Sədaqət Vəliyeva: Prezident İlham Əliyev diplomatlarımıza strateji əhəmiyyətli tapşırıqlarını verdi

Bakı:

26 °C

59 %

11 m/s

AZ RU EN

Ana səhifə / Daxili siyasət / Sədaqət Vəliyeva: Prezident İlham Əliyev diplomatlarımıza strateji əhəmiyyətli tapşırıqlarını verdi

Sədaqət Vəliyeva: Prezident İlham Əliyev diplomatlarımıza strateji əhəmiyyətli tapşırıqlarını verdi

09.07.2014 [10:39]

“Azərbaycan Respublikasının diplomatik xidmət orqanları rəhbərlərinin beşinci müşavirəsi ölkəmiz üçün tarixi əhəmiyyət kəsb edir. Çünki həmin müşavirədə Prezident İlham Əliyev diplomatlarımıza strateji əhəmiyyətli tapşırıqlar verdi”. Bunu Yeni Azərbaycan Partiyası (YAP) Nizami rayon təşkilatının sədri, Milli Məclisin deputatı Sədaqət Vəliyeva deyib.
Deputatın sözlərinə görə, əslində Prezident İlham Əliyevin diplomatlara Ermənistan-Azərbaycan, Dağlıq Qarabağ münaqişəsi haqqında həqiqətlərin, həmçinin, İrəvan xanlığının tarixinin təbliğ edilməsi, Azərbaycanın beynəlxalq hüquq normaları və prinsiplərinə əsaslanan mövqeyinin dünya ictimaiyyətinin diqqətinə çatdırılması yönündəki tapşırıqları “hücum diplomatiyası”nın növbəti mərhələsi oldu.
Sədaqət Vəliyeva, eyni zamanda, vurğulayıb ki, Prezident İlham Əliyevin diplomatlarımıza verdiyi tapşırıqların aydınlığı və konkretliyi dövlətimizin başçısının AŞPA-dakı, ATƏT PA-dakı proqram xarakterli çıxışlarının məntiqi davamı idi.
Milli Məclisin deputatı onu da deyib ki, hazırda regionda və qlobal miqyasda davam edən proseslər, Yaxın və Orta Şərqdə, Şimali Afrikada, Şərqi Avropada cərəyan edən hadisələr prizmasında Azərbaycanın tarixi torpaqlarının erməni işğalından azad edilməsi üçün apardığı siyasi kurs böyük əhəmiyyət kəsb edir: “Bəllidir ki, Dağlıq Qarabağ münaqişəsinin həlli ya diplomatik, ya da müharibə yolu ilə olmalıdır. Lakin Azərbaycan sülhpərvər siyasət yürütdüyündən hələlik sülh variantına üstünlük verilir. Bu baxımdan da, Ermənistanın Dağlıq Qarabağa olan iddialarını və düşmənlərimizin bu kontekstdə apardıqları təhrif dolu kampaniyanı iflasa uğratmaq üçün diplomatik fəallığımızı daha da artırmalıyıq. Əgər Dağlıq Qarabağ münaqişəsini ərazi bütövlüyümüz çərçivəsində həll etmək istəyiriksə, o zaman, həm dünya ictimaiyyətinin düşüncəsini erməni yalanlarından xilas etməli, həm də beynəlxalq hüquq və normalarla mövqeyimizi əsaslandırmalıyıq. Prezident İlham Əliyevin AŞ PA-dakı, ATƏT PA-dakı proqram xarakterli çıxışları bir daha göstərdi ki, biz daha da irəli getməli və ermənilərin iddialarını yalanları ilə birgə məhv etməliyik. Ona görə də, Prezident İlham Əliyevin diplomatlara verdiyi bir nömrəli tapşırıqlar ölkəmizin perspektiv xarici siyasət kursu üçün strateji xarakter daşıyır”.

Paylaş:

Baxılıb: 1564 dəfə