Dünyada COVID-19-a yüksək yoluxma dinamikası müşahidə olunur

Bakı:

28 °C

55 %

11 m/s

Əlaqə

AZ RU EN

Ana səhifə / Sosial / Dünyada COVID-19-a yüksək yoluxma dinamikası müşahidə olunur

Dünyada COVID-19-a yüksək yoluxma dinamikası müşahidə olunur

20.11.2020 [09:32]

Ölkəmizdə bu istiqamətdə həyata keçirilən məhdudlaşdırıcı tədbirlər vətəndaşların sağlamlığının qorunmasına xidmət edir
Dünya ölkələrində yeni növ koronavirus (COVID-19) infeksiyasına yüksək yoluxma dinamikası müşahidə olunur. Bu səbəbdən bir çox ölkələr yenidən sərt karantin qaydaları tətbiq edir, müvafiq məhdudlaşdırıcı tədbirlər həyata keçirilir. Bütün dünyada olduğu kimi, Azərbaycanda da COVID-19 xəstəliyinə yoluxma halları davam etməkdədir. Azərbaycan Respublikası Nazirlər Kabineti yanında Operativ Qərargahın məlumatına əsasən, Azərbaycanda virusun yayılmasının və onun törədə biləcəyi fəsadların qarşısının alınması məqsədilə ölkə ərazisində xüsusi karantin rejiminin müddəti 2020-ci il 28 dekabr saat 06:00-dək uzadılıb. Bununla belə, son günlərdə COVID-19 virusuna yüksək yoluxma dinamikası qeydə alındığından bir sıra qadağaların tətbiq edilməsinə qərar verilib.
Ekspertlər ölkəmizdə həyata keçirilən bütün tədbirlərin vətəndaşların sağlamlığının qorunmasına xidmət etdiyini bildirirlər. Eyni zamanda, sosial məsafənin qorunması və tibbi maskalardan istifadənin zəruriliyi, gigiyenik qaydalara düzgün riayət olunması, kütləvi toplaşmamağın vacibliyi ilə bağlı mütəmadi olaraq çağırışlar edilir.
Yeri gəlmişkən, qəzetimizə açıqlama verən həkim-ginekoloq İlahə Vəliyeva da COVID-19-a qarşı mübarizənin səmərəliliyinin vətəndaşların bütün qaydalara əməl etməsindən asılı olduğunu deyib. O bildirib ki, insanlar sanitar-gigiyena qaydalarına əməl etməklə virus və infeksiyalara, eləcə də COVID-19 xəstəliyinə yoluxma riskini minimuma endirə bilərlər: “Öskürən zaman əlləri ilə ağızlarını örtmək, xəstə insanlardan azı 2 metr sosial məsafə saxlamaq, əlləri sabun və alkoqol əsaslı təmizləyici vasitələrdən istifadə edərək müntəzəm yuyub təmizləmək lazımdır”.
“Xüsusi məqamlardan biri budur ki, COVID-19 diaqnozu qoyulmuş və ya xəstəliyin simptomlarını daşıyan analar virusun körpəyə yoluxmasının qarşısını almaq üçün bütün təhlükəsizlik qaydalarına əməl etməlidirlər. Həmçinin yaşlı insanların və ahılların COVID-19 virusuna yoluxma riski yüksəkdir. İnfeksiya xüsusilə xroniki xəstəliyi olan ahıllar üçün daha təhlükəlidir”, - deyə o əlavə edib.
Dietoloq Sevinc Rəhimova isə bildirib ki, yeni növ koronavirus infeksiyasına yoluxma riskini azaltmaq üçün müvafiq qabaqlayıcı tədbirlərə riayət etməklə yanaşı, sağlam həyat tərzi də vacib şərtdir: “Yaşlandıqca maddələr mübadiləsinin gedişi dəyişir, orqanizmin qida maddələrinə olan ehtiyacı, tələbatı da fərqlənir. COVID-19, eləcə də digər yoluxucu xəstəliklərə qarşı orqanizmin müqavimətini artırmaq üçün yaşlı insanların və ahılların düzgün, balanslı qidalanması lazımdır”.
MÜŞFİQƏ

Paylaş:

Baxılıb: 672 dəfə