Azərbaycan beynəlxalq nəqliyyat dəhlizlərinin inkişafında mühüm rol oynayır

Bakı:

16 °C

88 %

0 m/s

Əlaqə

AZ RU EN

Ana səhifə / YAP xəbərləri / Azərbaycan beynəlxalq nəqliyyat dəhlizlərinin inkişafında mühüm rol oynayır

Azərbaycan beynəlxalq nəqliyyat dəhlizlərinin inkişafında mühüm rol oynayır

04.07.2022 [10:11]

Şərq-Qərb və Şimal-Cənub beynəlxalq nəqliyyat dəhlizlərinin inkişafında mühüm rol oynayan Azərbaycan artıq Avrasiyanın mühüm nəqliyyat və logistika mərkəzlərindən birinə çevrilib. Əlverişli coğrafi mövqeyə, zəngin təbii sərvətlərə və enerji ehtiyatlarına malik ölkəmiz Xəzəryanı dövlətlərin transxəzər beynəlxalq nəqliyyat marşrutunun, potensialının, infrastrukturunun inkişafına, dövlələr arasında əməkdaşlığa mühüm töhfələrini əsirgəmir.

Bu fikirləri açıqlamasında YAP Gəncə şəhər təşkilatının sədri Ramil Orucov bildirib.

Ramil Orucov qeyd edib ki, Aşqabadda keçirilmiş Xəzəryanı Dövlətlərin Dövlət Başçılarının VI Zirvə Toplantısında çıxışı zamanı bir çox vacib məsələlərə toxunan ölkəmizin Prezidenti cənab İlham Əliyev Azərbaycanın mövcud imkan və potensialından söz açaraq Azərbaycanın "Şərq-Qərb" və "Şimal-Cənub" Beynəlxalq Nəqliyyat Dəhlizlərinin inkişafında mühüm rol oynadığını, Trans-Xəzər Beynəlxalq Nəqliyyat Marşrutunun səmərəli istifadəsinə səy göstərdiyini xüsusi ilə qeyd edib.

Ramil Orucov diqqətə çatdırıb ki, Avrasiyanı birləşdirən "Şərq-Qərb" və "Şimal-Cənub" marşrutu Xəzəryanı dövlətlərin nəqliyyat potensialından maksimum dərəcədə istifadə etməyə imkan verəcək. Eyni zamanda Xəzəryanı ölkələr arasında dostluq və mehriban qonşuluq münasibətləri, o cümlədən BMT, ATƏT, İslam Əməkdaşlığı Təşkilatı, Türk Dövlətləri Təşkilatı, MDB və İƏT çərçivəsində ikitərəfli və çoxtərəfli əməkdaşlıq dənizində sabitliyin və təhlükəsizliyin mühüm amillərindəndir.

Azərbaycanın Şərqdən Qərbə və Şimaldan Cənuba uzanan çox mühüm beynəlxalq nəqliyyat-kommunikasiya dəhlizlərinin kəsişməsində yerləşməsi, Azərbaycanın əsrlərboyu dünya birliyinin diqqət mərkəzində olub. 2005-ci il iyulun 24-27-də Tehran şəhərində və 2005-ci il fevralın 9-da Bakıda "Şimal-Cənub" nəqliyyat dəhlizinin tikintisi, gələcək istismarı, beynəlxalq konsorsiumun yaradılması və maliyyələşdirilməsi üsulları, hər bir tərəfin tikintidə payı, qoyulacaq əsaslı vəsaitin qaytarılması yolları və digər məsələlər müzakirə edilib, razılığa gəlinib. Bu illər ərzində Xəzər dənizi bizim regionun xalqlarının rifahının yüksəldilməsinə yönəlmiş bir çox beynəlxalq və regional layihələrin mühüm tərkib hissəsinə çevrilib, Xəzəryanı dövlətlər arasında bağlanmış ikitərəfli və çoxtərəfli müqavilələr Xəzər dənizi regionunun inkişaf etmiş infrastruktura malik iri beynəlxalq nəqliyyat qovşağına güclü təməl hazırlayıb.

“Ulu Öndər Heydər Əliyevin, dahi şəxsiyyətin layiqli davamçısı cənab İlham Əliyevin düşünülmüş siyasətin nəticəsində Azərbayca açıq dənizlərə çıxışı olmayan bir ölkədən beynəlxalq nəqliyyat mərkəzlərindən birinə çevrilib. Şərq-Qərb və Şimal-Cənub marşrutları üzrə Azərbaycan ərazisindən keçən yükdaşımalar hər il artması, Xəzərdə nəqliyyat-logistika infrastrukturunun inkişafı işinə Azərbaycanın daha bir mühüm töhfəsidir”- deyə Ramil Orucov qeyd edib.

Paylaş:

Baxılıb: 677 dəfə