Qlobal miqyasda Azərbaycanın yeri və rolu sürətlə güclənir

Bakı:

21 °C

60 %

5 m/s

Əlaqə

AZ RU EN

Ana səhifə / YAP xəbərləri / Qlobal miqyasda Azərbaycanın yeri və rolu sürətlə güclənir

Qlobal miqyasda Azərbaycanın yeri və rolu sürətlə güclənir

14.02.2025 [17:32]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

“Ölkəmiz üçün son illərin ən mühüm nailiyyəti ərazi bütövlüyümüzün və suverenliyimizin tam bərpası oldu. Biz bunu beynəlxalq hüququn norma və prinsiplərinə əsaslanaraq, BMT Nizamnaməsinə və BMT Təhlükəsizlik Şurasının qətnamələrinə uyğun olaraq həyata keçirdik. Demək olar ki, 30 il ərzində bu, bizim milli ideyamız idi və biz hədəfimizə nail olmaq, ədaləti bərpa etmək üçün bütün səylərimizi səfərbər etdik. Əfsuslar olsun ki, beynəlxalq hüququn normaları işləmədi və beynəlxalq təşkilatlar yardımçı olmadılar. Çünki çoxsaylı beynəlxalq təşkilatlar tərəfindən qəbul edilmiş qətnamələr, sadəcə, kağız üzərində qalmışdı. Biz bunu özümüz həll etməli, ədaləti özümüz bərpa etməli olduq. Bu, bir daha onu nümayiş etdirir ki, indi dünyanın həqiqətən də beynəlxalq öhdəliklərə tam hörmət edilməsinə ehtiyacı var”. Ölkəmizin Prezidenti cənab İlham Əliyev yanvarın 20-də Davosda Çinin CGTN (China Global Television Network) telekanalına verdiyi müsahibə zamanı səsləndirdiyi bu sözlər Azərbaycanın bu gün dünyada humanizm prinsiplərini təbliğ edən, sülhün qorunmasına töhfələr verən bir ölkə kimi tanınmasının təsdiqidir.

Bu gün Azərbaycan daha da inkişaf edir, 30 il ərzində erməni terrorçularının işğalıında qalan, xarabalığa çevrilən kəndlərimiz, şəhərlərimiz əvvəlki axarına qayıdır. Bunun üçün ölkəmizin kifayət qədər resursları, iqtisadi potensialı var. Müstəqil ölkəmiz özünü təmin edən iqtisadiyyata malikdir. Azərbaycanın keçdiyi inkişaf yolu, iqtisadi potensialı, bu istiqamətdə perspektivləri imkan yaradıb ki, dünyada etibarlı tərəfdaş kimi qəbul olunsun.

Jurnalistin “Sizcə çoxqütblü dünyada Azərbaycanın yeri haradadır?” sualına çavab verən Qalib ölkəmizin Qalib Lideri İlham Əliyev bildirib ki, biz ən başdan, müstəqilliyimiz bərpa ediləndən bəri olduğumuz yerdəyik. Biz güclü iqtisadiyyat, yeri gəlmişkən, özünü təmin edən iqtisadiyyat qurduq. Ümumi daxili məhsula (ÜDM) nisbətdə xarici borcun səviyyəsi çox aşağıdır, cəmi 6,9 faizdir. Buna əsaslanaraq biz regionda bağlantılar yaradan genişmiqyaslı layihələr həyata keçirmişik və aid olduğumuz Cənubi Qafqaz və Xəzər regionunda etibarlı mövqe tutmuşuq. Əlbəttə ki, milli maraqlarımızı, həyat tərzimizi və müstəqil siyasətimizi qəti şəkildə müdafiə etmişik və çoxlu uğur qazanmışıq. Mən deyərdim ki, dünya xəritəsində nisbətən yeni olan Azərbaycanın öz milli maraqlarını müdafiə edən və bütün dünyada yaxşı əlaqələr quran ölkə kimi nümunəsi onu göstərir ki, cəmiyyətdə sabitlik, birlik varsa, siz öz maraqlarınızı müdafiə edə bilərsiniz.

"Yaşıl enerji"ni dünya bazarlarına çıxarılmasını hədəfləyən Azərbaycan artıq dünyanın siyasi və iqtisadi xəritəsində öz yerini tutur. Azərbaycan 200 ölkəni bir araya gətirən COP29-a yüksək səviyyədə evsahibliyi etdi. Ölkəmizin “Yaşıl dünya naminə həmrəy olaq” şüarının, bütün ölkələri planetimizi xilas etmək naminə həmrəylik nümayiş etdirməyə səsləməyin real təsdiqidir.

İkitərəfli əməkdaşlıq çərçivəsində Çinlə, eyni zamanda, Avropa İttifaqının 10 üzvü ilə strateji tərəfdaşlıq, Türkiyə, Özbəkistan ilə müttəfiqlik bəyannaməsinin imzalanmasından danışan ölkə Prezidentimiz onu da qeyd etdi ki, şaxələnmiş bu xarici siyasət istiqaməti, sadəcə, siyasətə deyil, mahiyyətə əsaslanır. Hər bir sahədə əməli nəticələrimiz, əməkdaşlıq proqramlarımız var. Digər ölkələr kimi xarici siyasətimiz, sadəcə olaraq, daxili siyasətimizin davamıdır. Azərbaycanın təkcə Mərkəzi Asiya, Xəzər və Cənubi Qafqazda deyil, daha geniş coğrafiyada regional sabitliyə, regional sülhə verdiyi töhfə artıq qlobal, beynəlxalq aktorlar tərəfindən yüksək qiymətləndirilir: “Mövqeyimiz ondan ibarətdir ki, əgər hər bir ölkə diqqətini, sadəcə, öz gündəminə yönəltsə, başqa ölkənin işlərinə müdaxilə etməyə çalışmasa, münaqişələr, narazılıqlar, müharibələr olmaz. Bütün dünyada hələ də qeyri-sabit vəziyyətin olmasının və qan tökülməsinin yeganə səbəbi ondan ibarətdir ki, imperialist keçmişi olan ölkələr, sadəcə olaraq, müdaxilə etməyə, dominantlıq etməyə, diktə etməyə davam etmək istəyir və bu, təbii olaraq, müqavimətə gətirib çıxarır”.

Azərbaycanın Qalib Liderinin yürütdüyü məqsədyönlü siyasət dünyaya hər zaman sübut edir ki, insan amili, ölkə vətəndaşlarının xoş güzəranı, sülh, sabitlik, güclü iqtisadiyyat öndə gəlir. Məhz bunun üçün də beynəlxalq ictimaiyyət qlobal miqyasda Azərbaycanın yerinin və rolunun sürətlə gücləndiyinin şahidi olurlar.

Paylaş:

Baxılıb: 402 dəfə