Azərbaycanda bərpaolunan enerji növlərinin yaradılması xarici investorlar tərəfindən həyata keçirilen genişmiqyaslı layihələrdir

Bakı:

22 °C

54 %

2 m/s

AZ RU EN

Ana səhifə / YAP xəbərləri / Azərbaycanda bərpaolunan enerji növlərinin yaradılması xarici investorlar tərəfindən həyata keçirilen genişmiqyaslı layihələrdir

Azərbaycanda bərpaolunan enerji növlərinin yaradılması xarici investorlar tərəfindən həyata keçirilen genişmiqyaslı layihələrdir

12.01.2026 [14:31]

Azərbaycanda bərpaolunan enerji növlərinin yaradılması son illər dövlət siyasətinin əsas prioritet istiqamətlərindən biri kimi müəyyən edilmişdir. Bu sahədə həyata keçirilən layihələr, əsasən, xarici investorların iştirakı ilə reallaşdırılan genişmiqyaslı təşəbbüslərdir və ölkənin enerji strategiyasında keyfiyyətcə yeni mərhələnin başlanğıcını qoyur. Yanvarın 8-də Gülüstan sarayında keçirilən Xızı–Abşeron külək elektrik stansiyasının rəsmi açılış mərasimi də bu baxımdan xüsusi əhəmiyyət daşıyır. Sözügedən layihə Azərbaycanın “yaşıl enerji”yə keçid strategiyasının mühüm tərkib hissəsi olmaqla yanaşı, ölkənin beynəlxalq enerji əməkdaşlığının real nəticələrini əks etdirir.

Cənab Prezidentin açılış mərasimində səsləndirdiyi fikirlər Azərbaycanın bərpaolunan enerji sahəsində ardıcıl və məqsədyönlü siyasət apardığını bir daha nümayiş etdirmişdir. Cənab Prezident qeyd etmişdir ki, bərpaolunan enerji layihələri həm enerji təhlükəsizliyinin möhkəmləndirilməsinə, həm də ətraf mühitin qorunmasına xidmət edir. Bu kimi layihələr nəticəsində ənənəvi enerji resurslarına qənaət olunur, karbon emissiyaları azalır və ölkənin ekoloji dayanıqlılığı təmin edilir. Eyni zamanda, Prezident vurğulamışdır ki, Azərbaycanın zəngin külək və günəş potensialı bu sahədə geniş imkanlar yaradır və həmin potensialın səmərəli istifadəsi dövlətin uzunmüddətli inkişaf strategiyasının əsas məqsədlərindəndir.

Cənab Prezidentin səsləndirdiyi fikirlərə görə, Xızı–Abşeron külək elektrik stansiyası təkcə enerji istehsalı layihəsi deyil, həm də iqtisadi inkişaf, yeni iş yerlərinin yaradılması və regionların sosial rifahının yüksəldilməsi baxımından mühüm əhəmiyyət kəsb edir. Cənab Prezident qeyd etmişdir ki, xarici investorların bu layihələrə marağı Azərbaycanın sabit siyasi mühitə, etibarlı hüquqi bazaya və şəffaf investisiya imkanlarına malik olmasının göstəricisidir. Bu isə ölkəmizin beynəlxalq nüfuzunun artmasına və “yaşıl enerji” sahəsində regional lider mövqeyinin möhkəmlənməsinə xidmət edir.

Xızı–Abşeron külək elektrik stansiyasının açılışı Azərbaycanın bərpaolunan enerji sahəsində atdığı strateji addımların bariz nümunəsidir. Cənab Prezidentin qeyd etdiyi kimi, bu cür layihələr ölkənin gələcək inkişafını təmin edən əsas dayaqlardan biridir və Azərbaycanı daha dayanıqlı, daha ekoloji və daha güclü bir dövlətə çevirməyi hədəfləyir.

Cənab Prezident qeyd etmişdir ki, bu layihə Azərbaycanın enerji balansında bərpaolunan mənbələrin payının artırılmasına mühüm töhfə verəcəkdir. Cənab Prezident vurğulamışdır ki, “yaşıl enerji” sahəsində əldə edilən nailiyyətlər Azərbaycanın beynəlxalq iqlim təşəbbüslərinə sadiqliyinin real göstəricisidir. Eyni zamanda, Cənab Prezident vurğulayıb ki, bu kimi layihələr gələcək nəsillər üçün sağlam ətraf mühitin formalaşdırılmasına xidmət edir. Cənab Prezidentin səsləndirdiyi fikirlərə əsasən, Azərbaycan regionda bərpaolunan enerji mərkəzinə çevrilmək potensialına malikdir. O, həmçinin bildirmişdir ki, xarici tərəfdaşlarla qurulan əməkdaşlıq qarşılıqlı etimad və uzunmüddətli tərəfdaşlıq prinsiplərinə əsaslanır. Cənab Prezident qeyd etmişdir ki, Xızı–Abşeron külək elektrik stansiyası Azərbaycanın davamlı inkişaf yolunda atdığı mühüm və strateji addımlardan biridir.

Rəhman Ağabalayev

YAP Qusar rayon təşkilatının fəal üzvü

Paylaş:

Baxılıb: 351 dəfə