Azərbaycan-Almaniya münasibətlərində yeni səhifə

Bakı:

24 °C

64 %

14 m/s

Əlaqə

AZ RU EN

Ana səhifə / Arxiv / Azərbaycan-Almaniya münasibətlərində yeni səhifə

Azərbaycan-Almaniya münasibətlərində yeni səhifə

27.07.2026 [10:34]

Azərbaycan Respublikasının Prezidenti İlham Əliyevin Almaniya Federativ Respublikasına rəsmi səfəri Cənubi Qafqazın geosiyasi mənzərəsində və Bakı-Berlin- Avropa İttifaqı münasibətlərində keyfiyyətcə yeni hüquqi-strateji paradiqmanın əsasını qoydu. Berlin Bəyannaməsinin imzalanması və ali səviyyəli danışıqlar göstərir ki, Azərbaycan artıq regional çərçivələri aşaraq Avropanın enerji, logistika və təhlükəsizlik arxitekturasını müəyyən edən əvəzedilməz güc mərkəzi kimi qəbul olunur. Almaniyanın ölkəmizin ərazi bütövlüyünü və postmünaqişə dövrünün reallıqlarını beynəlxalq hüquq səviyyəsində bir daha təsbit etməsi Bakının yürütdüyü müstəqil, uzaqgörən və realizmə söykənən xarici siyasət kursunun növbəti böyük zəfəridir.

Prezident İlham Əliyevin rəhbərliyi ilə həyata keçirilən şaxələndirilmiş xarici iqtisadi siyasət nəticəsində Azərbaycan xam neft ixracı, Avropa İttifaqının 10 ölkəsinə çatdırılan təbii qaz tədarükü və gələcəkdə Avropaya inteqrasiya olunacaq “yaşıl və aşağıkarbonlu hidrogen” layihələri ilə Avropa İttifaqının enerji təhlükəsizliyinin ən etibarlı və artıq sənədləşdirilmiş strateji təminatçısına çevrilib.Bütün bunlar göstərir ki, Azərbaycan Respublikası artıq regional çərçivədən çıxaraq Avropanın təhlükəsizlik, enerji və logistika arxitekturasına birbaşa təsir göstərən, suveren hüquqlarını qətiyyətlə qoruyan və qlobal geosiyasi reallıqları müəyyən edən güc mərkəzidir.

Prezident İlham Əliyevin Berlin səfəri, bu ölkə Prezidenti və Federal Kansleri ilə ali səviyyədə təmaslar başda olmaqla, keçirdiyi görüşlər və əldə olunan tarixi nəticələr artan dövlət gücünün və strateji liderlik uzaqgörənliyinin növbəti parlaq təzahürüdür.Görüşün ən mühüm nəticələrindən biri iki ölkə arasında Strateji Tərəfdaşlıq Gündəliyi üzrə Birgə Bəyannamənin imzalanması oldu. Kansler Mers imzalanan iki birgə bəyannaməni əməkdaşlığın gələcək inkişafı yolunda mühüm addım kimi qiymətləndirib və kiçik-orta sahibkarlıq üçün əlverişli hüquqi-iqtisadi mühitin yaradılmasının vacibliyini vurğulayıb. Ştaynmayer Azərbaycanın Avropanın enerji təhlükəsizliyindəki roluna xüsusi diqqət ayırıb.

Berlin görüşü göstərir ki, Almaniya üçün Azərbaycan enerji təhlükəsizliyi, konnektivlik və regional sabitlik baxımından strateji tərəfdaşa çevrilib. Azərbaycan üçün bu görüş Qərblə əlaqələrin dərinləşdirilməsi, iqtisadi diversifikasiya və sülh prosesindəki roluna beynəlxalq dəstəyin artırılması deməkdir. Regional müstəvidə Azərbaycan-Ermənistan sülh prosesi artıq iqtisadi əməkdaşlıqla möhkəmləndirilən reallığa çevrilir. Prezident Əliyevin Kansler Mersi Azərbaycana səfərə dəvət etməsi isə bu tərəfdaşlığın davamlılığına işarə olan simvolik addım kimi qiymətləndirilə bilər.

Ağaverdi Əliverdiyev

YAP Qusar rayon təşkilatının əməkdaşı

Paylaş:

Baxılıb: 108 dəfə