YAP Ağstafa rayon təşkilatının VIII konfransı keçirilib

Bakı:

16 °C

88 %

0 m/s

Əlaqə

AZ RU EN

Ana səhifə / YAP xəbərləri / YAP Ağstafa rayon təşkilatının VIII konfransı keçirilib

YAP Ağstafa rayon təşkilatının VIII konfransı keçirilib

23.06.2017 [09:29]

İyunun 22-də Yeni Azərbaycan Partiyası (YAP) Ağstafa rayon təşkilatının VIII konfransı keçirilib.
Tədbir iştirakçıları öncə Ümummilli lider Heydər Əliyevin abidəsi önünə gül dəstələri düzüb, dahi rəhbərin xatirəsini ehtiramla yad ediblər.
Konfransda YAP Ağstafa rayon təşkilatının sədri Ramiz Tatarov hesabat məruzəsi ilə çıxış edib. YAP-ın keçdiyi zəngin inkişaf yolundan danışan Ramiz Tatarov qeyd edib ki, YAP Ağstafa rayon təşkilatı ötən dövrdə sıralarını xeyli genişləndirib. Bildirilib ki, YAP Ağstafa rayon təşkilatı partiyanın Proqram və Nizamnaməsinə uyğun olaraq qarşıya qoyulan vəzifələrin öhdəsindən bundan sonra da ləyaqətlə gələcək. Ramiz Tatarov vurğulayıb ki, YAP Ağstafa rayon təşkilatı partiyanın V qurultayında qəbul edilmiş qərarların, eləcə də İdarə Heyətinin qərarlarının icrasını daim yüksək səviyyədə həyata keçirib.
Ramiz Tatarov nəzərə çatdırıb ki, rəhbəri olduğu rayon təşkilatı hər zaman öz nümunəvi fəaliyyəti ilə fərqlənməyə çalışıb, 2015-ci ildə keçirilmiş parlament seçkilərində və 2016-cı ildə Azərbaycan Respublikasının Konstitusiyasına əlavə və dəyişikliklərlə bağlı keçirilən referendumda üzərinə düşən vəzifələri layiqincə yerinə yetirib.
Sonra Nəzarət-Təftiş Qrupunun hesabatı dinlənilib.
Konfransda çıxış edən YAP Siyasi Şurasının üzvü, Milli Məclisin komitə sədri Hadi Rəcəbli bildirib ki, YAP cəmiyyətdə böyük nüfuza malik olan partiyadır. Ulu öndər Heydər Əliyevin yaratdığı Yeni Azərbaycan Partiyası xalqımızın və ölkəmizin həyatını kökündən dəyişdirib, eyni zamanda, siyasi mübarizələrlə zəngin şərəfli yol keçib. YAP Heydər Əliyev siyasətinin avanqard qüvvəsi kimi, xalqımızın qarşısında dayanan vəzifələrin həll edilməsinə layiqli töhfəsini verib və bundan sonra da verəcək. Öz sıralarında ictimaiyyətin bütün təbəqələrini birləşdirən Yeni Azərbaycan Partiyası Ümummilli lider Heydər Əliyevin parlaq ideyalarının daşıyıcısı kimi cəmiyyətdə aparıcı rolunu gündən-günə daha da möhkəmləndirməkdədir. Həyat çoxdan sübuta yetirib ki, Ulu öndər Heydər Əliyevin zəngin siyasi və dövlətçilik təcrübəsinə əsaslanan Yeni Azərbaycan Partiyası ölkəmizdə ən güclü, ən monolit siyasi təşkilatdır və ictimai nüfuzuna görə onunla müqayisə edilə biləcək digər partiya mövcud deyil.
Çıxış edən YAP Mərkəzi Aparatının məsul işçisi Rafael Gülməmmədov bildirib ki, YAP Azərbaycanın ictimai-siyasi həyatına qurucu partiya kimi daxil olmaqla həyatın bütün sahələrinə yeni ruh, yeni nəfəs gətirdi. Onun sözlərinə görə, yarandığı gündən partiyanın xalq arasında siyasi nüfuzu, siyasi gücü artdı, inkişafımızın bütün sahələrinə təsir etmək qabiliyyəti yüksəldi.
Çıxış edən Milli Məclisin deputatı Naqif Həmzəyev isə vurğulayıb ki, YAP Azərbaycanın ən güclü siyasi təşkilatı olmaqla, ölkəmizin ictimai-siyasi həyatında fəal rol oynayır. Bildirib ki, ötən dövrdə çətin və şərəfli yol keçən YAP-ın təməli möhkəm və əzəmətlidir.
Ağstafa rayon İcra Hakimiyyətinin başçısı Məhərrəm Quliyev YAP-ın və müasir Azərbaycan dövlətinin qurucusu, ölkəmizi məhv olmaq təhlükəsindən xilas etmiş Ulu öndər Heydər Əliyevin misilsiz tarixi xidmətlərindən, partiyanın böyük siyasi güc kimi cəmiyyətimizdəki mövqeyindən bəhs edib.
Konfransda çıxış edən rayon təşkilatının üzvləri hesabat məruzəsini qənaətbəxş qiymətləndiriblər.
Konfransda təşkilati məsələlərə baxılıb, Ramiz Tatarov yenidən YAP Ağstafa rayon təşkilatının sədri seçilib. Konfransda həmçinin yeni tərkibdə rayon təşkilatının Şurası və İdarə Heyəti, eləcə də Nəzarət-təftiş qrupu seçilib.
Sonda YAP sıralarına yeni qoşulmuş bir qrup gəncə üzvlük vəsiqələri təqdim olunub.

Paylaş:

Baxılıb: 872 dəfə