Cənubi Qafqazda dayanıqlı sülh və suverenlik

Bakı:

8 °C

87 %

0 m/s

Əlaqə

AZ RU EN

Ana səhifə / YAP xəbərləri / Cənubi Qafqazda dayanıqlı sülh və suverenlik

Cənubi Qafqazda dayanıqlı sülh və suverenlik

16.03.2026 [23:11]

12 mart 2026-cı il tarixində paytaxt Bakı növbəti dəfə dünya siyasətinin intellektual mərkəzinə çevrildi. “Keçid dövründə olan dünyada fikir ayrılıqlarının aradan qaldırılması” mövzusuna həsr olunmuş XIII Qlobal Bakı Forumunun açılış mərasimində Azərbaycan Respublikasının Prezidenti İlham Əliyevin proqram xarakterli çıxışı müasir beynəlxalq münasibətlər sisteminin mövcud mənzərəsini və gələcək inkişaf yollarını dəqiq şəkildə müəyyən etdi.

Prezident cənab İlham Əliyev öz çıxışında ilk növbədə dünyanın ciddi bir geosiyasi sınaq qarşısında olduğunu vurğuladı. Dövlət başçısı qeyd etdi ki, ənənəvi təhlükəsizlik arxitekturası artıq effektivliyini itirib və bəşəriyyət daha ədalətli, çoxqütblü bir sistemin qurulmasına ehtiyac duyur. Azərbaycanın bu prosesdəki rolu isə sadəcə bir enerji tədarükçüsü olmaqdan çox uzaqdır. Rəsmi Bakı bu gün qütblər arasında neytral və etibarlı bir körpü rolunu icra edir. Prezidentin çıxışındakı ən mühüm mesajlardan biri "keçid dövrü"nün riskləri ilə bağlı idi. O bildirdi ki, qlobal güclər arasındakı fikir ayrılıqları yalnız dialoq və qarşılıqlı hörmət çərçivəsində həll edilməlidir, əks halda bu, bütün dünya üçün bərpaolunmaz fəsadlara yol aça bilər.

Dövlət başçısının çıxışında xüsusi yer tutan mövzulardan biri də Cənubi Qafqazdakı yeni reallıqlar idi. Azərbaycanın öz ərazi bütövlüyünü və suverenliyini tam bərpa etdikdən sonra bölgədə yaranmış sülh imkanlarını yüksək qiymətləndirdi. O, Ermənistanla sülh prosesinə toxunaraq vurğuladı ki, bölgədə davamlı sabitlik üçün yeganə yol beynəlxalq hüququn prinsiplərinə sadiqlik və kənar müdaxilələrdən uzaq, birbaşa dialoqdur.

Forumun keçirildiyi dövrün ekoloji çağırışlarını nəzərə alan Prezident cənab İlham Əliyev Azərbaycanın yaşıl enerji keçidi sahəsindəki liderliyindən də bəhs etdi. O, COP29-dan sonra Azərbaycanın bu sahədəki fəaliyyətinin yeni bir mərhələyə qədəm qoyduğunu qeyd edərək bildirdi ki, ölkəmiz həm ənənəvi enerji resurslarını idarə etmək, həm də bərpa olunan enerji mənbələrinə investisiya qoymaqla dünya üçün unikal bir model təqdim edir.

XIII Qlobal Bakı Forumu və Prezident İlham Əliyevin çıxışı göstərdi ki, Azərbaycan artıq qlobal problemlərin sadəcə iştirakçısı deyil, həm də onların həll yollarını təklif edən əsas strateji ölkələrdən biridir. "Fikir ayrılıqlarını aradan qaldırmaq" çağırışı Bakıdan bütün dünyaya yayılan sülh və əməkdaşlıq forumudur.

Dövlət başçısının qeyd etdiyi kimi, gələcəyin dünyası yalnız bir-birinə qarşı duran bloklarla deyil, ümumi mənafe naminə birləşən xalqların iradəsi ilə daha təhlükəsiz ola bilər. XIII Qlobal Bakı Forumunun iştirakçılarını bəşəriyyətin ortaq gələcəyi naminə həmrəy olmağa çağırdı. Prezident cəna İlham Əliyevin nitqi dünya mediasında və siyasi dairələrdə Azərbaycanın liderlik statusunu bir daha möhkəmləndirən tarixi bir sənəd kimi qəbul edildi.

Əli Paşayev

YAP Tərtər rayon təşkilatının məsləhətçisi

Paylaş:

Baxılıb: 393 dəfə