YAP Goranboy rayon təşkilatının yaranmasının 15-ci ildönümü qeyd olunub

Bakı:

1 °C

93 %

7 m/s

Əlaqə

AZ RU EN

Ana səhifə / YAP xəbərləri / YAP Goranboy rayon təşkilatının yaranmasının 15-ci ildönümü qeyd olunub

YAP Goranboy rayon təşkilatının yaranmasının 15-ci ildönümü qeyd olunub

22.01.2010 [13:48]

Yeni Azərbaycan Partiyası (YAP) Goranboy rayon təşkilatının yaranmasının 15-ci ildönümü qeyd olunub. Tədbirdə YAP İcra katibinin müavini, millət vəkili Mübariz Qurbanlı və rayon İcra Hakimiyyəti başçısı Nizaməddin Quliyev iştirak edib.
Tədbir iştirakçıları əvvəlcə ümummilli liderimiz Heydər Əliyevin abidəsi önünə gül - çiçək dəstələri qoyaraq, Onun xatirəsini ehtiramla yad ediblər.
Sonra tədbir rayon mədəniyyət evində davam etdirilib.
YAP rayon təşkilatının sədr müavini Əzra Həşimova məlumat verərək bildirib ki, 17 il əvvəl 1992-ci ilin noyabr ayının 21-də Naxçıvan şəhərində ümummilli liderimiz Heydər Əliyevin Sədrliyilə YAP-ın təsis konfransı keçirilib: “ötən 17 il göstərir ki, YAP öz qarşısına qoyduğu şərəfli vəzifələri layiqincə yerinə yetirib, ölkəmizdə hüquqi, dünyəvi, demokratik prinsiplərə əsaslanan dövlət yaradılıb. Demokratiyaya gedən yolda partiyamızın şərəfli yolu hər birimizə yaxşı məlumdur”.
O, qeyd edib ki, 1995-ci ildə təsis edilmiş və öz fəaliyyətilə fərqlənən YAP Goranboy rayon təşkilatı rayonun ictimai-siyasi həyatında həmişə yaxından iştirak edib: “Keçən müddət ərzində rayon təşkilatının formalaşmasında, onun strukturunun təkmilləşdirilməsində və möhkəmləndirilməsində idarə heyəti və ilk təşkilatlar tərəfindən xeyli işlər görülüb. Partiya üzvlərinin çevik fəaliyyəti sayəsində rayon təşkilatı əsas aparıcı qüvvəyə çevrilib. Rayon təşkilatı ötən 15 ildə respublikamızda keçirilən 4 prezident, 2 ümumxalq səsverməsində, 3 bələdiyyə seçkilərində öz mübarizliyini, təşkilatçılıq məharətini, insanlar arasında olan nüfuz və hörmətini nümayiş etdirib, dövlətçiliyimizin möhkəmlənməsi, demokratiyanın bərqərar olunması, partiyanın irəli sürdüyü prinsiplərin həyata keçirilməsi naminə bütün imkanlardan bacarıqla istifadə edilib”.
Əzra Həşimova bildirib ki, YAP Goranboy rayon təşkilatı 5 min nəfərdən artıq üzvü 93 ilk partiya təşkilatında birləşdirir. YAP üzvlərinin 75 faizini ziyalılar, qalan hissəsini isə digər sahədə çalışanlar təşkil edir. Rayon təşkilatı üzvlərinin 52 faizi qadınlar, 31 faizi isə gənclərdir. Son 3 ildə YAP - a qəbul olunanların sayı 1300 nəfərdən artıq olub.
Tədbirdə rayon Ağsaqqallar Şurasının sədri Məzahir Zeynalov, Mədəniyyət və Turizm şöbəsi ilk partiya təşkilatının sədri Gündüz Hacıyev, 2 saylı şəhər orta məktəbin müəlliməsi Dürdanə Bağırova, Mərkəzi Xəstəxananın həkimi Təranə Abbasova çıxış edərək YAP-ın yaranma tarixindən, YAP üzvlərinin respublikamızın ictimai-siyasi həyatında fəal iştirakından və geniş miqyaslı görülmüş işələrdən danışıblar.
Tədbirdə YAP İcra katibinin müavini, millət vəkili Mübariz Qurbanlı çıxış edərək YAP-ın yaranma tarixindən, respublika Prezidenti İlham Əliyevin rəhbərliyi ilə ümummilli lider Heydər Əliyev siyasətinin uğurla davam etdirilməsindən, Dağlıq Qarabağ probleminin sülh yolu ilə həll edilməsi istiqamətində aparılan danışıqlardan, respublikamızın sürətli inkişafından söz açıb.
Rayon İcra Hakimiyyətinin başçısı Nizaməddin Quliyev isə çıxış edərək partiyamızın keçdiyi şərəfli yoldan və qarşıda duran vəzifələrdən danışıb.
Sonra YAP üzvlüyünə qəbul olunanlara üzvlük vəsiqələri təqdim edilib. YAP rayon təşkilatının 15 illik fəaliyyətində fərqlənən bir qrup YAP üzvünə fəxri fərmanlar və pul mükafatları təqdim edilib. Tədbirin yekununda Yeni Azərbaycan Partiyasının Sədri, Prezident İlham Əliyevə tədbir iştirakçıları adından müraciət ünvanlanıb.
RAMİL

Paylaş:

Baxılıb: 1281 dəfə