YAP Səbail rayon təşkilatı “Pedaqoqlar” ərazi ilk partiya təşkilatının İdarə Heyətinin iclası keçirilib

Bakı:

21 °C

49 %

3 m/s

AZ RU EN

Ana səhifə / YAP xəbərləri / YAP Səbail rayon təşkilatı “Pedaqoqlar” ərazi ilk partiya təşkilatının İdarə Heyətinin iclası keçirilib

YAP Səbail rayon təşkilatı “Pedaqoqlar” ərazi ilk partiya təşkilatının İdarə Heyətinin iclası keçirilib

19.06.2019 [09:28]

İyunun 18-də Yeni Azərbaycan Partiyası (YAP) Səbail rayon təşkilatının “Pedaqoqlar” ərazi ilk partiya təşkilatının İdarə Heyətinin iclası keçirilib. İclası giriş sözü ilə açan YAP Səbail rayon təşkilatının “Pedaqoqlar” ərazi ilk partiya təşkilatının İdarə Heyətinin sədri, professor Himalay Qasımov əvvəlcə ADPU-nun rektorunun köməkçisi Riyad Rüstəmlini YAP-ın Səbail rayon təşkilatı Gənclər Birliyinin sədri seçilməsi münasibətilə təbrik edib, ona həyatda və ictimai-siyasi fəaliyyətində yeni-yeni uğurlar arzulayıb.
Professor H.Qasımov çıxışında bildirib ki, YAP rəhbərliyi ərazi ilk partiya təşkilatları qarşısında yeni və mühüm vəzifələr qoyub. Bu baxımdan, “Pedaqoqlar” ərazi ilk partiya təşkilatının da üzərinə məsuliyyətli vəzifələr düşür. “Pedaqoqlar” ərazi ilk partiya təşkilatı Səbail rayon təşkilatının aparıcı və fəal təşkilatlarından biridir. Təşkilat ölkəmizin ictimai-siyasi həyatında, o cümlədən rayon və respublika miqyasında keçirilən tədbirlərdə fəal iştirak edir: “ADPU-da həyata keçirilən islahatlar, yeniliklər, layihələr universitetimizin nüfuzunun yüksəlməsini təmin edib. Biz bu islahatlara, yeniləşmə, müasirləşmə prosesinə əməli fəaliyyətimizlə dəstək verməliyik”.
Professor H.Qasımov “Pedaqoqlar” ərazi ilk partiya təşkilatının strukturunun təkmilləşdirilməsi üçün həyata keçirilməsi nəzərdə tutulan vəzifələr barədə ətraflı məlumat verib.
İclasda ADPU-nun rektorunun köməkçisi, YAP-ın Səbail rayon təşkilatı Gənclər Birliyinin sədri Riyad Rüstəmli, “Pedaqoqlar” ərazi ilk partiya təşkilatının İdarə Heyətinin sədr müavini, dosent Sultanəli Qurbanov, dosent Eldar Aslanov, professor Fərrux Rüstəmov, dosent Arzu Daşdəmirov, baş müəllim Əsbət Teymurova və başqaları çıxış edərək ərazi ilk partiya təşkilatının strukurunun təkmilləşdirilməsi və müasir tələblərə uyğun fəaliyyət göstərməsi üçün təkliflər irəli sürüblər.
İclasa yekun vuran ADPU-nun rektoru, professor Cəfər Cəfərov qeyd edib ki, “Pedaqoqlar” ərazi ilk partiya təşkilatının fəaliyyətinin yenidən qurulması və gücləndirilməsi günün tələbidir. İstənilən siyasi partiyanın gücü təbliğatdadır. Təbliğat həm sözlə, həm də əməli fəaliyyətlə aparılmalıdır. Yeni dövr qarşıya yeni və müasir tələblər qoyur. Ərazi ilk partiya təşkilatı çevik və dəqiq işləməli, koordinasiya olunmuş fəaliyyət həyata keçirməlidir. Yalnız bu halda partiya təşkilatı qarşıya qoyduğu bütün hədəf və məqsədlərə çata bilər.

Paylaş:

Baxılıb: 834 dəfə