Münasibətlər möhkəm bünövrə üzərində qurulub

Bakı:

29 °C

55 %

1 m/s

Əlaqə

AZ RU EN

Ana səhifə / YAP xəbərləri / Münasibətlər möhkəm bünövrə üzərində qurulub

Münasibətlər möhkəm bünövrə üzərində qurulub

23.10.2025 [20:45]

Azərbaycan və Qazaxıstan arsında siyasi təmasların yüksək səviyyədə olması mövcud əlaqələri daha da dərinləşdirir. Ölkərimiz hər bir məsələdə bir-birini dəstəkləyir. İki ölkə arasında heç bir fikir ayrılığından söhbət gedə bilməz. Qazaxıstan səfəri zamanı Azərbaycan-Qazaxıstan Ali Dövlətlərarası Şuranın ikinci iclasında Prezident İlham Əliyev ölkələrimiz arasında olan yüksək səviyyəli əlaəqlərdən geniş bəhs etdi. Ölkə başçısı vurğuladı ki, torpaqlarımız uzun illər ərzində işğal altında olanda Qazaxıstan həm ikitərəfli formatda, həm imzalanmış sənədlər, həm də Qazaxıstanın beynəlxalq təşkilatlarda mövqeyi çərçivəsində Azərbaycanın suverenliyinə və ərazi bütövlüyünə dəyişməz dəstəyini ifadə edib. Prezident İlham Əliyev qeyd etdi ki, Azərbaycan ilə Ermənistan arasında sülh dövrü başlayır. Sonuncu hərbi toqquşmalardan ötən cəmi iki ildən az bir müddətdə sülh sazişinin paraflanması ondan xəbər verir ki, hər iki ölkə kifayət qədər yüksək siyasi iradə nümayiş etdirib. Əlbəttə, ABŞ Prezidenti Donald Trampın Azərbaycan ilə Ermənistan arasında münasibətlərin normallaşdırılmasında rolu ən yüksək qiymətə layiqdir.

Prezident İlham Əliyev Qarabağ bölgəsinin bərpasına göstərilən dəstəyə görə də Qazaxıstan Prezidentinə təşəkkürünü bildirdi. Kurmanqazı adına Uşaq Yaradıcılıq Mərkəzi Qarabağ bölgəsinin inkişafı və bərpası işinə böyük bir töhfədir. Hazırda bu Mərkəzdə 100-ə yaxın uşaq təhsil alır və təbii ki, o, praktiki funksiyaları ilə yanaşı, həm də Qazaxıstan-Azərbaycan dostluğunun daha bir ocağıdır.

Xalqlarımızı ümumi köklərə, mənəvi və mədəni ortaqlığa əsaslanan çoxəsrlik dostluq, qardaşlıq birləşdirir. Prezident İlham Əliyev Qazaxıstana səfəri çərçivəsində mətbuata bəyanatında bildirdi ki, dövlətlərarası münasibətlərimizi bu möhkəm bünövrə üzərində qururuq. Qarşılıqlı səfərlər münasibətlərin intensiv xarakter daşıdığını əyani şəkildə göstərir.

Mətbuata bəyanatında Prezident İlham Əliyev onu da diqqətə çatdırdı ki, Zəngəzur dəhlizi layihəsi böyük potensiala malikdir. Azərbaycan ərazisində avtomobil və dəmir yolu əlaqəsi üzrə bütün işlər gələn ilin ortalarında başa çatdırılacaq. Ümid edirik ki, digər ölkələrin ərazisində də bütün bunlar analoji sürətlə həyata keçiriləcək və belə olan halda Zəngəzur dəhlizinin açılışı 2028-ci ilin sonuna qədər baş verə bilər. Ölkə başçısı qeyd etdi ki, məlum olduğu kimi, avqustda keçirilən Vaşinqton Sammitinin nailiyyətlərindən biri TRIPP layihəsidir. Prezident Tramp layihəyə öz adını verib və bu, layihənin mütləq reallaşdırılacağından xəbər verir. Bununla da Orta Dəhlizin daha bir marşrutu açılır. Beləliklə, Asiyadan Avropaya və əks istiqamətdə bizim ölkələrimizdən keçən yüklərin həcmi özlüyündə artım potensialına malikdir, amma həm də onların qəbulu və göndərilməsi üçün daha da böyük potensial olacaq.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 561 dəfə