1 Avqust – Azərbaycan əlifbası və Azərbaycan dili günü münasibətilə dəyirmi masa keçirilib

Bakı:

22 °C

64 %

3 m/s

Əlaqə

AZ RU EN

Ana səhifə / YAP xəbərləri / 1 Avqust – Azərbaycan əlifbası və Azərbaycan dili günü münasibətilə dəyirmi masa keçirilib

1 Avqust – Azərbaycan əlifbası və Azərbaycan dili günü münasibətilə dəyirmi masa keçirilib

31.07.2026 [12:04]

1 Avqust – Azərbaycan əlifbası və Azərbaycan dili günü münasibətilə Yeni Azərbaycan Partiyasının Tərtər rayon təşkilatı və Tərtər Rayon İcra Hakimiyyətinin birgə təşkilatçılığı ilə "Azərbaycan əlifbası və dili: keçmişdən gələcəyə uzanan milli dəyər" mövzusunda dəyirmi masa keçirilib.

Tədbir iştirakıları əvvəlcə Ümummilli Lider Heydər Əliyevin və Vətənimizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad ediblər.

Tədbiri giriş sözü ilə açan Tərtər Rayon İcra Hakimiyyəti başçısı aparatının İctimai-siyasi və humanitar məsələlər sektorunun müdiri Zabil Paşayev bildirib ki, Azərbaycan əlifbası və Azərbaycan dili günü Ümummilli Lider Heydər Əliyevin 9 avqust 2001-ci il tarixli Sərəncamına əsasən hər il 1 avqust tarixində qeyd olunur.

Ümummilli Lider Heydər Əliyevin müəyyənləşdirdiyi dil siyasəti bu gün Prezident İlham Əliyev tərəfindən uğurla davam etdirilir. Qeyd olunub ki, dövlət başçısının "Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında" 1 noyabr 2018-ci il tarixli Fərmanı ana dilimizin qorunması, dövlət idarələrində Azərbaycan dilindən düzgün istifadə olunması, ədəbi dil normalarına riayət edilməsi və milli-mənəvi dəyərlərimizin yaşadılması baxımından mühüm əhəmiyyət daşıyır. Bildirilib ki, Azərbaycan dili dövlət müstəqilliyimizin əsas rəmzlərindən biri olmaqla xalqımızın milli kimliyini və mənəvi dəyərlərini özündə yaşadır.

YAP Tərtər rayon təşkilatının sədr müavini Azər Ağayev isə çıxışında vurğulayıb ki, Azərbaycan əlifbasına latın qrafikasının tətbiqi və 1 Avqustun Azərbaycan əlifbası və Azərbaycan dili günü kimi təsis edilməsi Ulu Öndər Heydər Əliyevin milli-mənəvi dəyərlərimizin qorunmasına verdiyi böyük önəmin parlaq ifadəsidir. O bildirib ki, hər bir Azərbaycan vətəndaşı ana dilinin saflığını qorumağa, onu düzgün işlətməyə və gələcək nəsillərə olduğu kimi ötürməyə borcludur.

Sonra “ Yeni Tərtər” qəzetinin redaktoru Svetlana Bağırova, Tərtər Peşə Məktəbinin işçisi Bəhruz Həsənov, Uşaq-Gənclər İnkişaf Mərkəzinin müəllimi Elza Aslanova çıxış ediblər. Çıxışçılar Azərbaycan dilinin əsrlər boyu xalqımızın milli kimliyini yaşatdığını, dövlət dilinin nüfuzunun daha da yüksəldilməsi istiqamətində görülən işlərin əhəmiyyətini qeyd ediblər. Bildirilib ki, ana dilimizin qorunması hər bir Azərbaycan vətəndaşının mənəvi borcudur. Tədbirin sonunda bu sahədə maarifləndirmə tədbirlərinin davam etdirilməsinin vacibliyi vurğulanıb.

Paylaş:

Baxılıb: 345 dəfə