YAP Masallı rayon təşkilatında “Heydər Əliyev yolu əbədidir” mövzusunda tədbir keçirilib

Bakı:

25 °C

72 %

13 m/s

Əlaqə

AZ RU EN

Ana səhifə / YAP xəbərləri / YAP Masallı rayon təşkilatında “Heydər Əliyev yolu əbədidir” mövzusunda tədbir keçirilib

YAP Masallı rayon təşkilatında “Heydər Əliyev yolu əbədidir” mövzusunda tədbir keçirilib

11.12.2012 [00:44]

Yeni Azərbaycan Partiyası (YAP) Masallı rayon təşkilatında Ümummilli liderimiz Heydər Əliyevin xatirəsinə həsr olunmuş “Heydər Əliyev yolu əbədidir” mövzusunda tədbir keçirilib. Tədbir iştirakçıları öncə Ulu öndər Heydər Əliyevin əziz xatirəsini 1 dəqiqəlik sükutla yad ediblər.
Tədbiri giriş sözü ilə açan YAP Masallı rayon təşkilatının sədri Seyfəddin Əliyev deyib ki, Azərbaycan xalqının tarixində və taleyüklü məsələlərin həllində müstəsna xidmətləri olan tarixi şəxsiyyətlər, görkəmli siyasət və dövlət adamları çox olub. Onlar zaman-zaman gördükləri böyük işləri və əməlləri ilə yadda qalıb və unudulmayıblar. Belə tarixi şəxsiyyətlər içərisində Ümummilli liderimiz, görkəmli dövlət xadimi Heydər Əliyevin xüsusi rolu var. S.Əliyev əlavə edib ki, ümumiyyətlə, milli liderliklə siyasi liderlik keyfiyyətlərinin bir dövlət adamında birləşməsi bəşər tarixində nadir rast gəlinən unikal haldır: “Xalqımızın taleyində, mənəvi, siyasi və ictimai həyatında, dövlət quruculuğunda Onun qədər misilsiz xidmətlər göstərən ikinci dövlət adamı tapmaq mümkün deyildir. Ulu öndər Heydər Əliyev Azərbaycana rəhbərlik etdiyi illərdə uzaqgörən daxili və xarici siyasəti ilə ölkənin nüfuzunu artırıb, Azərbaycanın hərtərəfli inkişafına nail olub, müstəqilliyini əbədi və dönməz edib. Kiçik bir ölkə məhz Ulu öndər Heydər Əliyevin uğurlu siyasəti sayəsində dünyada tanınan nüfuzlu bir dövlətə çevrilib”.
Təşkilat sədrinin sözlərinə görə, 1993-cü ildə müstəqil Azərbaycan Respublikasının Prezidenti seçilən Heydər Əliyev təcrübəli, müdrik dövlət xadimi kimi qısa bir müddət ərzində xarici siyasət sahəsində böyük dönüş yarada bilib: “Dünyanın aparıcı dövlətləri, inkişaf etmiş ölkələri, beynəlxalq təşkilatlar Azərbaycana ciddi diqqət yetirməyə başladılar. O, Qərbə inteqrasiya yolunu tutdu. Ən çətin anlarda belə Ulu öndər Heydər Əliyev yenilməz siyasi iradə nümayiş etdirdi, milli dövlətçiliyin, milli mənafelərin ifadəçisi kimi anti-Azərbaycan, anti-milli qüvvələrin qarşısında sipərə çevrildi”.
Tədbirdə çıxış edən rayondakı Heydər Əliyev Mərkəzinin direktoru Əyyar Tahirov isə bildirib ki, Ümummilli lider Heydər Əliyev böyük siyasət üçün yaranan, təkcə bir ölkə miqyasında yox, dünya əhəmiyyətli məsələlərin həllində qətiyyətli sözünü deyə bilən nadir siyasətçi olub, Onun bütün sahələrdəki fitri istedadı, hadisələrin və tarixin gedişatını öncədən görmək məharəti siyasət aləminə qədəm qoyduğu ilk günlərdən özünü büruzə verib.
Anım tədbirində həmçinin, Nuşirəvan Hüseynov, İdris Tağıyev, Məmmədağa Dadaşov, eləcə də, YAP Masallı rayon təşkilatı Gənclər Birliyinin üzvlərindən Namiq Miriyev, Anar Dadaşov və başqaları çıxış edərək 1993-cü ilin iyununda Ulu öndər Heydər Əliyevin respublika rəhbərliyinə qayıdışı ilə ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrdə dönuş yarandığını vurğulayıblar.
Səlim Loğmanoğlu

Paylaş:

Baxılıb: 1507 dəfə