ATƏT PA-da 5 baza prinsipi səsləndirilib

Bakı:

27 °C

58 %

7 m/s

Əlaqə

AZ RU EN

Ana səhifə / Xəbər lenti / ATƏT PA-da 5 baza prinsipi səsləndirilib

ATƏT PA-da 5 baza prinsipi səsləndirilib

05.04.2022 [10:18]

Deputat: Qurum Azərbaycanın sülh gündəliyini dəstəkləməlidir

Milli Məclisin ATƏT PA-da nümayəndə heyətinin rəhbəri Azay Quliyev aprelin 2-dən 5-nə kimi Danimarkada səfərdə olub. Qeyd edək ki, o, həm də bu qurumun vitse-prezidenti və büro üzvüdür. Deputat səfər çərçivəsində ATƏT PA-nın Büro iclasında da iştirak edib. İclasda qurumun məsul şəxslərinin məruzələri dinlənilib, ictimai-siyasi vəziyyət müzakirə olunub.

Toplantıda məruzə ilə çıxış edən Azay Quliyev “Yeni Azərbaycan”a açıqlamasında bildirib ki, tədbir gözləntilər baxımından ümumi mənada pozitiv keçib: “Burada əsasən üç məsələ müzakirə olundu. Onlardan biri Ukraynadakı vəziyyətlə əlaqədar olaraq ATƏT PA-nın mövqeyi və qəbul edəcəyi qərarlarla bağlı idi. İclasda Ukraynadakı humanitar vəziyyət və dinc əhalinin öldürülməsi müzakirə olundu. Müxtəlif istiqamətlərdə fikirlər səsləndirildi. Öz çıxışımda bildirdim ki, Azərbaycan hər zaman proseslərin sülh yolu ilə həllinin tərəfdarı olub. Eləcə də ölkəmizin Ukraynaya humanizm prinsiplərinə əsaslanan yardımını diqqətə çatdırdım.

Burada təhlükəsizliklə bağlı müzakirələr də aparıldı. Bu müzakirələrdə Ermənistana sülh müqaviləsinin bağlanması məqsədilə təklif edilən “5 baza prinsipi” məsələsini səsləndirdim. Əsas prinsipləri sadaladım və bildirdim ki, Azərbaycan hər iki ölkənin ərazi bütövlüyünün qarşılıqlı şəkildə dəstəklənməsinin, suverenliyinin və sərhədlərin toxunulmaması əsasında müqavilə imzalamağa hazırdır. Eyni zamanda, Azərbaycan BMT nizamnaməsinə, Helsinki yekun aktına istinad edərək ölkələrin bir-birinə qarşı ərazi iddialarından vaz keçmələrinin və bunu rəsmi şəkildə bəyan etmələrinin tərəfdarıdır”.

Deputat qeyd edib ki, prosesdə ATƏT PA müsbət rol oynamalı və Azərbaycanın sülh gündəliyini dəstəkləməlidir: “Belə məqamda Dağlıq Qarabağ ifadəsindən qaçılmalıdır. Köhnə normativlərə istinad etmək olmaz. Aprelin 6-da Brüsseldə keçirilməsi planlaşdırılan Azərbaycan və Ermənistan rəhbərlərinin görüşü haqqında Avropada praqmatik fikirlər söylənilir. Qeyd edim ki, artıq rəsmi təşkilatlar Azərbaycanın haqq işinə anlayışlı yanaşır və sülh quruculuq prosesindən çıxış edən ölkə kimi hörmətlə qarşılanır.

İclasda xüsusi nümayəndə kimi Balkanlarda gedən ciddi prosesləri də diqqətə çatdırdım. Gələn ay Albaniya, Monteneqro və Şimali Makedoniyaya səfər edəcəyəm. Səfərim zamanı müəyyən təkliflər səsləndirəcəyəm, o təkliflərdən biri də Balkan ölkələri də daxil olmaqla Cənub Şərqi Avropa ölkələrinin parlament platformasını yaratmaqdır. Əsas məqsəd parlamentlərarası prosesləri təşviq etmək, təhlükəsizlik məsələlərinin təmin olunmasına öz töhfəmizi verməkdir. Çünki Balkanları hər hansı üçüncü qüvvənin təsirinə məruz qoymaq olmaz. Balkan ölkələrinin strateji seçimi Avropaya inteqrasiya yoludur və buna hörmətlə yanaşılmalıdır”.

Günel ABBAS

Paylaş:

Baxılıb: 680 dəfə