Azərbaycan Qırğızıstan münasibətləri regional təhlükəsizliyə xidmət edir

Bakı:

30 °C

40 %

1 m/s

Əlaqə

AZ RU EN

Ana səhifə / Arxiv / Azərbaycan Qırğızıstan münasibətləri regional təhlükəsizliyə xidmət edir

Azərbaycan Qırğızıstan münasibətləri regional təhlükəsizliyə xidmət edir

03.08.2026 [18:45]

Azərbaycan Respublikasının Prezidenti cənab İlham Əliyevin 2026-cı il iyulun 31-də Qırğızıstan Respublikasına həyata keçirdiyi dövlət səfəri Azərbaycan–Qırğızıstan münasibətlərinin inkişafı baxımından mühüm siyasi hadisələrdən biri kimi qiymətləndirilir. Səfər çərçivəsində keçirilən yüksək səviyyəli görüşlər və mətbuata verilən bəyanatlar iki qardaş ölkə arasında mövcud olan strateji tərəfdaşlığın daha da möhkəmləndirilməsinə xidmət edir.

Cənab Prezident mətbuata bəyanatında Azərbaycan və Qırğızıstan xalqları arasında mövcud olan ortaq tarixi, mədəni və mənəvi dəyərlərin dövlətlərarası münasibətlərin əsasını təşkil etdiyini vurğulamışdır. Dövlət başçısı qeyd etmişdir ki, qarşılıqlı etimad və dostluq prinsipləri üzərində qurulan əməkdaşlıq son illərdə daha da genişlənmiş, siyasi dialoq, iqtisadi əlaqələr, nəqliyyat, logistika, investisiya, humanitar və təhsil sahələrində mühüm nəticələr əldə olunmuşdur.

Bəyanatda Türk Dövlətləri Təşkilatı çərçivəsində əməkdaşlığın əhəmiyyəti də xüsusi qeyd edilmişdir. Cənab İlham Əliyev türk dünyasının həmrəyliyinin gücləndirilməsinin regionda sülhün, sabitliyin və davamlı inkişafın təmin olunmasına mühüm töhfə verdiyini bildirmişdir. Azərbaycanın Türk Dövlətləri Təşkilatının fəaliyyətinə verdiyi dəstək və bu platformada irəli sürdüyü təşəbbüslərin üzv dövlətlər arasında əməkdaşlığın daha da dərinləşməsinə xidmət etdiyi vurğulanmışdır.

Dövlət başçısı iqtisadi əməkdaşlığın genişləndirilməsinin vacibliyinə toxunaraq, qarşılıqlı investisiyaların artırılması, nəqliyyat-kommunikasiya layihələrinin inkişaf etdirilməsi və Orta Dəhlizin imkanlarından daha səmərəli istifadə olunmasının hər iki ölkənin iqtisadi maraqlarına cavab verdiyini qeyd etmişdir. Azərbaycanın həyata keçirdiyi irimiqyaslı infrastruktur layihələrinin regionun tranzit potensialını artırdığı və Qırğızıstan üçün də yeni imkanlar yaratdığı diqqətə çatdırılmışdır.

Möhtərəm Prezident çıxışında Azərbaycanın beynəlxalq hüququn norma və prinsiplərinə əsaslanan xarici siyasət kursunu davam etdirdiyini, qarşılıqlı hörmət, suverenlik və ərazi bütövlüyü prinsiplərinin dövlətlərarası münasibətlərdə əsas amillər olduğunu bildirmişdir. Bu yanaşmanın Azərbaycan–Qırğızıstan münasibətlərinin inkişafında da mühüm rol oynadığı qeyd edilmişdir.

Mətbuata verilən bəyanat göstərir ki, Azərbaycan və Qırğızıstan arasında əlaqələr yalnız ikitərəfli əməkdaşlıqla məhdudlaşmır, eyni zamanda türk dünyasının inteqrasiyasına, regional təhlükəsizliyin möhkəmləndirilməsinə və iqtisadi əməkdaşlığın genişləndirilməsinə xidmət edir. Dövlət başçılarının siyasi iradəsi sayəsində iki ölkə arasında münasibətlərin gələcək illərdə daha da inkişaf edəcəyi, yeni birgə layihələrin həyata keçiriləcəyi və strateji tərəfdaşlığın daha da möhkəmlənəcəyi gözlənilir.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 168 dəfə