“Azərbaycan təhsilinin müasir dövrü: yeni çağırışlar və perspektivlər”

Bakı:

21 °C

83 %

0 m/s

Əlaqə

AZ RU EN

Ana səhifə / YAP xəbərləri / “Azərbaycan təhsilinin müasir dövrü: yeni çağırışlar və perspektivlər”

“Azərbaycan təhsilinin müasir dövrü: yeni çağırışlar və perspektivlər”

10.07.2021 [09:42]

İyulun 9-da Yeni Azərbaycan Partiyasının Gənclər Birliyi və Azərbaycan-Fransız Universitetinin (UFAZ) təşkilatçılığı ilə “Azərbaycan təhsilinin müasir dövrü: yeni çağırışlar və perspektivlər” mövzusunda görüş keçirilib.

Görüşdə YAP Gənclər Birliyinin sədri Bəxtiyar İslamov, Gənclər Birliyinin üzvləri və fəal gənclər iştirak ediblər.

Əvvəlcə qonaqları universitetin tədris binası və laboratoriyaları ilə tanış edən YAP İdarə Heyətinin üzvü, UFAZ-ın icraçı direktoru, dosent Vazeh Əsgərov bu təhsil ocağı barədə onlara ətraflı məlumat verib və bildirib ki, Azərbaycan Dövlət Neft və Sənaye Universiteti nəzdində fəaliyyət göstərən UFAZ Azərbaycan və Fransa prezidentlərinin birgə təşəbbüsü, səyi nəticəsində yaradılmış və müasir standartlara, elmi laboratoriyalara, yüksək keyfiyyətlərə malik təhsil ocağıdır.

Universitetin konfrans zalında davam edən tədbirdə Azərbaycanın ərazi bütövlüyünün təmin olunmasında şəhidlik zirvəsinə ucalan Vətən oğullarının xatirəsinin bir dəqiqəlik sükutla yad edilib. YAP İdarə Heyətinin üzvü, UFAZ-ın icraçı direktoru Vazeh Əsgərov XX əsrdə Azərbaycan təhsil sistemi haqqında, eləcə də ulu öndər Heydər Əliyevin ölkəmizə rəhbərliyinin birinci dövründə təhsil islahatları və elmin qabaqcıl texnologiyaları ilə inkişafı və nailiyyətlərin istehsalatda tətbiqi haqqında məlumat verib. Həmçinin ölkəmiz müstəqillik əldə etdikdən sonra təhsil sisteminin müasir tələblərə uyğun inkişaf etdirilməsi və ümumilli lider Heydər Əliyevin layiqli davamçısı ölkə Prezidenti İlham Əliyevin Ulu Öndərin təhsil siyasətinin uğurla davam etdirməsi vurğulanıb və son 18 il ölkədə ən müasir tələblərə cavab verən ali və orta təhsil müəssisələrinin yaradılması, insan kapitalına qoyulan sərmayənin uğurundan danışıb.

YAP Gənclər Birliyinin sədri Bəxtiyar İslamov görüşün yüksək səviyyədə təşkilinə, onlara tanışlıq üçün yaradılan gözəl şəraitə görə təşəkkürünü bildirib.

B.İslamov partiyanın gənclər siyasəti, təhsilin və innovasiyaların gənclərin həyatında rolu barədə fikirlərini bildirib. Qeyd edib ki, təşkilatın hədəflərindən biri də təkcə üzvlər deyil, partiya mənsubiyyəti olmayan və ya digər aktiv gənclərlə də sıx təhsilyönümlü əməkdaşlıq etməkdir.

Daha sonra görüşdə UFAZ-da qəbul qaydaları, təhsil prosesi, imtahanlar və təcrübə proqramları, məzunların karyera imkanları, habelə UFAZ-ın Azərbaycan-Fransa münasibətlərində rolu və yeri barədə ətraflı müzakirələr aparılıb və qonaqları maraqlandıran suallar cavablandırılıb.

Paylaş:

Baxılıb: 852 dəfə