111 əvvəl “Titanik” suya buraxılmışdı

Bakı:

24 °C

83 %

5 m/s

Əlaqə

AZ RU EN

Ana səhifə / Sosial / 111 əvvəl “Titanik” suya buraxılmışdı

111 əvvəl “Titanik” suya buraxılmışdı

02.06.2022 [10:52]

MİKAYIL

1912-ci ildən 110 il ötsə də, sirlərini özü ilə bərabər mavi okeanın sularına qərq edən “Titanik” gəmisi haqqında fərziyyələr səngimək bilmir. Kimisi gerçəklikdən uzaq olduğunu, kimisi isə gəminin batmasının “planlı cinayət” olduğunu iddia edir. İllərdir suallar öz cavabını tapmır.

Tarixi mənbələrə görə, 1912-ci ilin 14 aprel tarixində “Titanik” gəmisi Atlantik okeanda aysberqlə toqquşaraq batması nəticəsində göyərtədə olan 2224 sərnişin və ekipaj üzvündən 1513-ü həlak olub. Aprelin 14-dü saat 23:40-da aysberqlə toqquşub və 2 saat 40 dəqiqədən sonra batıb.

“Titanik” buzdağının qaranlıq üzünə doğru yaxınlaşırdı. Havada külək yox idi və okean olduqca sakit idi. Bütün bu amillər buz dağının lap əvvəldən görülməsini əngəlləyirdi. Beləliklə, dünyanın ən böyük buxarılı sərnişin gəmisi, göz görə-görə fəlakətə gedirdi.

Britaniyanın öz dövrünün ən nəhəng sərnişin gəmisi sayılıb. Nə az, nə çox 26 aya inşa edilib. 1911-ci il mayın 31-də bu nəhəng gəmi suya buraxılıb. Gəminin 2 il 2 ay inşası zamanı 8 işçi dünyasını dəyişib, 246 nəfər işçi isə müxtəlif xəsarətlər alıb. Gəminin tikilməsinə $7,5 milyon vəsait xərclənib. 1997-ci ildə çəkilmiş filmə isə $200 milyon pul xərclənib. 2 milyard $-dan çox gəlir götürən bu film kinemotoqrafiya tarixinin ən gəlirli və yaddaqalan filmlərindəndir. Film 11 Oskar mükafatına layiq görülüb.

Yazıçı Morqan Robertson “Boşluq... və ya Titanın məhvi” adlı bir kitabında Atlantik okeanda buzdağına çırpılıb batan Titan gəmisindən bəhs edib. Maraqlısı budur ki, Titan “Titanik”in batmasından nə az, nə çox 14 il əvvəl yazılıb. “Titanik” faciəsində baş verən süjet xətti “Titanik” əsəri ilə bütünlükdə üst-üstə düşür. Daha sonra yazıçı otellərin birində ölü tapılır. Morqan uzun müddət təqib edilib, əsər müəyyən müddətdən sonra satışdan çıxarılıb. Bu hekayəni oxumaq, az qala, hər kəsə qadağan edilir və ələ keçirilən əsərlər yandırılaraq yox edilirdi. Bunların səbəbləri isə hələ də naməlum olaraq qalır. Belə olan halda Morqanın ölümü haqlı olaraqdan hər kəsdə şübhə yaradır. Deməli, Morqanın ssenarisi əsasında 14 il ərzində mükəmməl bir gəmi - Əfsanəvi “Titanik” yaradıldı? Buna qısaca “planlı ölüm” demək olarmı? “Titanik”dən başqa heç bir gəmi aysberq ilə toqquşaraq batmayıb.

Kifayət qədər siyasi və ictimai səbəbləri özündə gizlədən gəmi sonda dahi rejissor Ceyms Kameronun maraq dairəsinə keçir. 1997-ci ildə Leonardo Di Kaprio və Keyt Uinsletin iştirak etdiyi əfsanəvi filmi çəkir. Filmin rejissor işi olduqca güclüdür. Hətta aktrisa Keyt Uinslet 1912-ci ildə yaşamış Rouz Devit Buketerin demək olar ki, bənzəridir. Sadəcə, Cek Douson Leonardo qədər yaraşıqlı deyil. Qeyd etdiyimiz kimi, yüksək peşəkarlığına görə “Titanik” filmi 11 dəfə Oskar mükafatına layiq görülüb. Buna səbəb daha çox faciənin reallıq əsasında qurulmasıdır. 2000-dən çox sərnişinin ölümü sözün həqiqi mənasında tükürpədici faktordur. Gəminin batmasının 100-cü ildönümü dünya miqyasında qeyd olunub.

Bu gün bu tarixi faciənin - batan gəminin hər parçası dünya dövlətləri üçün olduqca əhəmiyyətlidir. Əksər ölkələrdə “Titanik”ə həsr olunan muzeylərə rast gəlmək mümkündür. Məkanların əksər hissələri “Titanik” gəmisinin iç dekorasiyasına bənzər şəkildə düzəldilib. Həmin muzeylər sayəsində bir əsr sonra da milyonlar qazanılır. Zaman keçsə də, bu gəmiyə aid sirlər açılmamaqda israrlıdır. Əsl həqiqəti isə zaman özü aşkar edəcək.

Paylaş:

Baxılıb: 891 dəfə