YAP Mingəçevir şəhər təşkilatının X hesabat konfransı keçirilib

Bakı:

22 °C

43 %

5 m/s

Əlaqə

AZ RU EN

Ana səhifə / YAP xəbərləri / YAP Mingəçevir şəhər təşkilatının X hesabat konfransı keçirilib

YAP Mingəçevir şəhər təşkilatının X hesabat konfransı keçirilib

02.09.2021 [08:57]

Sentyabrın 1-də Yeni Azərbaycan Partiyası (YAP) Mingəçevir şəhər təşkilatının videoformatda X hesabat konfransı keçirilib.
Əvvəlcə Azərbaycan dövlətinin qurucusu, Yeni Azərbaycan Partiyasının yaradıcısı, Ulu Öndər Heydər Əliyevin və Azərbaycanın ərazi bütövlüyü uğrunda şəhid olan Vətən oğullarının əziz xatirəsi bir dəqiqəlik sükutla yad edilib.
Konfransın gündəliyi təsdiq edildikdən sonra YAP Mingəçevir şəhər təşkilatının sədri Cavanşir Yusubovun hesabat məruzəsi dinlənilib. Bildirib ki, ölkə Prezidenti, Müzəffər Ali Baş Komandan, partiyamızın Sədri cənab İlham Əliyevin rəhbərliyi ilə rəşadətli Ordumuz 44 günlük Vətən müharibəsində böyük şücaət, qəhrəmanlıq göstərdi və şanlı tariximizin əbədi Zəfər salnaməsini yazdı. Xalqımız hər zaman olduğu kimi, Vətən müharibəsinin ilk günündən Prezident İlham Əliyevin ətrafında müsəlləh əsgər, bir yumruq kimi birləşdi, səfərbər oldu.
Yeni reallıqlar fonunda keçirilən Yeni Azərbaycan Partiyasının VII Qurultayında qəbul olunan qərarların partiyanın qarşısında geniş imkanlar açdığını söyləyən C.Yusubov rəhbərlik etdiyi təşkilatın öz fəaliyyətini yeni tələblər əsasında qurmağa səy göstərdiyini bildirib .
C.Yusubov onu da əlavə edib ki, bu gün YAP Mingəçevir şəhər təşkilatının 7827 üzvü var. Onların 4728 nəfəri qadınlar, 2656 nəfəri isə gənclərdir.
Sonra YAP Mingəçevir şəhər təşkilatının Nəzarət-Təftiş Qrupunun sədri Yaqub Hüseynovun hesabat məruzəsi dinlənilib.
Müzakirələr zamanı Milli Məclis Sədrinin birinci müavini Əli Hüseynli, YAP Mingəçevir şəhər təşkilatı İdarə Heyətinin üzvləri - təşkilatın sədr müavini, Mingəçevir Şəhər İcra Hakimiyyətinin başçısı İlham İsmayılov və Milli Məclisin deputatı Aydın Mirzəzadə, YAP Mingəçevir şəhər təşkilatının sədr müavini, 33 saylı ərazi ilk partiya təşkilatının sədri Təhmasib Hüseynov, 5 saylı ərazi ilk partiya təşkilatının sədri, Mingəçevir Dövlət Universitetinin rektoru Şahin Bayramov, şəhər təşkilatının İdarə Heyətinin üzvü, Qadınlar Şurasının sədri Nurcamal Əsgərova hesabat dövrü ərzində görülən işlərdən bəhs ediblər.
Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, yarandığı gündən Yeni Azərbaycan Partiyasının əsas məqsəd və məramı Azərbaycanın dövlət müstəqilliyinin qorunub möhkəmləndirilməsindən, ərazi bütövlüyünün təmin edilməsindən, demokratik, hüquqi, dünyəvi cəmiyyət qurulmasından, əmin-amanlıq, ictimai-siyasi sabitlik, milli həmrəylik, güclü və sosialyönümlü iqtisadiyyat yaratmaqdan ibarət olub: “Partiyamız 29 ildə öz məqsədlərinə yüksək səviyyədə nail olmaq üçün ciddi səylər göstərib, qəbul etdiyi qərarları, irəli sürdüyü təşəbbüsləri, uğurlu layihələri ilə cəmiyyətdə nüfuzunu artırıb”.
Tarixi Zəfərimizin yaratdığı reallıqlardan, yeni mərhələdə partiyanın şəhər və rayon təşkilatlarının üzərinə düşən vəzifələrdən geniş bəhs edən Ə.Tağıyev YAP Mingəçevir şəhər təşkilatına gələcək fəaliyyətində uğurlar arzulayıb.
Konfransda YAP Mingəçevir şəhər təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 635 dəfə