Həmrəyliyin parlaq nümunəsi

Bakı:

30 °C

51 %

10 m/s

Əlaqə

AZ RU EN

Ana səhifə / YAP xəbərləri / Həmrəyliyin parlaq nümunəsi

Həmrəyliyin parlaq nümunəsi

13.10.2025 [20:51]

Dövlət başçısı İlham Əliyev bu günlərdə MDB Dövlət Başçıları Şurasının iclasında iştirak etmək üçün Düşənbəyə səfər etdi. Bu səfər Azərbaycanın yalnız iki deyil, beynəlxalq təşkilatlar daxilində əlaqələrin inkişafında maraqlı olduğunu və bunu real addımları ilə təsdiqlədiyini bir daha nümayiş etdirdi. “Bugünkü iclasda humanitar sahədə əməkdaşlığın möhkəmləndirilməsi məsələlərinə toxunmaq istərdim” deyən dövlətimizin başçısı İlham Əliyev diqqəti Azərbaycanın Şərqi Zəngəzur bölgəsinin Laçın şəhərinin bu il MDB-nin mədəniyyət paytaxtı elan edilməsinə yönəltdi. Bu mühüm qərara görə MDB dövlət başçılarına təşəkkürünü bildirdi. Vurğuladı ki, bu ilin iyununda Laçında “MDB-nin mədəniyyət paytaxtı İli”nin açılış mərasimi keçirildi. Azərbaycanın bu qədim torpağının tarixi, mədəni irsi haqqında məlumat verildi. Tədbirin qonaqları Laçının Ermənistanın 30 illik işğalından azad ediləndən sonra sürətli dirçəlişinin əyani şəkildə şahidi oldular. Tamamilə dağıdılmış şəhər bir neçə il ərzində ən gözəl və yaşayış üçün rahat şəhərlərdən birinə çevrilib. Cənab İlham Əliyevin iştirak etdiyi elə bir tədbir yoxdur ki, orada tarixi Zəfərimizə və onun yaratdığı reallıqlar əsasında azad edilmiş ərazilərimizdə aparılan genişmiqyaslı bərpa-quruculuq işlərinə diqqət yönəldilməsin. Bu gün Qarabağımız və Şərqi Zəngəzurumuz dirçəlir. Bu ərazilərlə bağlı qəbul edilən önəmli qərarlar bu torpaqlarda görülən işləri geniş təhlil etməyi bir tələbə çevirir. Bu sırada onu da qeyd edə bilərik ki, Qarabağın tacı Şuşa da öncə Azərbaycanın, sonra Türk dünyasının, daha sonra isə İslam dünyasının mədəniyyət paytaxtı elan edilmişdir. Laçın şəhərinin cari ildə “MDB-nin mədəniyyət paytaxtı” elan olunması Azərbaycanın işğaldan azad edilmiş ərazilərində mədəni və iqtisadi dirçəliş prosesinə beynəlxalq ictimaiyyətin dəstəyinin və həmrəyliyinin parlaq nümunəsi kimi dəyərləndirildi. MDB-nin mədəniyyət paytaxtı elan edilən Laçın beynəlxalq mərkəz kimi dünyanın diqqətindədir. Bu il Laçın şəhəri, eyni zamanda, Azərbaycan, Türkiyə və Pakistan liderlərinin Zirvə görüşünə ev sahibliyi etdi. Laçın Beynəlxalq Hava Limanı Azərbaycan və Türkiyə Prezidentlərinin birgə iştirakı ilə istifadəyə verildi. Dövlət başçısı İlham Əliyevin işğaldan azad edilmiş ərazilərimiz üzrə şəhər günlərinin təsis edilməsi haqqında Sərəncamına uyğun olaraq 26 avqust-Laçın Şəhəri Günüdür. 2022-ci ilin 26 avqust tarixində dövlət başçısı, Müzəffər Ali Baş Komandan İlham Əliyev “Twitter” səhifəsində xalqımıza bu müjdəni çatdırmışdı: “Bu gün, avqustun 26-da biz – azərbaycanlılar Laçın şəhərinə qayıtmışıq. Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü. Bütün laçınlıları və Azərbaycan xalqını bu münasibətlə təbrik edirəm. Yaşasın Laçın! Yaşasın Azərbaycan!” Bu gün digər azad edilmiş ərazilərimiz kimi Laçın da quruculuq dövrünü yaşayır. Soydaşlarımız mərhələ-mərhələ öz doqma yurd-yuvalarına qayıdırlar. Cənab İlham Əliyev MDB Dövlət Başçıları Şurasının məhdud tərkibdə iclasında Azərbaycan-Tacikistan münasibətlərindən də bəhs etdi. Bildirdi ki, Düşənbədə dəfələrlə olarkən ölkənin paytaxtının necə sürətlə inkişaf etdiyini, yeni binaların tikildiyini görürəm. Bütün bunlar bizi dost kimi çox sevindirir. Şəhərsalma sahəsində uğurlar münasibətilə təbrik edirəm və Düşənbənin ildən-ilə gözəlləşdiyinə şadam. Bu gün, həmçinin Tacikistan ilə Azərbaycan arasında ikitərəfli münasibətlərin ardıcıl inkişafını qeyd etmək istərdim. Onlar qardaşlıq, dostluq, qarşılıqlı dəstəyə əsaslanır və böyük inkişaf potensialına malikdir. Hər bir beynəlxalq tədbir günün aktual məsələləri ətrafında aparılan müzakirələrlə yanaşı, iştirakçı ölkələrin malik olduğu imkanların təqdimatında da əhəmiyyətli rol oynayır. Azərbaycanın bu tədbirlərdə iştirakına xüsusi önəmin verilməsi beynəlxalq münasibətlər sistemində yeri və mövqeyinə bir daha işıq salır.

Nihad Pənahov

YAP Tovuz rayon təşkilatının sədri

Paylaş:

Baxılıb: 520 dəfə