YAP Samux rayon təşkilatında hesabat yığıncağı keçirilib

Bakı:

23 °C

78 %

6 m/s

Əlaqə

AZ RU EN

Ana səhifə / YAP xəbərləri / YAP Samux rayon təşkilatında hesabat yığıncağı keçirilib

YAP Samux rayon təşkilatında hesabat yığıncağı keçirilib

29.12.2025 [17:57]

29 dekabr 2025-ci il tarixdə Yeni Azərbaycan Partiyası (YAP) Samux rayon təşkilatında 2025-ci ilin yekunları və 2026-cı ildə qarşıda duran vəzifələrin müzakirəsinə həsr olunmuş hesabat yığıncağı keçirilib.

Yığıncağın rəsmi hissəsindən öncə müasir, müstəqil Azərbaycan dövlətinin qurucusu, xalqımızın ümummilli lideri Heydər Əliyevin abidəsi və Samux Şəhidlər kompleksi ziyarət olunaraq önünə gül dəstələri düzülüb.

Yığıncaqda Ümummilli Lider Heydər Əliyevin, eləcə də Azərbaycanın müstəqilliyi və ərazi bütövlüyü uğrunda canlarından keçmiş Vətənin qəhrəman övladlarının əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Samux rayon təşkilatının sədri Gündüz Bayramov tədbir iştirakçılarını qarşıdan gələn 31 dekabr dünya azərbaycanlılarının həmrəyliyi günü və yeni il münasibətilə təbrik edib. Sonra rayon təşkilatının 2025-ci il ərzindəki fəaliyyəti barədə hesabat dinlənilib. Qeyd edilib ki, hesabat dövründə YAP Samux Rayon Təşkilatı YAP-ın Nizamnaməsindən irəli gələn səlahiyyətlərin həyata keçirilməsini təmin etmiş, habelə rayonda YAP-ın fəaliyyətinin təşkilati, hüquqi və analitik-informasiya təminatını həyata keçirmişdir. Yerli təşkilat öz işini “Yeni Azərbaycan Partiyasının yerli təşkilatları haqqında əsasnamə”yə, eləcə də Mərkəzi Aparatın tapşırıqları və rayon təşkilatının aparatı tərəfindən təsdiq edilmiş illik iş və tədbirlər planı əsasında qurmuş, il ərzində qarşıda duran vəzifələri uğurla icra etmişdir. Rayon təşkilatının 2025-ci ildəki fəaliyyətinin əsas istiqamətlərindən olan Azərbaycanın ümummilli lideri, YAP-ın qurucusu Heydər Əliyev irsinin təbliği və təşviqi həyata keçirilmiş, cənab Prezident, Yeni Azərbaycan Partiyasının Sədri İlham Əliyevin gördüyü işlər təbliğ edilərək cəmiyyətə çatdırılmışdır.

Yığıncaqda çıxış edən ərazi partiya təşkilat sədrləri görülən işlərdən danışaraq, rayon təşkilatının üzvlərinin rayondakı ictimai-siyasi proseslərdə öz fəallıqları ilə fərqləndiklərini qeyd ediblər və 2025-ci ildə YAP Samux rayon təşkilatının fəaliyyətini qənaətbəxş qiymətləndiriblər.

Daha sonra YAP Samux rayon təşkilatının 2026-cı ildə görüləcək işlərə dair tədbirlər planı və iş planı müzakirə edilərək təsdiq edilib.

Tədbirin sonunda rayonun ictimai-siyasi həyatında fərqlənən bir qrup partiya fəalına fəxri fərman, partiyaya yeni üzv olanlara isə üzvlük vəsiqələri təqdim edilib.

Paylaş:

Baxılıb: 944 dəfə