Bilman Vəliyev: Qlobal xarakter daşıyan pandemiya həmrəyliyin nümayiş etdirilməsini dünya dövlətlərinin qarşısında zərurətə çevirir

Bakı:

23 °C

94 %

2 m/s

AZ RU EN

Ana səhifə / YAP xəbərləri / Bilman Vəliyev: Qlobal xarakter daşıyan pandemiya həmrəyliyin nümayiş etdirilməsini dünya dövlətlərinin qarşısında zərurətə çevirir

Bilman Vəliyev: Qlobal xarakter daşıyan pandemiya həmrəyliyin nümayiş etdirilməsini dünya dövlətlərinin qarşısında zərurətə çevirir

11.07.2020 [10:51]

"Bu gün dünya ölkələri COVID-19 pandemiyası ilə mübarizə aparır, dünya böyük gərginlik içərisindədir və bu bəladan xilas olmağın yollarını axtarırlar. Bəşəriyyətin bu vəziyyətdən mümkün qədər az itkilərlə çıxmasının ən əsas şərtlərindən biri isə qlobal həmrəylikdir. Belə gərgin və narahat bir vaxtda özünütəcrid tədbirləri əvəzinə, qlobal həmrəyliyə və qlobal baxışa böyük ehtiyac var. Bu baxımdan, Prezident İlham Əliyevin BMT Baş Assambleyasının xüsusi sessiyasının keçirilməsi haqqında təşəbbüsü koronavirus pandemiyası ilə mübarizədə beynəlxalq əməkdaşlığa verilən töhfə kimi çox böyük əhəmiyyət kəsb edir".

Bu fikirləri Yeni Azərbaycan Partiyası (YAP) Abşeron rayon təşkilatının sədri Bilman Vəliyev deyib.

B.Vəliyev bildirib ki, Prezident İlham Əliyevin irəli sürdüyü təşəbbüs qlobal xarakter daşıyır və bütün dünyanı cənginə almış bəlaya qarşı mübarizədə həmrəyliyin təmin edilməsinə əhəmiyyətli təsir göstərir. Onun sözlərinə görə, pandemiya insanların həyatını təhlükə altına qoyan ciddi sağlamlıq problemləri yaradır. Bununla yanaşı, COVID-19-un mənfi fəsadları hələ uzun müddət hiss olunacaq ciddi qlobal sosial-iqtisadi və humanitar təhlükələr yaradır. Bilman Vəliyev qeyd edib ki, belə bir şəraitdə Prezident İlham Əliyev hər bir Azərbaycan vətəndaşının təhlükəsizliyinin və sağlamlığının qayğısına qalır.

Təşkilat sədri söyləyib ki, qlobal humanitar fəlakətdən və iqtisadi böhrandan xilas olmağın yeganə yolu bütün ölkələrin pandemiyaya qarşı birgə və effektiv addımlar atmasından keçir. Yalnız bütün ölkələrin birgə səyi və çevik, koordinasiyalı addımları fəlakətin miqyasını azalda və ya ona son qoya bilər.
B.Vəliyev onu da qeyd edib ki, BMT Baş Assambleyasının keçirilməsi nəzərdə tutulan xüsusi sessiyası pandemiyanın qarşısına sipər çəkilməsində beynəlxalq ictimaiyyətin tam səfərbər olunmasına şərait yaradacaq və bu bəşəri bəlaya qarşı qlobal cavabın tapılmasına öz töhfəsini verəcək: "Bu gün Prezident İlham Əliyevin BMT Baş Assambleyasının dövlət və hökumət başçıları səviyyəsində videokonfrans vasitəsilə COVID-19-a qarşı mübarizəyə həsr olunmuş xüsusi sessiyasının keçirilməsi təşəbbüsünə verilən dəstək həm xarici dövlətlərin, həm də beynəlxalq təşkilatların ölkəmizə olan böyük etimadının göstəricisidir. Qlobal xaraker daşıyan pandemiya, təbii ki, həmrəyliyin nümayiş etdirilməsini və eyni zamanda, birgə səylərin göstərilməsini dünya dövlərinin qarşısında zərurətə çevirir. Azərbaycan Prezidenti İlham Əliyev bütün dünya üçün bir nümunə ortaya qoydu, qlobal pandemiyaya qarşı həmrəyliyin ən vacib şərt olduğunu irəli sürdü və bu təşəbbüs dövlətlər tərəfindən dəstəkləndi".

Paylaş:

Baxılıb: 806 dəfə