3 ildə 160 mindən çox şəxs...

Bakı:

12 °C

47 %

6 m/s

Əlaqə

AZ RU EN

Ana səhifə / Xəbər lenti / 3 ildə 160 mindən çox şəxs...

3 ildə 160 mindən çox şəxs...

11.06.2022 [20:11]

Son 3 ildə 160 mindən çox şəxsə, postmüharibə dövründə
3 min qaziyə əlillik təyin edilib

Nicat PAŞA

Prezident İlham Əliyevin göstərişinə uyğun olaraq ölkəmizdə vətəndaşların sosial təminatının yaxşılaşdırılması, əhalinin həssas təbəqəsinin bütün lazımi diqqət və qayğı ilə əhatə olunması hər zaman prioritet məsələlər sırasında dayanmaqdadır. Bütün aidiyyatı qurum və təşkilatlar vətəndaşlarla ən rahat, müasir üsullar ilə işin təşkili istiqamətində zəruri addımlar atırlar, eyni zamanda xidmət sahələrinin daha da təkmilləşdirilməsi üçün yeni-yeni layihələr üzərində işləyirlər.
Ölkəmizdə müharibə iştirakçılarına, qazilərə və ümumilikdə əhalinin bütün kateqoriyalarına xüsusi diqqət və qayğı göstərilir. Dövlətimizin başçısı dəfələrlə öz çıxışlarında dövlət siyasətinin mərkəzində Azərbaycan vətəndaşının dayandığını diqqətə çatdırıb. Həyata keçirilən bütün tədbirlər də deyilənləri bir daha təsdiq edir.

Yeri gəlmişkən, ötən gün hərbçilərin əlilliyinin qiymətləndirilməsi və reabilitasiyası işlərinə, əlillik sahəsində
tətbiq olunacaq yeni meyarlara dair mətbuat konfransı olub. Belə ki, Vətən müharibəsində yaralanmış hərbçilərin əlilliyinin qiymətləndirilməsi, reabilitasiya xidmətləri və vasitələri ilə təminatı, əlillik sahəsində tətbiq olunacaq yeni meyarlara dair mətbuat konfransı keçirilib.

Tədbirdə Dövlət Tibbi-Sosial Ekspertiza və Reabilitasiya Agentliyinin sədri Anar Bayramov qeyd edilən istiqamətlərdə görülmüş işləri diqqətə çatdırıb.

Son 3 ildə 160 mindən çox şəxsə, postmüharibə dövründə
3 min qaziyə əlillik təyin edilib

Bildirilib ki, müharibədən sonra aidiyyəti qurumların nümayəndələrindən ibarət Komissiya müharibədə yaralanmış qazilərin əlilliyinin qiymətləndirilməsi üçün operativ sənədləşdirmə işlərini yerinə yetirib. Konfransda o da diqqətə çatdırılıb ki, yekun mərhələ kimi, Agentlik müalicə müddəti başa çatmış qazilərin əyani müayinələr əsasında əlilliyinin qiymətləndirilməsini aparıb, artıq 3 min qaziyə əlillik və sosial ödənişlər təyin olunub: "Ümumilikdə son 3 ildə 160 mindən çox əlillik təyinatı həyata keçirilib. 2021-ci il və cari il ərzində 91 min şəxsə əlillik təyin edilib. Təkcə bu ilin 5 ayında əvvəlki illərin müvafiq dövrləri ilə müqayisədə 2-3 dəfə çox - 30 min şəxsə əlillik təyin edilib".

2500 qazi xidmətlərdən yararlanıb

Qazilərin keyfiyyətli reabilitasiya xidmətləri ilə təminatında Nazirliyin son illərdə müasir tələblərə uyğun qurularaq təchiz olunmuş 12 reabilitasiya müəssisəsi bu sahədə mühüm potensial rolunu oynayır: "Mərkəzlərdə postmüharibə dövründə 2500 qaziyə səmərəli reabilitasiya və sosial-psixoloji xidmətlər göstərilib".

"44 günlük Vətən müharibəsində yaralanaraq əzalarını itirmiş 200 qazinin, ümumilikdə 300 müharibə əlilinin yüksək texnologiyalı son nəsil protezlərlə təminatı proqramı uğurla icra olunub".

Mətbuat konfransında postmüharibə dövründə 1400-dən çox müharibə əlilinin 19,3 mindən çox reabilitasiya vasitəsi ilə təmin olunduğu da diqqətə çatdırılıb.

2022-ci il iyulun 1-dən ölkəmizdə əlillik sahəsində tətbiq olunacaq yeni meyarlardan da bəhs olunub. Qeyd edilib ki, yeni meyarlara əsasən, əlillik artıq 3 dərəcə üzrə məhdud çərçivədə deyil, orqanizmin funksiyalarının itirilməsi faizinin müəyyən edilməsi əsasında, daha əhatəli şəkildə qiymətləndiriləcək. Bu zaman şəxsin özünəqulluq, sərbəst hərəkətetmə, istiqamət seçmə, ünsiyyət, davranışına nəzarət etmə, öyrənmə və əmək fəaliyyəti üzrə insanın həyat fəaliyyətinin 7 əsas kateqoriyasının məhdudlaşma dərəcəsi əsas götürüləcək.

Sonra A.Bayramov jurnalistlərin suallarını cavablandırıb.

Paylaş:

Baxılıb: 629 dəfə