Ermənistanın “uğuru”na sevinən Kərimli...

Bakı:

12 °C

87 %

8 m/s

Əlaqə

AZ RU EN

Ana səhifə / Xəbər lenti / Ermənistanın “uğuru”na sevinən Kərimli...

Ermənistanın “uğuru”na sevinən Kərimli...

07.04.2024 [09:45]

AXCP sədri Əli Kərimli “adı var, özü yox” durumda olan patiyasının acınacaqlı vəziyyətindən qayğılanmaq və bundan xəcalət çəkmək əvəzinə, sosial şəbəkə hesabında, eləcə də ayrı-ayrı auditoriyası məhdud olan internet televiziya kanallarında, necə deyərlər, atını dörd nalla çapır. O elə hey əsası olmayan cəfəngiyyatlar danışır və daha çox da Azərbaycanın milli maraqlarını hədəfə alır, yalanlarla ölkəmizin imicinə xələl gətirməyə çalışır, düşmən dəyirmanına su tökür. Təbii ki, o bunları özbaşına etmir. Artıq hər kəsə bəllidir ki, redikül cameədə yer alanların bir çoxu kimi, Əli Kərimli də Qərbdəki Azərbaycanofob dairələrlə sıx bağlıdır və onlarla koordinasiyalı şəkildə çabalamalar ortaya qoyur. Aldığı tezisləri öz adından səsləndirmək və yaxud paylaşmaq onun bağlı olduğu dairələr qarşısında götürdüyü öhdəlikdir.

Belə görünür ki, indi AXCP sədrinə “Azərbaycandakı rəngarəng siyasi konfiqurasiyanı qaralamaq, demokratik mühitə kölgə salmaq” tapşırığı verilib. Və o da ləbbey deyərək yenidən demokrat cildinə bürünüb. Son günlərdə ölkəmizin siyasi gündəliyində müzakirə olunan mövzulardan biri ABŞ-ın Dövlət katibi Antoni Blinkenin 5 aprel görüşü ərəfəsində Azərbaycan Prezidenti İlham Əliyevə telefon açmasıdır. Bu, əslində, ölkəmizin və onun Liderinin artan nüfuzunun təsdiqidir. Redikül müxalifətin təmsilçiləri, o cümlədən də Əli Kərimli isə telefon danışığında toxunulan bütün aktual məsələləri yaddan çıxararaq ABŞ rəsmisinin insan hüquqları məsələsinə diqqət çəkməsinə fokuslanırlar. Bu xüsusda, Azərtacın Prezidentin mətbuat xidmətilə müsahibəsində ətraflı bəhs olunub. Müsahibədə Prezidentin mətbuat xidməti etiraf edib ki, telefon danışığı zamanı həqiqətən də Azərbaycanda insan hüquqlarının vəziyyəti müzakirə olunub. Mətbuat xidmətinin açıqlamasından məlum olub ki, Blinkenin “əsassız həbs edilənlərin azad edilməsi” çağırışına İlham Əliyev cavab verib. Sitat: “Bu xüsusda, dövlətimizin başçısı Dövlət katibi Antoni Blinkenə Ermənistanda müxalifət nümayəndələrinin həbsi, hətta həbs müddətində ölüm hallarının olması, insan hüquqlarının pozulması hallarını xatırladıb və bu konteksdə Qərb ölkələrinin səssizliyinin başadüşülən olmadığını, bu kimi faktların məhz ikili standartların bariz nümunəsi olduğunu qeyd edib”.

Cavab Azərbaycan Prezidentinin dialoqa açıq olmasını və qətiyyətini ortaya qoyur. Əli Kərimli kimi partiya “liderləri” isə bunu ucuz təbliğat vasitəsinə çevirməyə çalışırlar. Ancaq Əli Kərimlinin belə özünütəbliğatı onun “qara piar”ından başqa bir şey deyil.

AXCP sədri qeyd etdiyimiz platformalarda “siyasi məhbus” mövzusunu qabardaraq özünü həbsə alınan jurnalistlərin canıyananı kimi göstərməyə çalışır, onların azadlığa buraxılmasını istəyir. Ona xatırlatmaq istərdik ki, hüquq prinsiplərinin pozulması heç bir halda “demokratiya təzahürü” kimi qəbul edilə bilməz. Bəlli jurnalistlərin həbsə alınmalarının səbəbləri açıqlanıb. Onlar o halda azadlığa buraxıla bilərlər ki, günahsız olduqlarını, cinayət törətmədiklərini isbatlasınlar. Burada Əli Kərimlinin sinəsini qabağa verməsi heç bir önəm daşımır.

Əli Kərimli iddia edir ki, Ermənistanda siyasi məhbus yoxdur. Bir anlığa bunun doğru olduğunu xəyali də olsa təsəvvür edək. Yenə də AXCP sədrinin sevincəkliyinin motivı başa düşülmür. Görəsən o, düşmən ölkənin “uğuru”nu hansı məntiqdən çıxış edərək alqışlayır?

MÜBARİZ

Paylaş:

Baxılıb: 545 dəfə