YAP Binəqədi rayon təşkilatı seçicilərlə növbəti görüş keçirib

Bakı:

25 °C

66 %

4 m/s

Əlaqə

AZ RU EN

Ana səhifə / YAP xəbərləri / YAP Binəqədi rayon təşkilatı seçicilərlə növbəti görüş keçirib

YAP Binəqədi rayon təşkilatı seçicilərlə növbəti görüş keçirib

07.10.2013 [09:43]

Yeni Azərbaycan Partiyası (YAP) Binəqədi rayon təşkilatı partiyanın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşünü keçirib. Görüşü giriş sözü ilə açan YAP Binəqədi rayon təşkilatının sədri Ramiz Göyüşov Azərbaycan xalqının əhəmiyyətli bir prosesin ərəfəsində olduğunu qeyd edib və bildirib ki, hazırda təbliğat-təşviqat kampaniyası çərçivəsində görüşlər davam edir.
Daha sonra ötən 10 ildə aparılmış məqsədyönlü siyasət barədə danışan rayon təşkilatının sədri deyib ki, bu müddət ərzində təhsilin, səhiyyənin, ümumilikdə, bütün sahələrin inkişafı üçün mühüm olan Dövlət proqramları qəbul edilib: “Aparılan məqsədyönlü siyasətin nəticəsidir ki, bu gün Azərbaycanın iştirakı olmadan regionda heç bir layihə reallaşmır. Eyni zamanda, gənclərimizin xaricdə təhsil alması üçün əlverişli şərait yaradılıb”.
1993-cü ildə Ümummilli lider Heydər Əliyevin Azərbaycanı bir dövlət kimi məhv olmaqdan xilas etdiyini deyən Ramiz Göyüşov, bu gün ölkəmizin müstəqilliyinin cənab İlham Əliyev tərəfindən daha da möhkəmləndiyini, Azərbaycanın dünyanın stabil dövlətlərindən birinə çevrildiyini və bu stabillik nəticəsində ictimai həyatın bütün sahələrində tərəqqinin əldə olunduğunu bildirib. Prezident İlham Əliyevin rəhbərliyi ilə həyata keçirilən Dövlət proqramlarının sayəsində ölkəmizin, o cümlədən, Binəqədi rayonunun sürətlə inkişaf etdiyini bildirən Ramiz Göyüşov rayon seçicilərini 9 oktyabr prezident seçkilərində fəal şəkildə iştirak etməyə, həmçinin, dövlət başçısı tərəfindən aparılan uğurlu daxili və xarici siyasətə səs verməyə səsləyib.
Seçicilər qarşısında çıxış edən millət vəkili Rafael Cəbrayılov bildirib ki, bu gün ölkə günü-gündən inkişaf edir və bu inkişafın əsasında ağıllı siyasət dayanır. Seçkidə iştirakın vacib olduğunu deyən millət vəkili hər kəsi 9 oktyabrda keçiriləcək prezident seçkilərində iştirak etməyə çağırıb: “Tarixin bütün dövrlərində insan üçün mühüm hüquqlardan biri seçki hüququ olub. Bu mənada mən istərdim ki, hər bir seçici seçkilərdə iştirak etsin və vicdanla seçim etsin”.
Görüşdə çıxış edən seçicilər də son illər ərzində görülmüş işləri qeyd edərək 9 oktyabr prezident seçkilərində iştirak edəcəklərini və İlham Əliyevə səs verəcəklərini bildiriblər.
NADİR

Paylaş:

Baxılıb: 1254 dəfə