Kürsüm Həsənova: Azərbaycan Prezidenti Öz təşəbbüsü ilə qlobal təhlükəyə qarşı dünya ölkələrini səfərbər edib

Bakı:

16 °C

72 %

8 m/s

AZ RU EN

Ana səhifə / YAP xəbərləri / Kürsüm Həsənova: Azərbaycan Prezidenti Öz təşəbbüsü ilə qlobal təhlükəyə qarşı dünya ölkələrini səfərbər edib

Kürsüm Həsənova: Azərbaycan Prezidenti Öz təşəbbüsü ilə qlobal təhlükəyə qarşı dünya ölkələrini səfərbər edib

14.07.2020 [08:37]

“Yeni növ koronavirus (COVID-19) infeksiyasının geniş yayılması nəticəsində dünyanın bütün dövlətləri həm maddi, həm də mənəvi cəhətdən ciddi problemlərlə üzləşib. Dünyanın aparıcı dövlətlərinin heç biri pandemiyanın qarşısını ala bilməyiblər. Baş verən son hadisələr bir daha göstərdi ki, dünyanı təhdid edən təhlükələr əslində ortaqdır və biz onlarla birgə mübarizə aparmalıyıq. Məhz bu səbəblərdən ölkəmizin böhranla mübarizədə qlobal həmrəylik və əməkdaşlıq təklifi yüksək qiymətləndirilir”.
Bu fikirləri Yeni Azərbaycan Partiyası (YAP) Suraxanı rayon təşkilatının Şura üzvü Kürsüm Həsənova deyib.
K.Həsənovann sözlərinə görə, Azərbaycan Prezidenti İlham Əliyev Öz çıxışlarında və ictimaiyyət nümayəndələri ilə görüşlərində Azərbaycanda aparılan sosial siyasətin mərkəzində Azərbaycan vətəndaşlarının dayandığını dəfələrlə ifadə edib: “İndiki pandemiya dövründə də biz bunun canlı şahidi olduq. Azərbaycan vətəndaşlarının pandemiyadan əziyyət çəkməməsi üçün dövlətimiz bütün lazımi tədbirləri gördü, cəmiyyətimiz isə həmrəylik nümayiş etdirdi”.
Azərbaycanın təkcə ölkə daxilində deyil, qlobal miqyasda da həmrəylik nümayiş etdirdiyini qeyd edən Şura üzvünün sözlərinə görə, ötən aylarda Prezident İlham Əliyev mövcud vəziyyətlə əlaqədar videokonfrans formatında çoxsaylı görüşlər keçirib, dünya dövlətlərini “ortaq düşmən”lə mübarizədə birlik nümayiş etdirməyə çağırıb: “Türk Şurasının və Qoşulmama Hərəkatının Zirvə görüşlərində iştirak edən dövlət və hökümət başçıları Azərbaycan Prezidenti İlham Əliyev tərəfindən irəli sürülən təklif və təşəbbüsləri yüksək qiymətləndiriblər və müvafiq qərarlar qəbul olunub”.
K.Həsənovanın sözlərinə görə, BMT Baş Assambleyasının xüsusi sessiyasının çağırılması üçün 130-dan çox ölkənin dəstəyini alan Azərbaycan Prezidenti qlobal təhlükəyə qarşı, demək olar ki, bütün dünya ölkələrini səfərbər edib: “Mən şəxsən bir vətəndaş kimi, cənab İlham Əliyevin diplomatik ustalığı sayəsində Azərbaycanın qlobal miqyaslı təklif və təşəbbüs irəli sürən, təklifləri qəbul olunan və təşəbbüsləri dəstəklənən bir ölkə kimi nüfüz qazanmasına görə fəxr edirəm”.
“Hər birimiz üçün çox qürurverici haldır ki, pandemiyaya qarşı mübarizə məqsədilə dövlət başçımız tərəfindən irəli sürülən daha bir qlobal təşəbbüs reallaşır. Belə ki, artıq BMT-nin Baş Assambleyasının 31-ci xüsusi sessiyasının gündəliyi təsdiq edilib. Azərbaycan dövlətinin bu təşəbbüsünün həyata keçməsi bir daha Prezident İlham Əliyevin təşəbbüsünün yerində olduğunu və bütün dünya ölkələri üçün mühüm əhəmiyyət kəsb etdiyini göstərir”, - deyə K.Həsənova qeyd edib.

Paylaş:

Baxılıb: 552 dəfə