Qazaxda 15 İyun - Milli Qurtuluş Gününə həsr olunmuş tədbir keçirilib

Bakı:

27 °C

48 %

6 m/s

Əlaqə

AZ RU EN

Ana səhifə / Arxiv / Qazaxda 15 İyun - Milli Qurtuluş Gününə həsr olunmuş tədbir keçirilib

Qazaxda 15 İyun - Milli Qurtuluş Gününə həsr olunmuş tədbir keçirilib

11.06.2026 [18:05]

2026 - cı il “Şəhərsalma və Memarlıq İli” çərçivəsində 11 iyun 2026- cı il tarixdə Yeni Azərbaycan Partiyası Qazax rayon təşkilatı və Qazax Rayon İcra Hakimiyyətinin birgə təşkilatçılığı ilə 15 İyun - Milli Qurtuluş Gününə həsr olunmuş “Şanlı Dövlətçilik tariximizə qızıl hərflərlə yazılan gün” mövzusunda tədbir keçirilib.

Öncə tədbir iştirakçıları Ümummilli Lider Heydər Əliyevin büstü önünə gül dəstələri qoyub.

Tədbirdə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və ölkəmizin suverenliyi və ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Qazax rayon təşkilatının sədri Anar Nəbiyev 15 İyun - Milli Qurtuluş Günü münasibətilə tədbir iştirakçılarını təbrik edib. Rayon təşkilatının sədri Ümummilli Lider Heydər Əliyevin böyük xilaskarlıq missiyasından, Azərbaycan xalqı və dövləti qarşısındakı misilsiz xidmətlərindən, müstəqil Azərbaycanın xoş, firavan gələcəyi naminə həyata keçirdiyi möhtəşəm layihələrdən, Ulu Öndərin siyasi kursunun bu gün Möhtərəm Prezident İlham Əliyevin rəhbərliyi ilə uğurla davam etdirilməsindən geniş bəhs edib.

Qazax Rayon İcra Hakimiyyətinin (RİH) başçısı Rəcəb Babaşov bildirib ki, hər il böyük təntənə ilə qeyd olunan 15 iyun tarixi şanlı dövlətçilik tariximizə qızıl hərflərlə yazılmış bir gündür. Azərbaycan xalqının böyük çətinliklərlə bərpa etdiyi dövlət müstəqilliyinin xilası məhz həmin tarixdən başlanır. Ulu Öndər Heydər Əliyevin iyunun 15-də siyasi hakimiyyətə qayıdışı məhz Milli Qurtuluşumuzun təməlini qoymuşdur.

Bu gün müstəqil, suveren Azərbaycan Ümummilli Lider Heydər Əliyev siyasi kursunun layiqli davamçısı, Möhtərəm Prezident İlham Əliyevin uzaqgörən və düşünülmüş siyasəti nəticəsində sürətlə inkişaf edərək dünyada nüfuzlu, qüdrətli bir dövlətə çevrilib. Dahi Rəhbər Heydər Əliyevin ideyaları, onun istək və arzuları Möhtərəm Prezident İlham Əliyevin rəhbərliyi ilə uğurla həyata keçirilir, müstəqil, suveren Azərbaycan yeni-yeni nailiyyətlərə imza atır.

Tədbirdə Qazax Dövlət Sosial İqtisadi Kollecinin direktoru Gülnar Qəhrəmanova, şəhid atası Elxan Abdullayev, partiya veteranı Ramil Qurbanov, gənc partiya fəallarından Fəridə Xudiyeva, Nicat Göşşüyev çıxış edərək Ümummilli Lider Heydər Əliyevin şərəfli və mənalı ömür yolundan, misilsiz xidmətlərindən ətraflı bəhs ediblər. Natiqlər Ulu Öndərin əziz xatirəsinin heç zaman unudulmayacağını, müdrik xalqımızın qəlbində əbədi olaraq yaşayacağını bildiriblər.

Qazax şəhər Qaratel Hacımahmudova adına ümumi orta ümumtəhsil məktəbinin şagirdləri 15 iyun - Milli Qurtuluş Günü və Ümummilli Lider Heydər Əliyevə həsr olunmuş şeirlər söyləyiblər və müxtəlif ədəbi-bədii kompozisiyalarla çıxış ediblər.

Sonda Yubiley yaşı bu il tamam olan partiya veteranları YAP Qazax rayon təşkilatının Fəxri Fərman ilə təltif olunub, onlara hədiyyələr verilib. Partiya sıralarına yeni qəbul olunmuş gənclərə üzvlük vəsiqələri təqdim edilib.

Paylaş:

Baxılıb: 231 dəfə