Uzaqgörən və məqsədyönlü siyasi strategiya

Bakı:

26 °C

65 %

8 m/s

Əlaqə

AZ RU EN

Ana səhifə / Arxiv / Uzaqgörən və məqsədyönlü siyasi strategiya

Uzaqgörən və məqsədyönlü siyasi strategiya

11.09.2026 [17:34]

Sentyabrın 11-də Yeni Azərbaycan Partiyası (YAP) Göyçay rayon təşkilatının X konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

YAP Göyçay rayon təşkilatının sədri Sahib Şükürov hesabat məruzəsi ilə çıxış edib. Qeyd olunub ki, təşkilat hesabat dövründə fəaliyyətini qarşıya qoyulmuş vəzifələrə uyğun qurub, rayonun ictimai-siyasi həyatında fəal iştirak edib. Vurğulanıb ki, partiya üzvlərinin ictimai fəallığının artırılması və ideoloji prinsiplərin təbliği istiqamətində ardıcıl iş aparılıb.

Göyçay Rayon İcra Hakimiyyətinin başçısı Orxan Mürsəlov çıxışında Yeni Azərbaycan Partiyasının ölkənin ictimai-siyasi həyatında aparıcı rolundan danışıb, partiyanın cəmiyyətin müxtəlif təbəqələrini vahid məqsədlər ətrafında birləşdirən siyasi qüvvə olduğunu vurğulayıb. O, həmçinin Prezident, Yeni Azərbaycan Partiyasının Sədri cənab İlham Əliyevin rəhbərliyi ilə ölkəmizin bütün bölgələrində, o cümlədən Göyçay rayonunda həyata keçirilən abadlıq-quruculuq işlərindən danışıb.

YAP Veteranlar Şurasının üzvü Nazim İsmayılov partiyanın keçdiyi şərəfli yol, veteranların ictimai-siyasi proseslərdə rolu və gənc nəslin dövlətçilik ənənələrinə bağlı ruhda formalaşmasının əhəmiyyəti barədə fikirlərini bölüşüb.

Partiya fəalı, Göyçay şəhər 4 saylı tam orta məktəbin müəllimi Firəngiz Məmmədyarova, Göyçay Dövlət İdarəetmə və Texnologiya Kolleci ərazi partiya təşkilatının sədri Səbinə Qurbanova və Qaraməryəm kənd bələdiyyəsinin sədri Süleyman Səfərov partiyanın fəaliyyətinin müxtəlif istiqamətlərinə toxunaraq, ərazi partiya təşkilatlarının işinin səmərəli qurulması, üzvlərin ictimai fəallığının artırılmasının əhəmiyyətini diqqətə çatdırıblar.

YAP Mərkəzi Aparatının Təşkilat şöbəsinin baş məsləhətçisi Fəsli Nəbiyev partiyanın 2021-ci il martın 5-də keçirilən VII qurultayından sonra qarşıya qoyulan vəzifələrdən, əsas fəaliyyət istiqamətlərindən və ərazi partiya təşkilatlarının rolunun artırılmasının əhəmiyyətindən bəhs edib.

Konfransda YAP Göyçay rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 233 dəfə