İdman ictimaiyyətinin seçimi cənab İlham Əliyevdir

Bakı:

25 °C

38 %

3 m/s

Əlaqə

AZ RU EN

Ana səhifə / YAP xəbərləri / İdman ictimaiyyətinin seçimi cənab İlham Əliyevdir

İdman ictimaiyyətinin seçimi cənab İlham Əliyevdir

29.03.2018 [10:40]

YAP Nərimanov rayon təşkilatında idmançılarla görüş keçirilib
11 aprel 2018-ci ildə keçiriləcək prezident seçkiləri ilə əlaqədar təbliğat-təşviqat kampaniyası çərçivəsində Yeni Azərbaycan Partiyası (YAP) Nərimanov rayon təşkilatı tərəfindən silsilə tədbirlər davam etdirilir. Təbliğat-təşviqat kampaniyası çərçivəsində YAP Nərimanov rayon təşkilatında idmançılarla görüş keçirilib.
Tədbiri YAP Nərimanov rayon təşkilatının sədri Təmraz Tağıyev açaraq, Yeni Azərbaycan Partiyasının namizədi, dövlətimizin başçısı İlham Əliyevin həyata keçirdiyi ardıcıl və sistemli islahatlar, uğurlu daxili və xarici siyasət nəticəsində ölkəmizin son illərdə qazandığı uğurlardan bəhs edib. T.Tağıyev bildirib ki, müasir dövlətimiz məhz bu siyasət nəticəsində inkişaf edir. Rayon təşkilatının sədri ölkəmizdə idmanın inkişafına xüsusi diqqət yetirildiyini deyərək Azərbaycanın dünyada nüfuzlu idman dövləti olduğunu diqqətə çatdırıb. O, ölkə idmançılarını Heydər Əliyev siyasətinin davamı naminə 11 aprel seçkilərində cənab İlham Əliyevə səs verməyə çağırıb.
Milli Məclisin deputatı Adil Əliyev çıxışında bidirib ki, idmanın inkişafı dövlət siyasətinin prioritetlərindəndir. Onun fikrincə, Azərbaycan gəncliyi, idmanı və ordusu bir vəhdət təşkil edir: “Çünki harda Azərbaycan idmanı varsa, orada Azərbaycan gənci var. Eləcə də harda Azərbaycan gənci varsa, orada Azərbaycan ordusu var”.
A.Əliyev idmana və idmançılara dövlət tərəfindən yüksək qayğı göstərildiyini deyərək bu qayğının idman sahəsində yüksək nəticələrlə müşayiət olunduğunu diqqətə çatdırıb. Millət vəkili əmin olduğunu bildirib ki, Azərbaycan idmançılarının prezident seçkilərində seçimi cənab İlham Əliyevdir.
Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu isə diqqətə çatdırıb ki, seçicilərlə görüşlərdə aydın olur ki, hər bir seçici partiyamızın Sədri, ölkə Prezidenti İlham Əliyevin fəaliyyəti ilə bağlı ən azı Onu təbliğ etməyə gedən insanlar qədər məlumatlıdır və dəqiq mövqeyə malikdir: “Bu, Azərbaycan xalqının mövqeyidir. Son 15 il ərzində cənab Prezidentin fəaliyyəti Azərbaycan xalqının gözləri önündədir. Ölkə rəhbərinin fəaliyyətinin şəffaf olması, Onun gördüyü işlərin böyüklüyü, xalqın isə bu barədə yetərincə məlumatlı olması cənab Prezidentin xüsusi təbliğata ehtiyacının olmadığını göstərir. Dövlət başçısı Öz təbliğatını əməlləri ilə yüksək səviyyədə təşkil edib. Buna görə də hesab edirik ki, cənab İlham Əliyev Azərbaycan xalqının alternativsiz namizədidir”.
Milli Məclisin deputatı bildirib ki, ötən 15 il ərzində dövlət başçısının reytinqi xalq arasında əhəmiyyətli dərəcədə yüksəlməkdə davam edib: “Bu sosial-siyasi göstərici ölkə rəhbərinin effektiv fəaliyyətinin nəticəsidir. Bütün bunların nəticəsi kimi, 2018-ci il aprelin 11-də keçiriləcək prezident seçkilərində cənab İlham Əliyevin parlaq qələbə qazanacağı heç kəsdə şübhə doğurmur”.
Prezident İlham Əliyevin idmanın inkişafına xüsusi diqqət və qayğı göstərdiyini deyən Hikmət Babaoğlunun sözlərinə görə, ölkəmiz son illərdə idmanın inkişafı istiqamətində mühüm uğurlar qazanıb, idmançılarımız isə Azərbaycanı beynəlxalq idman yarışlarında layiqli şəkildə təmsil ediblər. “Prezident İlham Əliyevin təşəbbüsü və nəzarəti ilə Azərbaycanın hər bir bölgəsində idman arenalarının, müasir komplekslərin tikilərək yeniyetmələrin, gənclərin ixtiyarına verilməsi ölkəmizdə böyük idmançı ordusunun formalaşmasını şərtləndirib, idmanın kütləviliyi təmin edilib”, - deyən millət vəkili əlavə edib ki, idmançılarımızın olimpiadalarda, beynəlxalq səviyyəli mötəbər yarışlarda qazandıqları uğurlar sayəsində Azərbaycan dünyada idman ölkəsi kimi tanınıb. Bütün bu amillər isə onu deməyə əsas verir ki, prezident seçkilərində idman ictimaiyyəti cənab İlham Əliyevə səs verəcək.
Çıxış edən Azərbaycan Güləş Federasiyasının I vitse-prezidenti Firdovsi Umudov bildirib ki, ölkəmizdə idmanın inkişafı ilə bağlı uzunmüddətli, planlı addımlar atılır ki, bu özünü əldə olunan uğurlu nəticələrdə göstərir: “Azərbaycanda idmanın maddi-texniki bazası sürətlə genişlənir. Hazırda respublikamızın bütün bölgələrində dünya standartlarına cavab verən Olimpiya idman kompleksləri tikilib istifadəyə verilib. Məhz Prezident İlham Əliyevin şəxsi səyi sayəsində bölgələrdə gənclərin sağlam şəkildə yetişdirilməsi, onların sağlam ruhda böyüməsi üçün əsaslı addımlar atılır”.
Tədbirdə çıxış edənlər 11 aprel seçkilərində cənab İlham Əliyevə səs verəcəklərini bəyan ediblər.

Paylaş:

Baxılıb: 708 dəfə