Tarixi Zəfərimizin əbədiləşdirilməsinə xidmət edən mühüm addımlar

Bakı:

12 °C

94 %

3 m/s

Əlaqə

AZ RU EN

Ana səhifə / YAP xəbərləri / Tarixi Zəfərimizin əbədiləşdirilməsinə xidmət edən mühüm addımlar

Tarixi Zəfərimizin əbədiləşdirilməsinə xidmət edən mühüm addımlar

18.10.2025 [16:38]

17 oktyabr Füzuli Şəhəri Günüdür. Dövlətimizin başçısı İlham Əliyevin işğaldan azad edilmiş ərazilərimiz üzrə şəhər günlərinin təsis edilməsi haqqında Sərəncamı tarixi Zəfərimizin əbədiləşdirilməsinə xidmət edən mühüm addımları sırasındadır. Füzuli şəhəri rəşadətli Ordumuzun 44 gündə azad etdiyi 5 şəhərdən biridir.

Dövlət başçısı, Müzəffər Ali Baş Komandan İlham Əliyev 2021-ci il Füzuli şəhərinin azad edilməsinin birinci ildönümündə rayon ictimaiyyətinin nümayəndələri ilə görüşündə “Füzuliyə xoş gəlmisiniz” müraciətini böyük qürur hissi ilə ifadə edərək bildirmişdir ki, 17 oktyabr günü Azərbaycan xalqının çoxəsrlik tarixində xüsusi yer tutacaq: “Çünki məhz oktyabrın 17-də bizim böyük şəhərimiz Füzuli işğalçılardan azad edildi. İkinci Qarabağ müharibəsində şəhid olmuş bütün şəhidlərimizə Allahdan bir daha rəhmət diləyirəm. Onların fədakarlığı, qəhrəmanlığı sayəsində biz tarixi ədaləti bərpa etdik. Azərbaycan Silahlı Qüvvələri 44 günlük müharibə zamanı əsl vətənpərvərlik və qəhrəmanlıq göstərmişdir. Azərbaycan Ordusu düşmənin canlı qüvvəsini, texnikasını məhv edərək tarixi ədaləti bərpa etdi və Azərbaycan öz ərazi bütövlüyünü bərpa etdi.” Bu fikirlərin davamı olaraq o da bildirildi ki, Füzuliyə həyat qayıdır və qayıdacaq. Bu işləri görmək üçün uzun illər göstərilən səylər göz önündədir.

Uzun illər həm torpaqlarımızı azad etmək üçün diplomatik mübarizədə qələbəmizi təmin etdik, ordumuzu gücləndirdik, həm də postmüharibə dövründə quruculuq, bərpa işlərini görmək üçün şərait yaratdıq. Ölkəmizin iqtisadi qüdrətini artırmaq üçün atılan addımlar davamlı xarakter aldı. Dövrün tələblərinə uyğun həyata keçirilən islahatlar bütün sahələrdə inkişafı sürətləndirdi. Yeni texnologiyaların tətbiqi, kadr potensialının yaradılması prioritet məsələ kimi öndə oldu. Azərbaycan dünya hərb tarixində istisna olaraq müharibədən sonra dərhal bərpa və quruculuq işlərinə başladı. Azad edilmiş ərazilərimizdə bütün işlər müasir tələblər səviyyəsində həyata keçirilir. Bu gün Füzulinin timsalında işğaldan azad edilmiş digər ərazilərimizdə də görülən işlərin aydın mənzərəsini yaratmaq mümkündür. Prezident İlham Əliyevin tapşırığına əsasən rayon yenidən qurulur və infrastrukturun bərpası istiqamətində irimiqyaslı işlər həyata keçirilir. Azərbaycan Respublikasının Nazirlər Kabineti 18 mart 2023-cü ildə “Füzuli şəhərinin 2040-cı ilədək inkişafına dair Baş planı”nı təsdiq etmişdir. Dövlət başçısının xüsusi diqqəti nəticəsində rayonda “Füzuli” yarımstansiyası, Füzuli Rəqəmsal Yarımstansiya və İdarəetmə Mərkəzi, həmçinin Köndələnçay su anbarları kompleksi istifadəyə verilmişdir. Füzulidə nəqliyyat infrastrukturunun yaradılması istiqamətində nəhəng layihələr reallaşdırılmışdır. Zəfər, Füzuli-Hadrut və Əhmədbəyli-Füzuli-Şuşa avtomobil yolları istismara verilmişdir. Bununla yanaşı, Prezident İlham Əliyev və Türkiyə Respublikasının Prezidenti Rəcəb Tayyib Ərdoğanın iştirakı ilə 2021-ci ildə Füzuli Beynəlxalq Hava Limanının açılışı oldu. Ən müasir tələblərə cavab verən Füzuli Beynəlxalq Hava Limanının qısa müddətdə və yüksək keyfiyyətlə inşası Azərbaycan dövlətinin qüdrətini göstərməklə yanaşı, həm də işğaldan azad edilmiş rayonlarımızın tezliklə bərpa olunacağının və oraya yenidən həyatın qayıtmasının bariz nümunəsidir. Bu hava limanının istifadəyə verilməsi bölgəyə səfər edənlərin rahatlığını təmin edəcək, işğaldan azad olunmuş torpaqlarımızda aparılan quruculuq işlərinin daha da sürətlənməsinə töhfə verəcək, nəinki Füzulinin, ümumilikdə bölgənin sosial-iqtisadi inkişafında müstəsna rol oynayacaq.

Bu gün bütün azad edilmiş ərazilərimizdə, o cümlədən Füzulidə dağıntılar müasir tələblərə cavab verən yeni tikililərlə əvəzlənir. Qanları, canları ilə tarix yazan şəhidlərimizin ruhu şaddır. Hazırda işğaldan azad edilmiş bütün torpaqlarımızda Azərbaycan Bayrağı dalğalanır. Dövlət başçısı İlham Əliyev 2023-cü il oktyabrın 17-də “Füzuli Şəhəri Günü”ndə Füzuli şəhərinə köçmüş sakinlər və rayon ictimaiyyətinin nümayəndələri ilə görüşündə “Necə də gözəl bir gündür. Siz mənə “Xoş gəlmisiniz!” deyirsiniz. Mən işğal dövründə həm füzulililərlə, həm digər rayonlardan olan keçmiş köçkünlərlə görüşlərdə dəfələrlə deyirdim ki, gün gələcək, siz mənə “Xoş gəlmisiniz!” deyəcəksiniz və bu gün gəldi. Bu gün Füzulidə bayram günüdür, şəhər günüdür” söyləyərək bu reallığı da böyük qürur hissi ilə qeyd etmişdir ki, yadımdadır, füzulililərlə və digər rayonlardan olan keçmiş köçkünlərlə çoxsaylı görüşlərimdə, xüsusilə yeni şəhərciklərin açılışı tədbirlərində deyirdim ki, bu, müvəqqəti yaşayış yeridir. Biz çalışırıq və çalışacağıq ki, sizin yaşayış səviyyənizi yaxşılaşdıraq, həyatınızı müəyyən dərəcədə yüngülləşdirək, ancaq bu, müvəqqəti yaşayış yeridir: “Torpaqlar azad olunandan sonra Füzulidə, Ağdamda, Zəngilanda, Qubadlıda, Laçında, Kəlbəcərdə, Cəbrayılda, Şuşada daha gözəl evlər tikiləcək, daha gözəl şərait yaradılacaq. Bax, bu gün gəldi, artıq bu, gerçəkdir, bu, reallıqdır. Füzulinin yeni siması göz oxşayır”.

Fəxrəddin Vəliyev,
YAP Şəmkir rayon təşkilatının sədri

Paylaş:

Baxılıb: 462 dəfə