Laçın Beynəlxalq Hava Limanı strateji önəm kəsb edir

Bakı:

21 °C

60 %

3 m/s

Əlaqə

AZ RU EN

Ana səhifə / YAP xəbərləri / Laçın Beynəlxalq Hava Limanı strateji önəm kəsb edir

Laçın Beynəlxalq Hava Limanı strateji önəm kəsb edir

25.08.2025 [17:46]

26 avqust tarixi, Azərbaycanın strateji əhəmiyyətə malik şəhərlərindən biri olan Laçının həyatında mühüm yer tutur. Bu gün Laçın şəhərinin Azərbaycan Ordusu tərəfindən işğaldan azad edildiyi tarixdir və hər il “Laçın şəhəri günü” kimi qeyd olunur. 2020-ci ildə Vətən müharibəsində qazanılan şanlı Qələbə nəticəsində ölkəmizin ərazi bütövlüyü bərpa olundu və Laçın da azadlığına qovuşdu. 16 avqust 2021-ci il tarixində Laçın Beynəlxalq Hava Limanının təməlqoyma mərasimi keçirilmişdir. Mərasimdə Azərbaycan Respublikasının Prezidenti cənab İlham Əliyev və birinci xanım Mehriban Əliyeva iştirak etmiş, layihənin əhəmiyyəti və gələcək perspektivləri ilə bağlı cənab prezident çıxış etmişdir. Laçın Beynəlxalq Hava Limanı, işğaldan azad olunmuş ərazilərdə inşa edilən üçüncü beynəlxalq hava limanı olmaqla yanaşı, bölgənin iqtisadi və turizm potensialını artırmaq məqsədi daşıyır. Füzuli və Zəngilan hava limanlarından sonra inşa ediləcək bu hava limanı həm Qarabağ, həm də Şərqi Zəngəzur iqtisadi rayonlarının dünyaya açılan yeni hava qapısı olacaq. Hava limanı Laçın rayonunun Gorçu kəndi yaxınlığında, dəniz səviyyəsindən təxminən 1700 metr yüksəklikdə yerləşəcək. Bu isə onu yalnız Azərbaycanda deyil, bütün regionda ən yüksəkdə yerləşən hava limanlarından birinə çevirəcək. Laçın Beynəlxalq Hava Limanının inşası bölgənin yenidən qurulması və sosial-iqtisadi dirçəlişinin əsas elementlərindən biri kimi qiymətləndirilir. Hava limanı yalnız sərnişin və yük daşımalarını asanlaşdırmaqla kifayətlənməyəcək, həm də əhalinin geri qayıdışı, turizmin inkişafı və yeni investisiya imkanlarının yaradılması baxımından mühüm rol oynayacaq. Prezident İlham Əliyev çıxışında vurğulamışdır ki, bu cür infrastruktur layihələri işğaldan azad olunmuş ərazilərin Azərbaycan iqtisadiyyatına tam inteqrasiyası üçün möhkəm əsas yaradır. Laçın Hava Limanı, eyni zamanda, bölgədə təhlükəsizlik, sürətli əlaqə və müasir nəqliyyat imkanlarının təmin edilməsinə töhfə verəcək. Təsadüfi deyil ki, təməlqoyma mərasimi məhz “Laçın şəhəri günü”nə təsadüf etmişdir. Bu, həm rəmzi, həm də real baxımdan Laçının dirçəlişinin təcəssümüdür. Şəhər günü qeyd olunan bu tarix, həm də gələcəyə ümidlə baxan bir xalqın yenidənqurma iradəsinin bariz nümunəsidir.

Şamama Əmirova,

YAP Laçın rayon təşkilkatının 35 saylı ƏPT nin sədri

Laçın rayon 10 № li tam orta məktəbin direktoru

Paylaş:

Baxılıb: 485 dəfə