Dağıstandakı hadisələrin Qərb “bağlantılar”ı

Bakı:

24 °C

61 %

4 m/s

Əlaqə

AZ RU EN

Ana səhifə / Xəbər lenti / Dağıstandakı hadisələrin Qərb “bağlantılar”ı

Dağıstandakı hadisələrin Qərb “bağlantılar”ı

02.11.2023 [10:57]

Müharibə Rusiyanın daxilinə daşınır

Günel ABBAS

Bir neçə gün əvvəl Mahaçqala hava limanına yerli sakinlərdən ibarət böyük izdiham hücum edərək, yəhudilərin respublika ərazisindən çıxarılmasını tələb edib. Qarşıdurmalar polislərin xəsarət alması, hücumçuların həbs olunması Mahaçqala hava limanının fəaliyyətini müvəqqəti olaraq dayandırması ilə nəticələnib.

Rəsmilər Mahaçqala hava limanında baş verən hadisələri əsasən kənar müdaxilələrin, o cümlədən informasiya təsirinin nəticəsi kimi səciyyələndiriblər.

Ötən günlərdə Rusiya prezidenti də Dağıstanda baş verən iğtişaşlara münasibət bildirib. V.Putin bu hadisələrdə Ukrayna və Qərbi ittiham edib. O qeyd edib ki, Dağıstanda iğtişaşı törədənlər Qərb kəşfiyyat xidmətləri vasitəsilə Ukraynadan sosial şəbəkələr vasitəsilə ilhamlanıblar. Onun sözlərinə görə, Kiyev Qərb himayədarlarının rəhbərliyi altında Rusiyada talanlar təşkil etməyə çalışır.

Politoloq İlyas Hüseynov “Yeni Azərbaycan”a açıqlamasında bildirib ki, yaxın Şərqdə baş verən proseslər bir sıra geosiyasi mərkəzlərin də diqqətindədir: “Bir sıra mərkəzlər buradan öz məqsədləri üçün istifadə etməyə çalışırlar. Ümumiyyətlə, Amerika Birləşmiş Ştatlarında demokratların dövründə bu müharibələr və təhlükəsizlik sisteminin təhdid altında olması hallarının geniş vüsət almasınının şahidi oluruq. Rusiya - Ukrayna müharibəsi ilə yanaşı, bu gün yaxın Şərqdə çox ciddi fəlakət və böhran yaşanır. Belə görünür ki, müharibənin uzun müddətə hesablanması səbəbindən çox yaxın zaman kəsiyində bu münaqişəni sonlandırmaq, sülhə nail olmaq reallaşmayacaq. Çünki İsrail rəsmilərinin dediyinə görə, onlar elə bir vəziyyət yaratmağa çalışırlar ki, təhlükəsizlik sistemi formalaşdırılsın və bir daha bu hadisəni yarada biləcək əsaslar olmasın.

Digər tərəfdən, biz görürük ki, Dağıstanda da iğtişaşlar baş verdi. Rusiya lideri oktyabrın 29-da baş verən hadisələrdə Ukrayna və Qərbi ittiham etdi. Əlbəttə, Vladimir Putində bu xüsusda müəyyən məlumatlar var ki, açıq-aşkar şəkildə ittiham dilində danışır. Qərb çalışır ki, Rusiyanın daxilində iqtisadi, ideoloji, siyasi gərginlik formalaşdırsın və müharibəni Rusiyanın içərilərinə daşıya bilsin. Rusiyanın daxilində geniş narazılıqlar formalaşsın. Məhz müsəlmanların çox olduğu bölgələrdə bu cür hadisələrin baş verməsi də buna bir nümunədir. Bu, dini, mənəvi, ideoloji əsaslar kontekstində aparılan siyasətin tərkib hissəsidir. Çox geniş şəkildə bu texnologiyalar hazırda istifadə olunmaqdadır. Rusiya prezidenti, eləcə də təhlükəsizlik qüvvələri belə halların qarşısını almaq üçün çox ciddi mübarizə aparmaqdadırlar. Çalışırlar ki, hansısa formada yaxın Şərqdə olan müharibənin qığılcımları Rusiya ərazisinə keçməsin”.

Paylaş:

Baxılıb: 602 dəfə