıma ehtiyac yoxdur. Amma insanlar nəsə kömək etmək istəyir. Çünki oğullarımız sinəsini düşmən qarşısında sipər edib. Son günlər işğalçı ermənilər öz xislətini göstərirlər. Cəbhə bölgəsindən uzaq olan şəhərlərimizi, kəndlərimizi atəşə tuturlar. Ermənistan başa düşür ki, onlar üçün işğalçılığın, separatizmin sonudur. İndi ermənilər qadınları, qocaları cəbhəyə göndərirlər. Artıq bütün dünya bizim psixoloji üstünlüyümüzü də görür”.
“Vətəndaş cəmiyyəti olaraq Prezidentimizə böyük minnətdarlığımızı bildiririk. Çünki məhz Onun əzmi Azərbaycan xalqının gücünü, qüdrətini bütün dünyaya göstərmiş oldu. Bu gün QHT olaraq biz də üzərimizə düşən vəzifələri layiqincə yerinə yetirməyə çalışırıq. Əsas mübarizəmiz isə informasiya cəbhəsində gedir”, - deyə təşkilat sədri vurğulayıb.
Nardar BAYRAMLI

Paylaş:

Baxılıb: 636 dəfə