Son 10 il ərzində həyata keçirilən siyasət nəticəsində ölkəmizin iqtisadi qüdrəti artıb

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / Son 10 il ərzində həyata keçirilən siyasət nəticəsində ölkəmizin iqtisadi qüdrəti artıb

Son 10 il ərzində həyata keçirilən siyasət nəticəsində ölkəmizin iqtisadi qüdrəti artıb

29.09.2013 [10:42]

Bərdə sakinləri bu siyasətin davamına-cənab İlham Əliyevə səs verəcəklər
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə seçki qərargahının üzvləri dünən növbəti görüşlərini rayonun Kətəlparaq və Kolayır kəndlərində keçiriblər.
Görüşləri giriş sözü ilə açan YAP Bərdə rayon təşkilatının sədri Fəqət Şadlinskaya deyib ki, son 10 il ərzində ölkəmizin iqtisadi qüdrətinin artması öz növbəsində vətəndaşların sosial rifahının yüksəldilməsinə yönəlmiş layihələrin həyata keçirilməsinə zəmin yaradıb.
Qarşıdan gələn prezident seçkilərinin əhəmiyyəti barədə də danışan rayon təşkilatının sədri “Əminəm ki, 9 oktyabr prezident seçkiləri Azərbaycanda demokratiyanın növbəti təntənəsi olacaq, azad, ədalətli, şəffaf şəraitdə keçirilən bu seçkilərdə də xalqın iradəsi qələbə qazanacaq”, deyib.
Seçicilər qarşısında çıxış edən Azərbaycan Milli Elmlər Akademiyasının Şərqşunaslıq İnstitutunun direktoru, millət vəkili, filologiya elmləri doktoru, professor Gövhər Baxşəliyeva deyib ki, Heydər Əliyev kursunun layiqli davamçısı, möhtərəm Prezidentimiz İlham Əliyev elmdə islahatlar, elmin inkişaf strategiyası, Elmin İnkişafı Fondunun yaradılması, gənc alimlərə dövlət mükafatlarının verilməsi ilə bağlı sərəncamları ilə Azərbaycan elminin günün tələbləri səviyyəsinə yüksəlməsi istiqamətində mühüm addımlar atıb: “Ötən illərdə ölkəmizdə alimlərin məvacibləri dəfələrlə artırılıb. Xüsusən də, dövlət başçısının sərəncamları ilə görkəmli alimlərimizə yüksək dövlət mükafatları, elmi adlar, Prezident təqaüdü və mənzillər verilməsini qeyd etmək istərdim. Elmin inkişafına yönəldilən xərclər təxminən 8 dəfə artıb. Azərbaycan Elminin İnkişaf Strategiyası təsdiq olunub, 2009-2015-ci illərdə elmin inkişaf strategiyasının həyata keçirilməsi üçün Dövlət Proqramı qəbul edilib, Elmin İnkişaf Fondu yaradılıb”.
Millət vəkili bu siyasətin davamlı olması üçün seçiciləri cənab İlham Əliyevə səs verməyə çağırıb.
Görüşlərdə çıxış edən Anar Şahbazov isə bildirib ki, Prezident İlham Əliyev daima gənclərə diqqət və qayğı göstərir. Onun sözlərinə görə, dövlətin gənclərin fəaliyyəti üçün yaratdığı geniş imkanlar nəticəsində bu təbəqə cəmiyyətin avanqard qüvvəsinə çevrilib: “Məhz buna görə də, digər gənclər kimi biz Bərdə gəncləri də oktyabrın 9-da cənab İlham Əliyevə səs verəcəyik”.
Seçicilər qarşısında çıxış edən rayon Ağsaqqalar Şurasının sədri Arif Əliyev, rayon Qadınlar Şurasının sədri Rahilə Babayeva və başqaları son 10 ildə Prezident İlham Əliyevin rəhbərliyi ilə Azərbaycanın sürətlə inkişaf etdiyini və dünyanın nüfuzlu ölkələrindən birinə çevrildiyini deyiblər.
Görüşlərdə çıxış edən kənd sakinləri Nailə İbrahimova, Sərxan Qurbanov, Cavanşir İbrahimov, Nəzəralı İmaməliyev, Səba Məmmədova və başqaları oktyabrın 9-da seçki məntəqələrinə gedərək, ölkəmiz üçün vacib olan bu siyasi prosesdə fəal iştirak edəcəklərini və Yeni Azərbaycan Partiyasının namizədinə səs verəcəklərini bildiriblər.
Nadir AZƏRİ

Paylaş:

Baxılıb: 1196 dəfə