YAP Quba rayon təşkilatının XI hesabat konfransı keçirilib

Bakı:

20 °C

83 %

0 m/s

Əlaqə

AZ RU EN

Ana səhifə / YAP xəbərləri / YAP Quba rayon təşkilatının XI hesabat konfransı keçirilib

YAP Quba rayon təşkilatının XI hesabat konfransı keçirilib

09.09.2021 [09:02]

Sentyabrın 8-də Yeni Azərbaycan Partiyası (YAP) Quba rayon təşkilatının videoformatda XI hesabat konfransı keçirilib.
Əvvəlcə Yeni Azərbaycan Partiyasının yaradıcısı, Ulu Öndər Heydər Əliyevin və Azərbaycanın ərazi bütövlüyü uğrunda şəhid olan Vətən oğullarının əziz xatirəsi bir dəqiqəlik sükutla yad edilib.
Konfransın gündəliyi təsdiq edildikdən sonra YAP Quba rayon təşkilatının sədri Yusif Abidovun hesabat məruzəsi dinlənilib. Bildirib ki, rayon təşkilatının X konfransından keçən 3 ildən artıq müddət ərzində ölkəmizin həyatında mühüm uğurlar əldə edilib, iqtisadi, sosial və digər sahələrdə əsaslı irəliləyişlər olub, Azərbaycanın dövlət müstəqilliyi daha da möhkəmlənib, beynəlxalq nüfuzu xeyli artıb. Yeni Azərbaycan Partiyasının sədri, Ulu Öndər Heydər Əliyev ideyalarının və Onun siyası kursunun qətiyyətli davamçısı, ölkə Prezidenti İlham Əliyevin çoxşaxəli səmərəli fəaliyyəti YAP-ın aparıcı mövqeyini daha da möhkəmləndirir.
Y.Abidov qeyd edib ki, Yeni Azərbaycan Partiyası Quba rayon təşkilatı 91 ərazi ilk partiya təşkilatında 9040 üzvü birləşdirir. Onların 3678 nəfəri qadın, 1307 nəfəri isə gəncdir. X konfransdan ötən dövr ərzində rayon təşkilatının sıralarına 3077 nəfər üzv qəbul edilib.
Sonra YAP Quba rayon təşkilatının Nəzarət-Təftiş Qrupunun sədri Cəlal Qəribovun hesabat məruzəsi dinlənilib.
Müzakirələr zamanı Quba Rayon İcra Hakimiyyətinin başçısı Ziyəddin Əliyev, Milli Məclisin deputatı Vahid Əhmədov, YAP Quba rayon təşkilatının Şura üzvləri - Elza Orucova və Habil Bayramlı, rayon təşkilatının Qadınlar Şurasının sədri Aysel Şeydayeva hesabat dövrü ərzində görülən işlərdən bəhs ediblər.
Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, Yeni Azərbaycan Partiyasının qurultaylarında qəbul edilən tarixi qərarlar ölkəmizin ictimai-siyasi həyatına yeniliklər gətirib, gələcək inkişaf perspektivlərinin müəyyənləşdirilməsi baxımından mühüm rol oynayıb. Vurğulayıb ki, VII Qurultayda qəbul olunan qərarlar, dövlət başçısı və partiyamızın Sədri cənab İlham Əliyevin nitqində qarşıya qoyulan vəzifələr göstərir ki, hər zaman siyasi proseslərin önündə olan Yeni Azərbaycan Partiyası 30 illik yubileyinə daha fəal, yeni keyfiyyətdə qədəm qoyur və fəaliyyətini yeni tələblərə uyğun quraraq bundan sonra da qarşısında dayanan vəzifələrin öhdəsindən layiqincə gələcək.
Ölkə Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun 44 günlük Vətən müharibəsində yazdığı yeni tarixdən geniş bəhs edən Ə.Tağıyev YAP Quba rayon təşkilatının gələcək fəaliyyətinə uğurlar arzulayıb.
Konfransda YAP Quba rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 651 dəfə