Qaradağda 31 mart - Azərbaycanlıların Soyqırımı Gününə həsr olunmuş tədbir keçirilib

Bakı:

18 °C

68 %

3 m/s

Əlaqə

AZ RU EN

Ana səhifə / YAP xəbərləri / Qaradağda 31 mart - Azərbaycanlıların Soyqırımı Gününə həsr olunmuş tədbir keçirilib

Qaradağda 31 mart - Azərbaycanlıların Soyqırımı Gününə həsr olunmuş tədbir keçirilib

01.04.2014 [09:20]

Dünən Yeni Azərbaycan Partiyası (YAP) Qaradağ rayon təşkilatı Gənclər Birliyi və rayon Gənclər İdman İdarəsinin birgə təşkilatçılığı ilə Səngəçal qəsəbəsində yerləşən N saylı hərbi hissədə 31 mart -Azərbaycanlıların Soyqırımı Gününə həsr olunmuş tədbir keçirilib. Tədbiri giriş sözü ilə açan hərbi hissənin komandir müavini Əliyar Əliyev deyib ki, 31 mart-2 aprel 1918-ci ildə azərbaycanlıların məruz qaldıqları soyqırımı nəticəsində milyonlarla soydaşımız tarixi vətənlərindən deportasiya olunub, on minlərlə azərbaycanlı ən amansız üsullarla qətlə yetirilib, saysız-hesabsız mədəniyyət və tarixi abidələr tamamilə dağıdılıb. O, 1918-ci ildə baş verən bu soyqırımını erməni şovinistlərinin azərbaycanlılara qarşı tarix boyu həyata keçirdiyi soyqırımı siyasətinin növbəti səhifəsi olduğunu vurğulayıb.
Daha sonra çıxış edən YAP Qaradağ rayon təşkilatının aparat rəhbəri Ruslan İsmayılov vurğulayıb ki, uzun illər gizli saxlanılan, üzərinə qadağa qoyulan bu həqiqətlər Ümummilli liderimiz Heydər Əliyevin qətiyyəti və siyasi iradəsi nəticəsində üzə çıxarılıb, xalqımızın tarixi keçmişinin obyektiv mənzərəsini yaratmaq mümkün olub. Soyqırımı aktlarının tarixindən, erməni vəhşiliyinin xronikasından danışan R.İsmayılov Azərbaycan həqiqətlərinin ilk dəfə Ümummilli lider Heydər Əliyevin gərgin səyləri nəticəsində obyektiv hüquqi-siyasi qiymətini almasını, Ulu öndərin müvafiq Fərmanı ilə 31 martın soyqırımı günü elan olunmasını xüsusi vurğulayıb. Tədbirdə Prezident İlham Əliyevin prinsipial mövqeyi, soyqırımı aktları ilə bağlı dünyanın müxtəlif ölkələrində keçirilən tədbirlərin nəticəsi olaraq erməni təbliğatının kəsərdən düşməsi və iflasa uğraması konkret faktlarla diqqətə çatdırılıb.
Rayon Gənclər və idman idarəsinin rəis müavini İlqar Qasımov isə deyib ki, 1918-ci il martın 31-də erməni şovinistləri Bakı Kommunasının köməyi ilə Azərbaycanda kütləvi qırğınlar, qətllər törətməklə bəşər tarixində misli görünməmiş soyqırımı həyata keçiriblər. O, azərbaycanlıların soyqırımı ilə bağlı həqiqətlərin dünya ictimaiyyətinə çatdırılmasında Ümummilli lider Heydər Əliyevin tarixi xidmətlərini bir daha xatırladaraq hazırda bu istiqamətdə ölkə rəhbərliyi, həmçinin, Heydər Əliyev Fondu tərəfindən məqsədyönlü və davamlı iş aparıldığını diqqətə çatdırıb. Qeyd olunub ki, tarixdə heç bir cinayət cəzasız qalmadığı kimi, ermənilərin azərbaycanlılara qarşı törətdikləri vəhşiliklər, soyqırımları mütləq lazımi hüquqi qiymətini alacaq, ermənilər insanlıq əleyhinə yönəlmiş bu addımlarına görə mütləq cavab verəcəklər.

Paylaş:

Baxılıb: 978 dəfə