Tovuzda 27 Sentyabr – Anım Gününə həsr olunan şahmat turniri təşkil edilib

Bakı:

25 °C

83 %

6 m/s

Əlaqə

AZ RU EN

Ana səhifə / YAP xəbərləri / Tovuzda 27 Sentyabr – Anım Gününə həsr olunan şahmat turniri təşkil edilib

Tovuzda 27 Sentyabr – Anım Gününə həsr olunan şahmat turniri təşkil edilib

23.09.2026 [16:57]

Tovuzda 27 Sentyabr – Anım Gününə həsr olunan şahmat turniri təşkil edilib.

Turnir Yeni Azərbaycan Partiyasının Tovuz rayon təşkilatının, Qazax–Tovuz Regional Təhsil İdarəsinin Tovuz rayon üzrə Təhsil Sektorunun və Tovuz rayon Uşaq-Gənclər İdman-Şahmat Məktəbinin birgə təşkilatçılığı ilə baş tutub.

Yarış başlamazdan əvvəl Ulu Öndər Heydər Əliyevin və Azərbaycanın ərazi bütövlüyü uğrunda şəhid olan qəhrəmanların xatirəsi bir dəqiqəlik sükutla yad edilib.

Tədbirin açılışında çıxış edən Tovuz UGİŞM-in direktoru Məleykə Əmirzadə 27 Sentyabr – Anım Gününün xalqımızın yaddaşında xüsusi yer tutduğunu qeyd edib. O, şəhidlərin müqəddəs xatirəsinin daim uca tutulmasının vacibliyini vurğulayıb və gənc nəslin vətənpərvərlik ruhunda formalaşmasında bu cür tədbirlərin əhəmiyyətindən danışıb. Məleykə Əmirzadə şahmatın uşaqların məntiqi düşüncə, diqqət və qərarvermə bacarıqlarının inkişafında mühüm rol oynadığını bildirib.

Sonra YAP Tovuz rayon təşkilatının sədr müavini İlqar Kərimov çıxışında Anım Gününün şəhidlərin əziz xatirəsinə ehtiramın ifadəsi baxımından əhəmiyyətini diqqətə çatdırıb. O, şəhidlərin həyat yolunun və Vətən uğrunda göstərdikləri fədakarlığın gənc nəsil üçün mühüm örnək olduğunu qeyd edib. Bildirilib ki, gənclərin savadlı, dünyagörüşlü və vətənpərvər ruhda yetişməsi istiqamətində müxtəlif layihə və tədbirlərin keçirilməsi mühüm əhəmiyyət daşıyır.

Daha sonra Fariz Ələkbərov küçəsi ərazi partiya təşkilatının sədr müavini, Tovuz rayonu üzrə Təhsil Sektorunun məsləhətçisi Bəhman Qurbanov isə məktəblilərin idman və intellektual yarışlara cəlb olunmasının onların inkişafına müsbət təsir göstərdiyini bildirib. O, şagirdlərin belə tədbirlərdə iştirakının həm sağlam həyat tərzinin formalaşmasına, həm də onların müxtəlif sahələrdə bacarıqlarını üzə çıxarmasına imkan yaratdığını vurğulayıb. Bəhman Qurbanov yarış iştirakçılarına uğurlar arzulayaraq, bu istiqamətdə tədbirlərin davam etdirilməsinin vacibliyini qeyd edib.

Şahmat yarışında ümumilikdə 60 məktəbli iştirak edib. İştirakçılar yaş qruplarına uyğun olaraq iki kateqoriyada mübarizə aparıblar. A qrupunda 10 yaşdan yuxarı, B qrupunda isə 10 yaşadək şahmatçılar öz bacarıqlarını nümayiş etdiriblər.

Bir neçə turdan ibarət olan yarış ərzində iştirakçılar arasında maraqlı və gərgin mübarizə müşahidə olunub. Məktəblilər şahmat taxtası arxasında diqqət, məntiq və strateji düşünmə bacarıqlarını nümayiş etdiriblər.

Turnirin sonunda hər qrup üzrə qaliblər kubokla təltif olunub. Həmçinin oğlanlar və qızlar arasında I, II və III yerləri tutan iştirakçılara medal və diplomlar təqdim edilib.

Paylaş:

Baxılıb: 109 dəfə