Vamiq Məmmədəliyev: Qalib xalq kimi öz qalib Liderini seçmək qürurverici haldır

Bakı:

27 °C

46 %

4 m/s

Əlaqə

AZ RU EN

Ana səhifə / Xəbər lenti / Vamiq Məmmədəliyev: Qalib xalq kimi öz qalib Liderini seçmək qürurverici haldır

Vamiq Məmmədəliyev: Qalib xalq kimi öz qalib Liderini seçmək qürurverici haldır

25.01.2024 [10:30]

“Ötən əsrin sonlarında doğma Azərbaycanımızın başına gətirilmiş müsibətlərin, dilbər guşəmiz, mədəniyyət beşiyimiz Qarabağımızın işğalının canlı şahidi, bütün bu ağrı-acını illərlə qəlbində yaşamış insan kimi 2020-ci ildə 44 günlük Vətən müharibəsi ilə qazandığımız möhtəşəm zəfər mənim üçün sonsuz qürur və yaşam mənbəyi oldu. Mən onda da deyirdim və hər zaman təkrar edirdim ki, tələsmək olmaz, hər şeyin bir vaxtı və zamanı var. Tarix göstərdi ki, həqiqətən də yanılmamışıq. 2023-cü ilin sentyabrında antiterror əməliyyatları nəticəsində Xankəndimiz və işğalda olan digər torpaqlarımız da azadlığına qovuşdu və bu gün biz ərazi bütövlüyünü təmin etmiş qəhrəman xalqın nümayəndəsi kimi nəhayətsiz fəxr hissi ilə ilk dəfə ölkəmizin bütün bölgələrində keçiriləcək prezident seçkilərinə hazırlaşırıq. Qalib xalq kimi öz qalib Liderini seçmək qürurverici haldır”.

Bu fikirləri Xalq artisti, professor Vamiq Məmmədəliyev deyib. O qeyd edib ki, bu qələbə sevinci, zəfər qüruru Ali Baş Komandan cənab İlham Əliyevin düşünülmüş, uzaqgörən və cəsarətli siyasətinin nəticəsidir:

“Cənab İlham Əliyev xalqımızı çoxillik ağrı-acıdan, Vətən həsrətindən xilas etdi, bir milyondan artıq məcburi köçkünü öz doğma yurd-yuvalarına qaytardı. Bu, müasir dünyamızda görünməyən bir hadisə idi. Azərbaycan tarixinin son 200 ildən artıq zamanında isə belə bir qələbə yaşanmamışdı”.

Xalq artisti Azərbaycan mədəniyyətinin, incəsənətinin bugünkü inkişaf tempindən də danışaraq bildirib ki, Prezident İlham Əliyevin mədəniyyət və incəsənət xadimlərinə göstərdiyi böyük qayğı və diqqət, fəxri adların, fərdi təqaüdlərin və mükafatların verilməsi, habelə, mənzil şəraitinin yaxşılaşdırılması kimi məramı mədəniyyət xadimləri üçün yaşamaq və yaratmaq stimuludur: “Ömrümü, illərimi keşiyində dayandığınız muğam sənətinin inkişafına həsr edən sənətkar kimi daim Prezident İlham Əliyevin bu sahəyə olan diqqət və qayğısını hiss etmişəm. Məhz bu qayğının nəticəsində Azərbaycan mədəniyyəti özünün ən böyük inkişaf dövrünü yaşayır, bütün dünyada tanınır”.

“Bütün bunlara görə, biz Ali Baş Komandan İlham Əliyevə minnətdarıq. Yaxın günlərdə baş tutacaq prezident seçkilərində, şübhəsiz, cənab İlham Əliyevə dəstək olacağıq. Xalqımızı da Azərbaycanı bütün sahələrdə davamlı inkişafa aparan vahid Liderimiz İlham Əliyevə səs verməyə çağırıram”,-deyə Xalq artisti V.Məmmədəliyev əlavə edib.

Şahanə MÜŞFİQ

Paylaş:

Baxılıb: 529 dəfə