Bakı Slavyan Universitetinin gəncləri ilə YAP Nəsimi rayon təşkilatının görüşü keçirilib

Bakı:

14 °C

62 %

12 m/s

Əlaqə

AZ RU EN

Ana səhifə / YAP xəbərləri / Bakı Slavyan Universitetinin gəncləri ilə YAP Nəsimi rayon təşkilatının görüşü keçirilib

Bakı Slavyan Universitetinin gəncləri ilə YAP Nəsimi rayon təşkilatının görüşü keçirilib

06.04.2026 [15:34]

Aprel ayının 3-ündə Bakı Slavyan Universitenin (BSU) iclas zalında Bakı Slavyan Universitetinin gəncləri ilə Yeni Azərbaycan Partiyası (YAP) Nəsimi rayon təşkilatının görüşü keçirilib.

Görüşdə açılış nitqi ilə çıxış edən Bakı Slavyan Universitetinin Tədris işləri üzrə prorektoru Fikrət Cahangirov gəncləri salamlayaraq, onların respublikamızın ictima-siyasi cəhətdən fəaliyyətlərindən söz açıb. Fikrət Cahangirov Ulu Öndər Heydər Əliyevin müstəqilliyə gedən yolda tarixi xidmətlərini və müasir dövlətçiliyin möhkəmlənməsində oynadığı rolu xüsusi vurğulayıb. Həmçinin o, qeyd edib ki, yarandığı gündən həm ölkə daxilində baş verən siyasi proseslərdə, həm də beynəlxalq arenada günbəgün nüfuzunu artıran Yeni Azərbaycan Partiyası (YAP) bütün fəaliyyəti dövründə regionun ən güclü siyasi təşkilatı olduğunu təsdiqləyib. Bu şərəfli yolda partiyamızın inkişaında gənclərin müstəsna xidmətləri olduğunu xüsusilə vurğulayıb. Fikrət müəllim öz çıxışını Ulu Öndərin çıxışlarından bir cümləni xatırladaraq, nitqini yekunlaşdırıb, “Yeni Azərbaycan Partiyası dünənin, bu günün və sabahın partiyasıdır. Yeni Azərbaycan Partiyası XXI əsrin, III minilliyin partiyasıdır!”

Daha sonra Yeni Azərbaycan Partiyası (YAP) Nəsimi rayon təşkilatının müavini Abbas Pənahov çıxış edərək, Yeni Azərbaycan Partiyasının 1992-ci ildən bu günümüzə kimi olan fəaliyyətindən xronoloji olaraq bəhs etdi. O, öz çıxışında xüsusi olaraq cəmiyyətin bütün təbəqələri kimi ən dinamik toplum olan gənclərin rolunu vurğuladı. Bugün yüksək intellektual səviyyəyə, vətənpərvərlik hissinə, milli düşüncəyə malik gənclərimizin Azərbaycanın siyasi-iqtisadi və eləcə də sosial-mədəni sahələrin inkişafına verdikləri böyük töhfələrin şahidiyik. Gəncliyin inkişafına daim dəstək göstərən Yeni Azərbaycan Partiyası onların öz güclərinə, potensiallarına və istedadlarına olan güvənlərinin artırılmasına imkan yaradaraq bu sahədə çoxsaylı layihələr həyata keçirdiyindən söz açdı. Buna görə də partiyaya yeni qoşulanların böyük əksəriyyətini məhz gənclər təşkil etdiyini qeyd etdi.

Daha sonra Yeni Azərbaycan Partiyası (YAP) Nəsimi rayon təşkilatının məsləhətçisi Aynur Poluyeva çıxış edərək, hakim partiyanın gənclərə olan diqqət və qayğısından, ölkədə aparılan uğurlu gənclər siyasətindən, bu uğurlu siyasi sistemin onları Yeni Azərbaycan Partiyası ətrafında sıx birləşdirməsindən bəhs edib. Bu heç də təsadüfi deyil ki, Yeni Azərbaycan Partiyasının üzvlərinin 40 faizini məhz gənclər təşkil edir. O, ölkəmiz beynəlxalq münasibətlərdə fəal iştirakçıya çevrilməsini xüsusi olaraq vurğulayaraq, bu uğurların əsasında güclü liderin iradəsi, milli birliyimiz, azərbaycançılıq ideologiyası və vətəndaş həmrəyliyi dayandığını bildirib.

Görüşdə Bakı Slavyan Universitetinin (BSU) Xarici dil müəllimliyi fakültəsinin dekanı Günel Allahverdiyeva çıxış edərək, Yeni Azərbaycan Partiyasının atdığı uğurlu imzalarda gənclərin də xüsusi rolu olduğunu vurğulayıb. O, nitqində Prezident İlham Əliyevin hakimiyyəti illərində yetişmiş gənc nəslin əsas vəzifələrindən biri də ölkəmizin suverenliyinin qorunması olduğunu qeyd edərək, bu yolda əzmlə çalışdıqları üçün hər Azərbaycan gəncinə təşəkkürünü bildirib. O, YAP-ın sıralarına qoşulan gənclər Ulu öndər Heydər Əliyevin miras qoyduğu ənənələrə sadiqliklərini, Prezident İlham Əliyevin uğurlu və məqsədyönlü siyasətinə inamlarını ifadə etməklə yanaşı, dövlətimizə xidmət etmək üçün böyük imkanlar əldə etdiklərini bildirib.

Görüşün sonunda gənclər öz fikirlərini bölüşdülər, onları maraqlandıran suallını ünvanladılar.

Paylaş:

Baxılıb: 279 dəfə