Arifə Məhərrəmova: Pandemiya ilə mübarizədən qalib çıxmaq üçün vətəndaş məsuliyyəti və həmrəylik mütləqdir

Bakı:

19 °C

82 %

1 m/s

AZ RU EN

Ana səhifə / YAP xəbərləri / Arifə Məhərrəmova: Pandemiya ilə mübarizədən qalib çıxmaq üçün vətəndaş məsuliyyəti və həmrəylik mütləqdir

Arifə Məhərrəmova: Pandemiya ilə mübarizədən qalib çıxmaq üçün vətəndaş məsuliyyəti və həmrəylik mütləqdir

11.08.2020 [09:22]

“Bu gün bütün dünyanı narahat edən və hər bir sahəyə öz təsirini göstərən “gözəgörünməz düşmən”lə mübarizə aparırıq. Azərbaycan Prezidenti cənab İlham Əliyevin, Birinci vitse-prezident Mehriban xanım Əliyevanın davamlı səyləri ilə ardıcıl surətdə davam etdirilən mübarizə çərçivəsində qabaqlayıcı tədbirlər görülür, müxtəlif sosial proqramlar həyata keçirilir”.
Bu fikirləri Yeni Azərbaycan Partiyası (YAP) Surxanı rayon təşkilatının Qadınlar Şurasının üzvü Arifə Məhərrəmova deyib.
A.Məhərrəmova bildirib ki, dövlətin diqqət və qayğısını yüksək qiymətləndirməli, “Biz birlikdə güclüyük” devizi ilə milli birlik və sosial məsuliyyət nümayiş etdirməliyik: “Pandemiya ilə mübarizədən qalib çıxmaq üçün vətəndaş məsuliyyəti və həmrəylik mütləqdir. Biz də öz məsuliyyətimizin fərqinə varmalı, dövlətimizə özümüzü və yaxınlarımızı qorumaqla dəstək olmalıyıq.Vətəndaşlarımız bilməlidir ki, virusa qalib gəlməyin yeganə yolu məsuliyyətli davranmaq, karantin qaydalarına riayət etməkdir. Qoruyucu vasitələrdən istifadə ilə, sosial məsafəni saxlamaqla bu mübarizəyə töhfə verə bilərik. Hər kəs dərk etməlidir ki, yumşalma tədbirlərinin məqsədi insanların normal həyat tərzinin müəyyən dərəcədə bərpa olunmasıdır”.
A.Məhərrəmovanın sözlərinə görə, Azərbaycan güclü dövlətdir və öz vətəndaşlarının bütün növ təhlükələrdən etibarlı müdafiəsini təşkil etmək üçün zəruri potensiala malikdir: “Dövlətimiz tərəfindən COVID-19-un geniş yayılmasının qarşısının alınması istiqamətində həyata keçirilən tədbirlər göstərir ki, xüsusilə vətəndaşın sağlamlığı və təhlükəsizliyi dövlətin diqqət mərkəzindədir. Azərbaycan hökuməti koronavirus pandemiyasının, həmçinin dünyada yaranmış sosial-iqtisadi böhran vəziyyətinin milli iqtisadiyyata, özəl sektora, o cümlədən əmək bazarına və əhalinin məşğulluğuna mənfi təsirlərinin azaldılması üçün bütün zəruri addımlar atır”.
“Avqustun 6-da koronavirus pandemiyası ilə mübarizə sahəsində görülən tədbirlər və sosial iqtisadi vəziyyət ilə bağlı videokonfrans formatında keçirilən müşavirədə Prezident İlham Əliyevin dövlət qurumları qarşısında qaldırdığı məsələlər və proqram xarakterli çıxışı ölkə vətəndaşlarının məsuliyyətini daha da artırır. İndi vətəndaş məsuliyyəti daha böyük önəm daşıyır. İnanırıq ki, həmrəyliyimizlə tezliklə bu çətin günlər geridə qalacaq və normal həyat tərzi bərpa olunacaq”, - deyə A.Məhərrəmova bildirib.

Paylaş:

Baxılıb: 703 dəfə